Yaaqobi 4:7 - Kafa Linguistics Project

⁷ Illa Yeerich hajjeebote; daabiloosinoo koyebote; biyoo ittoshi waanee wokkemmone.

Yaaqobi 4:7 ပူးပေါင်းရင်းမြစ်များ

2 Saameeli 15:26

Tunebaani taanna emiraano bi tunegaata, biich gaaweto tuneꞌi bekketon tuniibe; tawoo ebin deꞌoyich qannito taane” iye.

2 Kiinoo 30:8

Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

Iyoobi 1:21

Biyoo ishichiye: “Shokkaachoon ta indee maacoochee kecheto taane; shokkaachoon wotteree hammemmo taane. Doono Yeeri immiye; Doono Yeeriyoo tiijjii daammiye; bi shigo galleteebe” iye.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Shoddo 68:30

Kohee daggooch beeti cooxoommi showoon noggebe; maaminaꞌonaa gubbeneenaꞌonon shaahiibeeti taatee showeenaꞌon, noggebe. Bulliyona yitiree boonoshi birewoon neech boonoshi giddiyemmoyich tuniibe; koyoona emiriibeeti macceenaꞌon shace.

Erimiyaasi 13:18

Doono Yeeri ishichiye: “Taatoonaa taatoochi indee gennee abeetinoyich ishichibe: Ittoshi oogee gubbichoo ittoshi qelloochee kindemmo bi tunetoyich, ittoshi qeenoochee kindibote.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Mishiraachechinaꞌo 26:19

“Illa Taatoo Agrippho, shimaayoochee taach bekketi yaaꞌoon qajje getaano taane.

Mishiraachechinaꞌo 9:6

And tiyiree katemooch gibe; ne tuniyemmo neech getteyemmone” iye.

Roomi 10:3

Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone.

Roomi 14:11

“Doono Yeeri ishichiye: ‘Beeyecho taane; ashi gutenoo bulli taach goyinnemmone; ashi heciyoo bulli Yeeri ta tunoon miixemmone’ itone” getaa Yaafe Macaafooch kooreetone.

Efesooni 4:27

Daabiloosichoo kelloon bekkiyaahote.

Efesooni 5:21

Kiristoosin oogoyicha getiree, ittoshinaa ittoshina ikkoo baroyich hajjeebe.

Efesooni 6:13

Ebich gonde mooyo ittoshi toommooch bi shaggimmi aabooba, koyeree bullinoo wochiree, gubb kisheyaanoon neexoon ittoshi hakkemmoyich, Yeeri ittoshich immiibeeti ginee qiico bullin tiijji cuyebote.

Hibireena'o 12:9

Ebiyee aaf wotta noon sheeriibeeti no niheenaꞌo nooch beetinaꞌone; boonoshinoo oogiibeeto noone. Ebich wotta shimaajji no Nihoo Yeerich amoyich beshoon hajjeeꞌa kashoona beetaachone?

1 Pheexiroosi 2:13

Doono Yesuus Kiristoosicha getiree ukkireenaꞌo bullich deꞌa getote; wotta bulliyee besho tuneꞌi qeejjiibeeti taatoyich,

1 Pheexiroosi 5:6

Illa Yeeri bi daaggiti aabooba ittoshin bi oogiyemmoyich, Beshe Mawe Yeeri aafooch ittoshi qelloon giishiibote.

1 Saameeli 3:18

Ebich Saameeli bulli mooyon biich gettiye. Ikke mooyonona biich aachaanoone. Eeliyoo “Bi, Doono Yeerine. Gaaweto tuneꞌi biich bekketon tuniibe” iye.