Yaaqobi 3:18 - Kafa Linguistics Project

¹⁸ Ashoonaa ashoonon shunii beetinaꞌo diggoon halliya shookketi yaroochee boonoshi maciibeeto cadiqee aafooniye.

Yaaqobi 3:18 ပူးပေါင်းရင်းမြစ်များ

Shoddo 92:14

Boonoshi geenehoobolla aafemminaꞌone; bulli aabooch kupphe, nuuriree, “Doono Yeeri kaamoone; biyoo nooch Deebe Xaqqoone; bi waan xumme mooyo aalloone” geti awaajjibee, beeyemminaꞌone.

Shaahiyoo 11:18

Gonde asho daneebeeti mooyo gaacaalloone; tunebaani deꞌe mooyon tuniibeeto, gaawe gatiyoon danehe.

Shaahiyoo 11:28

Bi gaannoon gibeneebeeto oojjemmone; tunebaani cadiqo mocee waamochoommon waarwaariyemmone.

Shaahiyoo 11:30

Cadiqe ashi shuunee aafo kashoon daniihe; asheenaꞌon kiciibeeto ariyechone.

Hosee'i 10:12

Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Amootsi 6:12

Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote.

Maatiyoosi 5:9

Shunii beetinaꞌo diireetinaꞌone; ‘Yeerichi bushiisheenaꞌone’ getaa ceekkemminaꞌone.

Yowannisi 4:36

Andolla qecciibeeto bi caajjee gatiyoon deqqii beetone; shookkechonaa qeccechona ikkooch tookkiree boonoshi emiremmoyich, qecciibeeto aafeti maayoon bulli yemeenee kashoyich kicii beetone.

Galaati 6:8

Bi hajjee meenon emirikkiya shookkiibeeto, meenoochee oꞌon qeccemmone; tunebaani Yaafe Ayaanoon emirikkiya shookkiibeeto, Yaafe Ayaanoochee bulli yemeenee kashoon qeccemmone.

Hibireena'o 12:11

Sheeroo bulli andich ayinikkii beetoani, emirikkiibeeto nooch shaahaanoone; tunebaani ebi sheeroona doyitinaꞌo bulli cadiqee shuunoon boonoshi shuunee beetoyich diggoona beeyemminaꞌone.

Yaaqobi 1:20

Ashi kaaro Yeerin emirikkiibeeti cadiqee shuunoon shuuneyaachemmone.