Yaaqobi 4:5 - Kafa Linguistics Project

⁵ Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?

Yaaqobi 4:5 ပူးပေါင်းရင်းမြစ်များ

Halloo 26:14

Bagoonaa emmishoona, miimonaa gaddireteenaꞌona biich oogeton meettiyeete. Ebich Filsixeemee asheenaꞌo qanaateheete;

Halloo 30:1

Raaheeli Yaaqobich ikke bushoonolla shiyaane bi tunetoyich, bi maneen qanaatahan. Ebich Yaaqobin “Bushoon taach imbe; ebi tuno qayigaata, qitemmi taane” iyan.

Halloo 37:11

Bi maneenaꞌo biin qanaateheete; tunebaani bi nihoo ebi mooyon bi maacoona yechiye.

Halloo 38:9

Tunebaani Onaani, shiijjemmi bushoo biicho tunee qayon bi ariitoyich, bi manoo mecheen bi qeyimmi haddoona bi yaree aacon maach ukkii beehe. Ebina bi manoo shigoona bushoo shiijjeyaachemmoyich tuniihe.

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Shoddo 106:16

Kaambooch beechii, Muusina, Doono Yeerich yaafeeti Haroonina, qanaateheete.

Shoddo 37:1

Gondeenaꞌochi naboona ippeyaahine; hukkoo shuunee beetinaꞌona qanaateyaahine.

Shaahiyoo 21:10

Gonde ashi mullo gondoon shunniye; biinoommi bi manoyichoo ariqqeyaache.

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Isiyaasi 11:13

Efreemichi qanaato echemmone; Yihudichi etteenaꞌoo aallemminaꞌone; Efreemiyoo Yihudi toommooch qanaateyaachemmone; Yihudiyoo Efreemin shixaachemmone.

Haddoo 11:29

Tunebaani Muusi biich, “Ta naboyich qaaqqaꞌaane? Doono Yeer asheenaꞌo bulli keemechinaꞌo boonoshi tunemmo gaata, Doono Yeeriyoo bi Ayaanoon boonoshi toommooch bi kindiimmo gaatoona, taach emiroone” iye.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Yowannisi 10:35

Yaafe Macaafee qaaro shaddeyoon hakkaache; hini bi qaaroon waayetinaꞌon, Yeeri ‘Ittoshiyoo nuggishoo ittoshine’ bi itoyeena,

Yowannisi 19:37

Wotta bare xaaꞌoochaa Yaafe Macaafooch kooreeti qaaro “Boonoshi kochiton beeggemminaꞌone” ii beetone.

Yowannisi 7:42

Yaafe Macaafoochaa ‘Kiristoosi taatoo Daawiti yaroochee, Daawiti beebee echeti katemoo Beetilehemee kechemmone’ getteyaache?” iyeete.

Mishiraachechinaꞌo 7:9

“Hini no qaabbechinaꞌo boonoshi manoo Yooseefina qanaateꞌi Gibits hammiibeeti giixechinaꞌoyich biin kemmiyeete. Tunebaani Yeeri biinna tookkii tunehe;

Roomi 1:29

Axaaxoona, xuꞌoona, hiriggoona, gondo bullinoo ceenniyeete; qanaato, ashoon wuxoo, kaaro, dawushoo, baroon gondiyoo boonoshi mullooch ceenniye. Ashi shigoon gondii beetinaꞌo,

Roomi 9:17

Yaafe Macaafoochaa Yeeri Faroonin “Ne toommoochaa ta tuniyaabeeti shuunoona ta giidoon ta bekkiyemmoyich, ta shigoo showee toommo bulliich bi arichemmoyich, ebichi naboyichiye neen ta taatiito” iye.

1 Qorontoosi 6:19

Woyee ittoshi ashittino Yeeri ittoshich bi immiti Yaafe Ayaano beeti yaafee kexo bi tunoon ariyaachote? Yeeri aaxxe gatiyoona ittoshin kemetone; ebich ittoshi ashittino ittoshi hajjoo toonoone. Illa ittoshi ashittinoona Yeerin oogiibote.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Galaati 3:8

Yaafe Macaafooch bi kooreetoommon, Yeeri Aageteenaꞌo boonoshi mulloon bi toommooch boonoshi tooꞌiitaa cadiqiyemmo bi tunoon shiichii Abrahamich “Neenna aageteenaꞌo bulli diireyemminaꞌone” iꞌi mishiraachee qaaroon gettiye.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.