Yaaqobi 5:5 - Kafa Linguistics Project

⁵ Showee toommooch mashaamiti beemonaa emiroona beemoyich ittoshi qaatoon ceechito ittoshine. Gubb bi bashemmi maaꞌoon asho aangiyoommon, ebiyoommon ittoshi ashittinoon aangiito ittoshine.

Yaaqobi 5:5 ပူးပေါင်းရင်းမြစ်များ

Shoddo 17:14

Doono Yeero, asheenaꞌo waanee, boonoshi ixee qoodoo showee toommeexi kasho baach tuneti asheenaꞌo kishoochee, ne kishoona taan wodiibe. Ne shunnaa beetinaꞌo michemmoyich tuniibe; boonoshi bushiisheenaꞌoyich, boonoshi bushaa bushiisheenaꞌoyichoo wodde maayo beeyemmoyich tuniibe.

Shoddo 73:7

Boonoshi aafo aangiꞌi maach curixehe; gonde mooyo boonoshi mullooch ceennii aphirehe.

Shaahiyoo 17:1

Kaaro beeti kexoochaa gifiroon mamoyee, diggoo beetoochaa dapphe koshon mamo gaawiye.

Shaahiyoo 7:14

“Deejjoon giddiiyeshi ta aahee, hanaach ta tiikkeshoon ceechiti taane.

Dojjecho 11:9

Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Isiyaasi 22:13

Tunebaani emiroo, wucwuco, maaꞌoon guuroo, bagoon bashoo, meenon mamonaa woyinee uyoon uyona tunehe; “Yaach qitemmo no tunetoyich maa uyone” iyote.

Isiyaasi 3:16

Doono Yeeri ishichiye: “Tsiyooni maache bushiisheenaꞌo geecitinaꞌone; boonoshi qettimixon ciixxiibee, boonoshi aafoona xayishiibee shaꞌee beetinaꞌone; xeeqqeshee shaꞌeebee, boonoshi baateexi allubboon qaadii beetinaꞌone.

Isiyaasi 47:8

“Hini cunnenniti, carahaanoo koteti, ne mulloonoo ‘Taane; tayee baroo ikkolla aalloone; xuumechoommon koteyaachemmi taane; bushoon wuxii ciichitin tuneyaachemmi taane’ itine; and ebin waayebe:

Isiyaasi 56:12

Boonoshiyoo, “Ittoshi waataa woyinee uyoon qaawi uyone; kashi uyoonoo uyi miyone; yaachoo hanaachiyoommon tunemmone; halla beshoonoo tunemmone” iyeete.

Erimiyaasi 12:3

Tunebaani Doono Yeero, taan ariibeeto neene; taan beeggaabeeto neene; neech ta gabii beeton boshaabeeto neene; basheyemmi bageenaꞌochoommon boonoshin geechi daambe; bashee aaboobich boonoshin bariree kotiibe.

Erimiyaasi 25:34

Qiddeenaꞌote, eefote; cookishoo getote; hini bageenaꞌochi dooninaꞌote, tullooch gederebote; ebiyoo ittoshi guureyemmi aabo bi shaggitoyich, macecikkiti nuuqqee qiico buricoommon dihi buricemmo ittoshi tunetoyichiye.

Hiziqeeli 16:49

“ ‘Ne manee Sodoomichi xuꞌo ebine: Biinnaa bi bushiisheenaꞌona geecechinaꞌone; wodde maayoonaa mashaamiti beemona boonoshich beetaa girechinaꞌonaa iritechinaꞌonon gaacheyaacheete.

Hiziqeeli 39:17

“Ashi bushoocho, shimaajji gaco bullinaa kubbi cooxonoyich ishichibe: ‘Israꞌeelee guudinaꞌoochaa ittoshich ta qanniiti ooge deejjee gifirooch, meenon mamonaa damoon uyonoyich bulli xaaꞌoochee kiceeree wobote.

Amootsi 6:1

Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo!

Luqaasi 16:19

Yesuusi daakkiꞌi ishichiye: “Damere iddimoonaa muttee tuppoochee cicii yokketaa shippeti tahoonon taheebeeti ikke gaannechi uro beehe. Are uro beemo biich mashaamitoyich, qemi qemona bi gaawe beemona emiriibee beehe.

Luqaasi 16:25

“Tunebaani Abrahami wochiꞌi, ‘Ta bushoochoo, showee toommooch ne beehooba, deꞌe mooyo bullin ne danoon shalligibe. Ebiyoommon wotta Alazaari showee toommooch bi beehooba, magge iritee toommooch bi beemonoo shalligibe. Tunebaani Alazaari and hiniichaa bi ayinoon shoottitone; newoo xuuxaabeeto neene.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

1 Ximootiyoosi 5:6

Tunebaani hini showee toommeexi emiroon qaawaabeeti xuumee kashoona beebee qititine.

2 Ximootiyoosi 3:4

ashoon beshii immechinaꞌo, afaafinechinaꞌo, geecechinaꞌo, Yeeriyee beshiiꞌi boonoshi qaatee ceechoon shunnii beetinaꞌo tunemminaꞌone.

2 Pheexiroosi 2:13

Boonoshi gonde shuunoommona qochetaa xuuxoon beeggemminaꞌone; areddee aaboona meechi qaatoon ceechoo boonoshich oogeti emiroone. Gifirooch boonoshi beegaata kiineenaꞌonaa eeꞌeenaꞌona tuneꞌi buuraaqiibee ittoshi ikkittinee madooch tookkii kotee beetinaꞌone.

Yihudi 1:12

Eboshi yeelleyaanoon woddiiꞌi uchii maa boonoshi beegaata, ittoshi ikkittinee madoochaa kiinoomminaꞌone; boonoshi qellichon baachiye boonoshi gabiibeeto; yongo shaccii aalliibeeti, amiyo deebaani quboomminaꞌone; bi gooroona aafeyaani, cammona waaxaa ciroona shuuqqiti mixoomminaꞌone.

Yaaꞌoo 18:7

Bi qelloon bi oogiitoommonaa mashaamiti beemon bi beetoommonon xuuxoonaa muushenoonon bi toommooch shakkiibote. Bi mulloona ‘Taatee tunaꞌa qeenooch koteti taane; xuumee toonee taane; ciroona muusheneyaache’ itine.

1 Saameeli 25:36

Abigeli Naabaal waan wottaa bi waahaa, taatee gifiroommi gifiroon geddiꞌi kexooch bi beetaa danahan. Biyoo oogichii bi mashetoyich, emiree toommoochiye bi beeto. Ebich showoo harimmi wottoon amoonolla biich getaaneene.

1 Saameeli 25:6

Biichoo ishichibote: ‘Diggoo neech tunebe. Ne kechi asheenaꞌonaa neecho tuneto bullinoyich diggoo tunebe.