Yaasi 10:12 - Kafa Linguistics Project

¹² Doono Yeeri Amooreenaꞌon Israꞌeeleenaꞌo kishooch beshiiꞌi bi immiti aabooba, Yaasi Doono Yeerich Israꞌeeleenaꞌo aafoochaa ishichiye: “Aabeene, shuuraanoon Gibeꞌooni katemee toommooch neexebe; ageneene, Ayalooni bambee toommooch neexebe” iye.

Yaasi 10:12 ပူးပေါင်းရင်းမြစ်များ

2 Saameeli 2:12

Ikke areddoon Neeri bushoo Abeneerinaa Saaꞌooli bushoo Ishiboshesichi naayinaꞌona Mahanayimee tiyiꞌi Gibeꞌoon hammiyeete.

2 Taateenaꞌo 20:10

Aroochee Hiziqiyaasi, “Yiiritto aashire daqqoon aaf bi hammemmoyich tuniyoo kettoone. Ebich aashire daqqoon gubb bi wottemmoyich tuniibe” iye.

2 Taateenaꞌo 20:11

Aroochee keemechi Isiyaasi Doono Yeerin qollehe. Doono Yeeriyoo Akaazi shuuneti daqqee toommooch beeti yiiritto aashire daqqoon gubb bi wottemmoyich tuniihe.

2 Taateenaꞌo 20:9

Isiyaasiyoo, “Doono Yeeri gibenikkiti gibeno ceennemmo bi tunoyich, Doono Yeer waanee malleto ebine: And ne qaawaabeeto, yiiritto aashire daqqoon aaf bi hammemmoyichiye, woyee aashire daqqoon gubb bi wottemmoyichiye?” iye.

1 Kiinoo 8:13

Beeriyinaa Shemayina Ayalooni katemooch koteti yari yareenaꞌochi iraasheenaꞌone. Gaat koteti asheenaꞌon yookkitinaꞌo boonoshine.

2 Kiinoo 11:10

Tsoriꞌi, Ayalooninaa Kebirooninane. Ebi Yihudee showoonaa Biiniyaamee showoonooch beeti katemeenaꞌooch kupphe mishigoon shuuniihe.

Iyoobi 9:7

Biyoo, aabe keyaachemmoyich, xojjeno aaxxeyaachemmoyichoo, tunii beetone.

Shoddo 148:3

Aabeenaa ageneenote, biin galletebote; aaxxeebeeti xojjeneenaꞌote, biin galletebote.

Shoddo 19:4

Tunebaani boonoshi gettiti qaaro showoo bulliich shaggiye; showee tuggooch beddaahaanoo waayeehe. Biyoo aaboyich shimaayooch duukkaanoon xogitone.

Shoddo 74:16

Areddoo neechone; xumoo neechone; aabeenaa ageneenon manjiito neene.

Isiyaasi 28:21

Doono Yeeri Feratsimi guudonaa Gibeꞌooni bamboonoochaa bi tuniitoommon andoo doyeyaani shuunoon shuunoonaa dallaawe mooyon tuniyoonoyich tiyemmone.

Isiyaasi 38:8

Doono Yeeri Akaazichi daqqee toommooch beeti yiiritto aashire daqqoon gubb bi wottemmoyich tuniyemmone” iye. Ebina yiiritto aashire daqqoon gubb wottehe.

Isiyaasi 60:20

Ne aabe giyaachemmine; ne agene tahaachemmine; Doono Yeeri bulli yemeenoon ne ceechoo tunemmo bi tunetoyich, ne eeppi yemeeno ciiremmone.

Erimiyaasi 28:1

Aroobee natooch, Yihudee taatoo Sedeqiyaasichi batti batti taatee yemeenooch, awuddinnee natoobee uuchinnee agenooch, Gibeꞌooni katemeexi keemecho, Azuuri bushoo Hanaaniyi Doono Yeerichi yaafee kexoochaa, asho bullinaa qeesheenaꞌona beetoochaa taach ishichiye:

Amootsi 2:9

“Ta asheenaꞌote, ittoshicha iyaꞌa yigoommi genjeenaꞌo, uxeree mixoommi manjeenaꞌo tuneti Amooree asheenaꞌon cammona waaxeree boonoshi aallemmoyich tuniihoye.

Amootsi 8:9

Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane.

Imbaaqoomi 2:20

Tunebaani Doono Yeeri yaafoo tuneti bi yaafee kexooch beetone; showee toommooch beeti asho bulli bi aafooch minnakanna gettaaye.

Imbaaqoomi 3:11

Awureebee kindiibeeti ne shangee conjoochee, wacciibeeti ne ginee aaxxoochee tiyitona, aabeenaa ageneena boonoshi beetooch neexee doojjiyeete.

Zakaariyaasi 2:13

Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Yaasi 10:13

Ebich Israꞌeelee aagetoo boonoshi etteenaꞌo toommooch nichoon kichimmi wottoon, aabe shuuraanoon bi beetooch neexahan; ageneyoo shuuraanoon bi beetooch yagiyan. Ebi mooyo Yashaari Macaafooch kooreetone. Aabe shuuraanoon shimaayooch neexaa, ikke heeyon giyaanoon heechahan.

Yaasi 19:42

Shalabini, Ayalooni, Itilaahi,

Woraaferasheenaꞌo 12:12

Aroochee Elooni qitiꞌi, Zebuloonee showooch beeti Ayalooni katemooch duukkehe.

Woraaferasheenaꞌo 5:20

Xojjeneenaꞌo shimaayoochaa koyeheete; shimaayoona guuddiibee Siseerinaa bi ginee naayinaꞌonon kochiyeete.

1 Saameeli 12:18

Ebina Saameeli Doono Yeer waan corootiye. Arooba Doono Yeeri xeeyoonaa amiyonon deejjiye. Asheenaꞌo bulliyoo Doono Yeerinaa Saameelinon oogichiꞌi shattiyeete.

1 Saameeli 14:31

Arooba Israꞌeeleenaꞌo Filsixeemeenaꞌon Mikimaashee tiijjiꞌi, Ayaloon beddaahaa dabbii wuxiyeete. Aroochee Israꞌeeleenaꞌo shaacoona oogeton maraateheete.