Yaaqobi 4:8 - Kafa Linguistics Project

⁸ Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

Yaaqobi 4:8 ပူးပေါင်းရင်းမြစ်များ

Halloo 18:23

Abrahamiyoo giddeꞌi ishichiye: “Iberoon cadiqe ashoon axaaxechona tookki hidi aalliyenne?

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

Iyoobi 16:17

Tunebaani ta kishoo xalloone; Yeer waan ta corootaabeeto xalle mulloonane.

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Iyoobi 9:30

Ta qeddoon gare aacona ta machetaanona, ta kishoonoo saamunoona machaa ta xalliitaanona,

Shoddo 119:113

Gutte gabechi asheenaꞌon shixxehoye; tunebaani ne sheeroon shunnehoye.

Shoddo 145:18

Doono Yeeri, biin ceeggiibeeto bullich, iberoona biin ceeggii beetoyich, katinoone.

Shoddo 18:20

Ta cadiqittinoochee tiyitona, Doono Yeeri taach deꞌoon deehe; ta kishee xallittinoochee tiyitona, taach wochiꞌi qocciye.

Shoddo 24:4

Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

Shoddo 26:6

Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Shoddo 73:13

Baad cikkii duuboon ta mulloon xalliihoye; ta xallittinoon bekkiyoyich ta kishoon machehoye.

Shoddo 73:28

Tunebaani Yeer waan giddo taach gaawiye; ne shuunoo bullin miixoyich, ta Nuggishoo Doono Yeeri ne shoobooch giyeto taane.

Isiyaasi 13:15

danemmo bulli koyaa qitemmone; yechemmo bulliyoo goraadoona dihemmone.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Isiyaasi 58:2

Qemi qemona taan qaawiyeete; ta gommon ariyoonoo emiriyeete; tate mooyon tuniibeeti, boonoshi Nuggishoochi getoon qayaani asheenaꞌochoommon, dayinnetoon ta waanee qolleheete; ta waan katinonoo emiriyeete” iye.

Erimiyaasi 4:11

Ebiyooba hini ashoonaa Yerusaaleminoyich ishicheyemmone: “Woqqoyich woyee xalliyoyich tuneyaanoon michiibeeti yongo barahooch beeti hulloo tuneti geppeenaꞌoochee ta asho waan yongemmone.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Shoosho 3:57

Neen ta ceegiyooba katinnehine; taanoo “Shattaahine” iyine.

Hiziqeeli 18:31

Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Zakaariyaasi 1:3

Tunebaani and ittoshich gettoye: Ta waan wottebote; tawoo ittoshi waan wottemmo taane.

Milikiyaasi 3:7

Ittoshi qaabbechinaꞌochi yemeenoochee tiijjiꞌi ta sheeroochee ikito ittoshine. Aroonoo quyeyaano ittoshine. Ta waan wottebote; tawoo ittoshi waan wottemmo taane. “Tunebaani ittoshi ‘No wottemmo aabichireeshiye?’ ito ittoshine.

Maatiyoosi 12:33

Daakkiꞌi Yesuusi ishichiye: “Mixo bulli bi aafoona bi arichee beetoyich, deꞌe aafoon danoyich, deꞌe mixo ittoshich beemo qaawiihe; tunebaani gonde mixo ittoshich bi beegaata, gonde aafoon danemmo ittoshine.

Maatiyoosi 15:2

“Ne dabbeenaꞌo no qaabbechinaꞌochi doyoon amoyichiye boonoshi shaaddeebeeto? Maayoon mamoyich boonoshi giddee beegaata, no doyoochoommon boonoshi kishoon macheyaacheete” iꞌi echeheete.

Maatiyoosi 27:24

Phelaaxoosiyoo hukkoon tiijjoyee beshetaa amolla gaacaallo bi tunoon beeggiꞌi, “Hini uroochi damoochee ta xalloo taane; ittoshi, ittoshi qelloon ariibote!” iꞌi dofee asheenaꞌo aafoochaa aacon tiijjii bi kishoon machehe.

Mishiraachechinaꞌo 15:9

Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

1 Ximootiyoosi 2:8

Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.

1 Saameeli 14:35

Saaꞌooliyoo Doono Yeerich deejjee gudoon shuunehe. Ebiyoo Doono Yeerich bi shuuneti, batti batti deejjee gudoone.