Yaaqobi 5:13 - Kafa Linguistics Project

¹³ Ittoshi daggoochee koniyoona iritoo bi toommooch shaggito bi beegaata, corootibe. Emiriibeeto koniyoona bi beegaata, galletee shoddoon shoddebe.

Yaaqobi 5:13 ပူးပေါင်းရင်းမြစ်များ

1 Kiinoo 16:9

Biich shoddebote; galletee shoddoon biich shoddebote; worganeeti bi shuunoo bullinoo getote.

Iyoobi 33:26

Arooba bi corootaa, bi corootoon Yeeri waayemmone; emiribee Yeeri aafooch giddemmone; Yeeriyoo mooyon biich kaachemmone.

Shoddo 105:2

Biich shoddebote; galletee shoddoon biich shoddebote; gaakkechi bi shuunoo bullinoo getote.

Shoddo 118:5

Ta duꞌehooba Doono Yeer waan cookiyo; Doono Yeeri ta cookoon waayeꞌi duꞌoochee taan kichiye.

Shoddo 18:6

Ta xuuxehooba, Doono Yeerin ceeggehoye; ta Nuggishoo taan bi gaachemmoyich ceeggehoye. Biyoo bi yaafee kexooch beechii, ta qaaroon waayehe; ta cookoo bi waamooch shaggiye.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Shoddo 95:2

Galletoona bi aafooch giddebone; galletee shoddoona biich ililibone.

Isiyaasi 65:14

ta guuninaꞌo mullee emiroochee tiyitona shoddemminaꞌone; tunebaani ittoshi mullee ayinoochee tiyitona cookemmo ittoshine; ittoshi mullo tiishetaa woowo gettemmo ittoshine.

Daaneeli 5:4

Woyinee uyoon uchiibee aachoochee, birewoochee, gooshoochee, xuuroochee, mixonaa xaqqoonoochee shuuneeti, nuggisheenaꞌochi misiloon galleteheete.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Yoonaasi 2:2

Biyoo ishichiye: “Doono Yeero, xuuxee toommooch beechaa, neen ceeggehoye; newoo waayehine. Qititinaꞌo kiceeꞌi beeti hoonooch beechaa, cookiyoye; newoo ta cookoon waayehine.

Yoonaasi 2:7

“Doono Yeero, ta kashe kech beddaachee neen gabiyoye; ta qolloo ne waan, yaafoo tuneti, damba ne yaafee kexooch kechiye.

Mikiyaasi 4:5

Aageteenaꞌo bulli boonoshi ikkikkoona boonoshi nuggisheenaꞌoyich goyinne maddemminaꞌone; tunebaani no, no Nuggishoo Doono Yeerich bulli yemeenoon goyinne maddemmo noone.

Maatiyoosi 26:30

Boonoshiyoo Yeerichi shoddoon boonoshi shoddetoyee gubb tiyiꞌi, Zayitee Michi guudooch kechiꞌi hammiyeete.

Luqaasi 22:44

Biyoo oogichii xuuxeebee aafichoyee beshoon corootiye; damoo cotoommon caajjo bi achoochee showooch cottiye.

Luqaasi 23:42

Aree hillooch Yesuusin “Yesuuso, ne taatittineech ne giyiyooba, taan batteyaahine” iye.

1 Qorontoosi 14:15

Ishigaata, aabichibote? Ta ayaanoona corootemmo taane; ta mulloona wotta ariibee corootemmo taane; ta ayaanoona Yeerich shoddemmo taane; ta mulloona wotta ariibee Yeerich shoddemmo taane.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

Efesooni 5:19

Shoddoonaa naadoona, Ayaanee shoddoonoo ittoshinaa ittoshina yibbaatebote; Doono Yeerich ittoshi mulloona shoddebote.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

Yaaqobi 5:10

Ta maneenaꞌote! Doono Yeerichi wochoon gettiti keemechinaꞌon shalligibote. Boonoshiyoo xuuxoon haaꞌiyoona nooch shaahiyoon tunetinaꞌone.

Yaaꞌoo 14:3

Taatee qeechi aafoochaa, kashechi awudde halleenaꞌonaa geeneenaꞌonochi aafoochaanoo andire shoddoon shoddeheete. Hini showooch beeti asheenaꞌo daggoochee Yeeri biishee wodiiti ebi balli aabbaa awudde hume asheenaꞌoyee beshetaa, koniyoona hini shoddoon doyiꞌi shoddoon hakkaanoone.

Yaaꞌoo 7:10

Oogeti qaaroona cookiibee, “Wodiyoo, taatee qeenooch koteti no Nuggishoochonaa Bagoochonane” iyeete.