Yaasi 1:15 - Kafa Linguistics Project

¹⁵ Boonoshin ittoshi gaachemmo, ittoshi Nuggishoo Doono Yeeri ittoshich bi tuniitoommon, boonoshin bi kashiimmi wottoonaa ittoshi Nuggishoo Doono Yeeri boonoshich immimmi showoon boonoshi woraashimmi wottoononiye. Ebiyee gubb wotteree, Doono Yeeri guuno Muusi ittoshich immiti, Yoordaanoosi aacoochaa aabi-keyo waan beeti, hini ittoshi hajjiti showooch kotemmo ittoshine” iye.

Yaasi 1:15 ပူးပေါင်းရင်းမြစ်များ

1 Qorontoosi 12:26

Ikke quumo qaakkegaata, bareenaꞌo bulli tookkii qaakkeheete; ikke quumoyich oogo ichegaata, bareenaꞌo bulli tookkii emiriyeete.

1 Qorontoosi 13:5

yeelliibeeti mooyon tuniyaache; bi qellich gabaache; ippeyaache; xuꞌoon haddaache.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.

Yibbaatoo 3:18

“Ebi arooba Roobeelinaa Gaadinochi yoodeenaꞌoyich, Minaasi yoodoochee qatinaꞌonoyichoo ishichaa getteho: ‘No Nuggishoo Doono Yeeri hini showoon ittoshi hajjoo tuniiꞌi immitone. Meeti gijjeenaꞌo ittoshich beemon ariibeeto taane; ittoshi mecheenaꞌonaa bushiisheenaꞌona ebi gijjeenaꞌona tookki hini ittoshich ta immeti katemeenaꞌooch beebeete. Illa and ginee anaamo tuneti ittoshi asheenaꞌo ginee qiicoon cuyeree, ittoshi maneenaꞌo tuneti Israꞌeeleenaꞌoyee aaf shiichi, Yoordaanoosin kimiree boonoshi hammemmoyich tuniibote.

Yibbaatoo 3:20

Boonoshin ittoshi gaachemmo Doono Yeeri ittoshin bi kashiyoommon ittoshi maneenaꞌon bi kashiimmi wottooniye. Ebiyoo ittoshi maneenaꞌo boonoshi etteenaꞌon kochii wochiꞌi, Doono Yeeri boonoshich immiibeeti, Yoordaanoosi aacoochaa aabi-gimo waan beeti showoon boonoshi yechimmi wottooniye; aroochee diggoona arooch kotemminaꞌone. Ebiyee gubb, ittoshi bulli ittoshich ta immeti hini showooch wottemmo ittoshine’ iyo.

Yibbaatoo 9:1

“Israꞌeeleenaꞌote, elle waayebote. Hanaach ittoshiyee beshe giidechinaꞌonaa meetinaꞌona tuneti aageteenaꞌon yoohiichi, boonoshi showoon hajjiya Yoordaanoosi aacon kimma ii beeto ittoshine. Boonoshi katemeenaꞌo ogoogeenaꞌonaa shimaayooch shage xaqqee uxerechinaꞌonane.

Filipphisiyoosi 2:4

Asho bi ikkikkoona bi manoyich gaaccemmi mooyonalli bi qellich gaaccemmi mooyon baach gabaaye.

Yaasi 1:1

Doono Yeeri guuno Muusi qititoyee gubb, Muusich gaachoo tuneti, Nuuni bushoo Yaasich Doono Yeeri ishichiye:

Yaasi 1:14

Ittoshi mecheenaꞌonaa ittoshi bushiisheenaꞌona, ebiyoommon ittoshi gijjeenaꞌoo, Muusi ittoshich immiti, Yoordaanoosi aacoochaa aabi-keyo waan beeti, hini showooch beebeete. Tunebaani koyoyich bedditi, ginee anaamo tuneti ittoshi bulli, cuye qanniree ittoshi maneenaꞌon ittoshi gaachemmoyich, boonoshiyee shiichi kimbote.

Yaasi 1:16

Boonoshiyoo Yaasich wochiꞌi, “Nooch ne getteto bullin tuniyemmo noone; ne wochemmo bulliich hammemmo noone;

Yaasi 22:1

Ebiyooba Yaasi Roobeelinaa Gaadinochi yoodeenaꞌonaa Minaasi yoodoochee qatinaꞌonon ceeggiꞌi