Yaasi 10:16 - Kafa Linguistics Project

¹⁶ Ebiyooba ebi uuche Amooree taateenaꞌo muriccii waaꞌi, Maqidi katemee gaꞌooch beeti xaqqee gofooch aashetinaꞌone.

Yaasi 10:16 ပူးပေါင်းရင်းမြစ်များ

Shoddo 68:12

“Taateenaꞌonaa boonoshi ginee naayinaꞌona wocee aalleheete; mag echeti maacheenaꞌo kecoon qoodeeheete.

Shoddo 68:13

Bageenaꞌo dogooch echetinaꞌolla, boonoshi qoshoo birewoona nasheeti, wacciibeeti aachoochee shuuneeti wullechi, mocere uggeenaꞌon daneheete” iyeete.

Amootsi 9:2

Showoon iijjiꞌi maash boonoshi hami gaatoona, aroochee boonoshin shotte kichemmo taane. Shimaajj boonoshi keyi gaatoona aroochee boonoshin kindiyemmo taane.

Mikiyaasi 7:17

Dingeroochoommon, showoona yuummiibeeti mooyinaꞌochoommonoo buttoon baaxxemminaꞌone. Qewebee boonoshi mishigoochee keyi woyemminaꞌone. Shatona no Nuggishoo Doono Yeeri ne waan wottemminaꞌone; neenoo shati beeyemminaꞌone.

Yaasi 10:15

Aroochee Yaasinaa Israꞌeelee ginee naayinaꞌo bullina Galigala beeti boonoshi kaambooch wotteheete.

Yaasi 10:17

Uuche taateenaꞌo ebi xaqqee gofooch aasheꞌi beemon Yaasi waayehe.

Yaasi 10:5

Arooba uuche Amooree taateenaꞌo, boonoshiyoo Yerusaalemi taatoo, Kebirooni taatoo, Yarimuuti taatoo, Lakishi taatoonaa Egilooni taatoona ikkottee boonoshi ginechinaꞌo bullin kiciꞌi, Gibeꞌoonin giichii kochiyeete.

Yaaꞌoo 6:15

Showee toommeexi taateenaꞌo, woraaferasheenaꞌo, ginee iraasheenaꞌo, gaannechinaꞌo, giidechinaꞌo, guuchi yareenaꞌonaa xalle yareenaꞌo bullinoo gofoonaa xaqqee guudi gogginonooch aasheheete.

Woraaferasheenaꞌo 6:2

Miidiyameenaꞌo boonoshiyee beshiꞌi sharitoyich, Israꞌeeleenaꞌo geppooch beeti xaqqee gogginooch, xaqqee gofoonaa mishigoonooch boonoshi aashemmi xaaꞌoon qanniiheete.

1 Saameeli 13:6

Israꞌeeleenaꞌo boonoshi etteenaꞌo kupphiiꞌi boonoshi ginee naayinaꞌon kochitoyich, boonoshich mooyo maggoo bi tunoon ariiheete. Ebich boonoshi daggoochee xaqqee gofooch, kuchooch, xaqqee daggooch, xaqqee gogginonaa oppoonooch aasheheete.

1 Saameeli 24:3

Saaꞌooliyoo gommi gashooch beeti bagee dogooch shaggiichii, ikke xaqqee gofoon daneꞌi, kubboon kubbeya arooch giyiye. Areegaata Daawitinaa bi asheenaꞌona are xaqqee gofee maaci duꞌooch aasheꞌi beetinaꞌone.

1 Saameeli 24:8

Aroyee gubb, Daawiti xaqqee gofoochee Saaꞌoolin dabbii kechiꞌi, “Taatoo ta doonocho!” iꞌi ceeggiye. Saaꞌooli gubb wottee bi ciinnimmona, Daawiti Saaꞌoolich oogoon imoyich, baroona showooch guufehe.