Yaasi 1:7 - Kafa Linguistics Project

⁷ Ne baach kupphebe, maac kuxoonoo tunebe; ta guuno Muusi neech immiti sheeroo bullin manjii quyeree ceechibe. Ne hammemmo bulliich neech bi kaamemmoyich, are sheeroochee qanna yoocha gettaahine.

Yaasi 1:7 ပူးပေါင်းရင်းမြစ်များ

1 Taateenaꞌo 2:2

“Ebiyoche, ta qitemmi aabo katinnitone. Illa kupphebe; maac kuxe asho tunebe.

1 Taateenaꞌo 2:3

Ne Nuggishoo Doono Yeerichi getoon quyebe. Ne tuniyaabeeti mooyonaa ne hammaabeeti gommo bullina neech bi kaamemmoyich, bi gommona hambe; Muusichi Sheerooch bi kooreetoommon, bi doyeenaꞌon, bi geteenaꞌon, bi sheereenaꞌonaa bi qociyeenaꞌonon quyebe.

2 Taateenaꞌo 22:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

1 Kiinoo 22:13

Doono Yeeri Muusina bi immiti sheeroonaa qociyoonon manjiyaꞌa ne quyegaata, mooyo neech kaamemmone. Kupphebe; maac kuxo tunebe; shattaahine; ne gibenoon kuxxaahine.

2 Kiinoo 15:7

Tunebaani ittoshi shuunee gatiyoon danemmo ittoshi tunetoyich, kupphebote; ittoshi mochoo niraaye” iye.

2 Kiinoo 26:5

Yeerin shaton biich dojjiti Zakaariyaasi kashoona beeti yemeenooch Yeerich gibeneeton tunehe. Doono Yeerich gibeneeton bi tunetooba, Yeeri mooyon biich mashaamiihe.

Iyoobi 1:8

Doono Yeeriyoo Sheexaanoon, “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone” iye.

Shoddo 80:19

Beshe Mawe Nuggishoo Doono Yeero, ebiyee aafi no beemooch noon wochibe; no wodemmoyich ne aafoon nooch biriibe.

Shaahiyoo 4:27

Yoocha qanna gettaahine; ne baatoon gondoochee wochibe.

Shaahiyoo 8:20

Ta shaꞌaabeeto cadiqee gommonane; ta boocho dayinnetee boochoone.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Haddoo 27:23

Aroochee Doono Yeeri biich gettitoommon, bi kishoon bi toommooch kotiiꞌi ukkiriihe.

Yibbaatoo 11:8

Muusiyoo daakkiꞌi ishichiye: “Hanaach ittoshich ta gettaabeeti geteenaꞌon ceechii ittoshi quyegaata, katinoon Yoordaanoosin kimiree ittoshi woraashemmi showoon kochii yeshoyich giidechon tunemmo ittoshine.

Yibbaatoo 12:32

“Ebi neech ta getteti mooyo bullin tuniibe. Ebi arooch amoonolla daakkiyaahine. Wotta ebi aroochee amoonolla shappiiyaahine.

Yibbaatoo 28:14

Bare nuggisheenaꞌoyich goyinne maddeya, hanaach neech ta getteti qaaroochee ciroona yoocha qanna gettaahine” iye.

Yibbaatoo 29:8

Boonoshi showoon yechaꞌa Roobeelinaa Gaadinochi yoodeenaꞌoyich, Minaasi yoodoochee qatinaꞌoyichoo iristo tuniiꞌa immehone.

Yibbaatoo 29:9

Ebich ittoshi tuniibeeti mooyo bulli ittoshich bi kaamemmoyich, hini wogeeti wogoon manjii quyebote.

Yibbaatoo 31:7

Aroochee Muusi Yaasin ceeggiꞌi, Israꞌeeleenaꞌo bulli aafoochaa ishichiye: “Doono Yeeri boonoshi qaabbechinaꞌoyich imma wogeꞌi bi gibenikkiti showooch hini asheenaꞌona tookki hammemmo ne tunetoyich, showoonoo boonoshi yechemmoyich tuniyemmo ne tunetoyich, kupphebe; maac kuxoon tunebe.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Yibbaatoo 5:32

“Illa ittoshi Nuggishoo Doono Yeeri ittoshich gettiton ittoshi quyemmoyich ittoshi qelloon ariibote! Ebi aroochee qanna yoocha gettaahote.

Yaasi 1:1

Doono Yeeri guuno Muusi qititoyee gubb, Muusich gaachoo tuneti, Nuuni bushoo Yaasich Doono Yeeri ishichiye:

Yaasi 1:8

Hini Sheeree Macaafo ne noonoochee baraaye. Bi daggooch kooreeto bullin manjiiree ne ceechemmoyich, areddoonaa xumoonon shalligibee shemmebe. Ebin ne tuniigaata, bulli mooyo neech mashaami kaamemmone.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 11:15

Ebiyee aaf Doono Yeeri bi guuno Muusich bi gettiton, Muusi Yaasich gettitone. Yaasiyoo ebi getoon ceechiye. Doono Yeeri Muusich gettito bulliichee Yaasi tuniyaani ikke mooyolla aalloone.

Yaasi 23:6

Ebich kupphebote; yoocha qanna getaanoon Muusichi Sheeree Macaafooch kooreeto bullin quyoonaa ceechoonoyich ittoshin ariibote!