Yaaqobi 3:2 - Kafa Linguistics Project

² No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.

Yaaqobi 3:2 ပူးပေါင်းရင်းမြစ်များ

1 Taateenaꞌo 8:46

“Axaaxoon shuuneyaani asho aallo bi tunetoyich, ne asheenaꞌo axaaxoon shuunoona neen boonoshi xuꞌaa, newoo boonoshin kaaraꞌa etteenaꞌoyich beshiyaa ne imaa, boonoshiyoo wohi woyee katini showooch keccii daamaa,

2 Kiinoo 6:36

“Axaaxoon shuuneyaani asho aallo bi tunetoyich, ne asheenaꞌo axaaxoon shuunoona neen boonoshi xuꞌaa, newoo boonoshin kaaraꞌa etteenaꞌoyich beshiyaa ne imaa, boonoshiyoo wohi woyee katini showooch keccii daamaa,

Iyoobi 15:13

Yeeri toommooch kaaraꞌa, ebiyoommi gonde mooyon ne noonoochee kichihine.

Shoddo 34:13

Ne heciyoon gondoochee, ne noonoon dawushoochee quyebe.

Shoddo 39:1

Tawoo “Ta heciyoona axaaxoon ta shuuneyaachemmoyich, ta gommon quyemmo taane; gondeenaꞌo ta beetooch boonoshi beemmi aabo bulliich, ta kookkooch lugaamoon geddemmo taane” iyoye.

Shaahiyoo 10:19

Meeti yibbaatooch axaaxoo aalleyaache; tunebaani bi heciyoon quyeebeeto, aroo ariyechone.

Shaahiyoo 13:3

Bi noonoon quyemmo bi kashoon quyemmone; bi noonoon gawukkimmo aallemmone.

Shaahiyoo 20:9

“Ta mulloon xalliito taane; ta axaaxoochee xalleto taane” geton hakkemmo konine?

Shaahiyoo 21:23

Bi kookkoonaa bi heciyoonon quyeebeeto, iritoochee bi kashoon quyehe.

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Leweenaꞌo 13:39

qeeshoo ebin manjii ciine. Ebi mooyo daash waan bi wottegaata, qeddooch kechiibeeti, kette mooyone. Ebich ebi asho xalloone.

Maatiyoosi 12:34

Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye.

Maatiyoosi 12:37

Ne noonoochee kechiti deꞌe mooyona Yeeri neech deꞌoon nallemmone; woyee ne noonoochee kechiti gonde mooyona Yeeri neech gondoon nallemmone” iye.

Roomi 3:10

Ishichaa bi kooreetoommon, “Cadiqo aalloone; ikkolla aalloone;

Roomi 7:21

Illa eechii shuuneebeeti sheeroon beeggaabeeto taane: Gaaweton tuniiya qaawaabee gondoon shuunoochee wohaache.

1 Qorontoosi 9:27

Tunebaani bareenaꞌoyich mishiraachee qaaree ceegoon bechiichaa, diqqich qiiccee doyoochee ta muricaa qiiccoochee Yeeri taan bi bayaachemmoyich, ta ashittinoon guripphaabee taach hajjiibeeto taane.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Galaati 5:17

Yaafe Ayaano qaatii beeton meeno shixxii beetone; wotta meeno qaatii beeton Yaafe Ayaano shixxii beetone. Eboshi boonoshinaa boonoshina qiiccee toommooch boonoshi beetoyich, ittoshi shunnii beeton tuniyoon hakkaachote.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Yaaqobi 1:26

“Yeerich goyinnaabeeto taane” ii beeti asho bi heciyoon quyo bi qayigaata, bi goyinno duuboone; bi qellooniye bi dawushii beeto.

Yaaqobi 1:4

Ittoshich shappiti mooyo amolla aalli, shappaalli ceeno ittoshi tunemmoyich haaꞌiyoo bi shuunoo bullin shuunebe.

Yaaqobi 2:10

Sheeroo bullin ceechiibee, tunebaani ikkeena muricciibeeto koniyoona bi tunegaata, sheeroo bullin shaaddetone getone.

1 Pheexiroosi 3:10

Yaafe Macaafooch bi kooreetoommon, “Emiree kashoona beemon shunniibeeto, bi beeti yemeenooch gaawe mooyon beegoyich qaawiibeeti asho, bi heciyoona gondoon, bi noonoonoo dawushee yibbaatoon, yibbaataaye.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.