Yaaqobi 4:2 - Kafa Linguistics Project

² Qaatiyote; ittoshich tuneyaache; ebich ashoon wuxiibeeto ittoshine. Kupphiinoo qanaatehote; ittoshi qaatiton danoon hakkaachote; ebich kaarehote; hayeenoo iyote. Yeerin qolloon ittoshi qajjitoyich, ittoshich tuneyaache.

Yaaqobi 4:2 ပူးပေါင်းရင်းမြစ်များ

1 Taateenaꞌo 21:6

Biyoo areyich “Yezireelee asho Nabootin ‘Ne woyinee budon gijjoona taach kembe; woyee ne qaawigaata, bi keroon bare woyinee budon neech imbona’ iyo. Tunebaani bi, ‘Ta woyinee budon imaache’ iꞌi taach bajjiye” iye.

Shaahiyoo 1:19

Bogona gaanneya qiicceebeeti asho bullichi ciiro ebine; ebiyoo bi doonochi kashoon aalliyoone.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Isiyaasi 7:12

Tunebaani Akaazi “Ta echeyaache; Doono Yeerinoo phireyaache” iye.

Imbaaqoomi 2:5

Gaanno ashoon dawushii beetone. Woddelleenaꞌo geecechinaꞌonaa kotee kasheyaaneenaꞌonane. Boonoshiyoo maashoommi woddelleenaꞌone; qitoochoommon beddiye geton ariyaaneenaꞌone. Aagetee asheenaꞌo bullin boonoshi waan kiciyeete; asheenaꞌo bullinoo keccii daammiyeete.

Yowannisi 16:24

Hanaach beddaahaa ta shigoona amoonolla qolleyaano ittoshine; ittoshi emiroo bi ceennemmoyich qollebote. Ittoshi qollemmon danemmo ittoshine” iye.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 5:6

Cadiqo tuneti ashi toommooch nalliꞌi biin wuxito ittoshine; biyoo cikkii qajjiye.

1 Yowannisi 3:15

Bi manoon shixxiibeeto bulli ashoon wuxitoommone; ashoon wuxito bulli, bulli yemeenee kasho biich aallo bi tunoon ariibeeto ittoshine.