Yaasi 1:2 - Kafa Linguistics Project

² “Ta guuno Muusi qititone. Illa and neennaa hini asheenaꞌo bullina tibote; Israꞌeeleenaꞌoyich ta immemmi showooch gimoyich Yoordaanoosin kimbote.

Yaasi 1:2 ပူးပေါင်းရင်းမြစ်များ

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Nehimi 9:23

Boonoshi shiijjeroon shimaajji xojjenoochoommon meechihine. Giyiree boonoshi woraashemmoyich boonoshi qaabbechinaꞌoyich ne getteti showooch boonoshin giijjihine.

Iyoobi 1:8

Doono Yeeriyoo Sheexaanoon, “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone” iye.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Haddoo 12:7

Tunebaani ta guuno Muusina ta yibbaateebeeto ebiyoommona toonoone; Bi, ta kexo bulliich gibeneetone.

Yibbaatoo 3:28

Ebi ne beeggeti showoon boonoshi woraashemmoyich, Israꞌeeleenaꞌo aafooch shiichiree Yoordaanoosin boonoshi kimmemmoyich tuniyemmo Yaasine. Ebich bi kupphemmonaa bi manjemmonoyich biin gaachebe. Bi tuniyemmi mooyonoo biich gete’ iye.

Yibbaatoo 31:7

Aroochee Muusi Yaasin ceeggiꞌi, Israꞌeeleenaꞌo bulli aafoochaa ishichiye: “Doono Yeeri boonoshi qaabbechinaꞌoyich imma wogeꞌi bi gibenikkiti showooch hini asheenaꞌona tookki hammemmo ne tunetoyich, showoonoo boonoshi yechemmoyich tuniyemmo ne tunetoyich, kupphebe; maac kuxoon tunebe.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.

Yaasi 1:1

Doono Yeeri guuno Muusi qititoyee gubb, Muusich gaachoo tuneti, Nuuni bushoo Yaasich Doono Yeeri ishichiye:

Yaasi 1:11

“Kaambee daggoona beshebote. Asheenaꞌoyich ‘Ittoshi Nuggishoo Doono Yeeri ittoshich immemmi showooch giyiree beemoyich, keejje qemoyee gubb Yoordaanoosin kimmemmo ittoshine. Ebich ittoshi shohoon qanniibote’ getote” iye.