Yaaqobi 3:14 - Kafa Linguistics Project

¹⁴ Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

Yaaqobi 3:14 ပူးပေါင်းရင်းမြစ်များ

Halloo 37:11

Bi maneenaꞌo biin qanaateheete; tunebaani bi nihoo ebi mooyon bi maacoona yechiye.

Halloo 38:9

Tunebaani Onaani, shiijjemmi bushoo biicho tunee qayon bi ariitoyich, bi manoo mecheen bi qeyimmi haddoona bi yaree aacon maach ukkii beehe. Ebina bi manoo shigoona bushoo shiijjeyaachemmoyich tuniihe.

2 Taateenaꞌo 10:16

“Taanna tookki waaree, Doono Yeerich qanaateto ta tunoon beege” iye. Ebina gaarin bi gashetaa, Shamaara hammiyeete.

2 Taateenaꞌo 10:31

Tunebaani Yehi Israꞌeelee Nuggishoo Doono Yeerichi sheeroon bi ceeni mulloona aaxxiiꞌi quyeyaanoone; Israꞌeeleenaꞌon axaaxoo shuuniiti, Yeroboꞌamichi axaaxoocheenoo wohaanoone.

Iyoobi 5:2

Ippo yeexere ashoon wuxiye; qanaato mullaalli ashoon wuxiye.

Shaahiyoo 14:30

Mullee diggo ashittinoyich iiwittinoon immiye; tunebaani qanaato shaawushoon maabeeti biiyoommone.

Shaahiyoo 27:4

Kaaro maaci manjoone; ippoo ambamboommone; tunebaani qanaatee aafooch neexoon hakkemmo konine?

Isiyaasi 11:13

Efreemichi qanaato echemmone; Yihudichi etteenaꞌoo aallemminaꞌone; Efreemiyoo Yihudi toommooch qanaateyaachemmone; Yihudiyoo Efreemin shixaachemmone.

Imbaaqoomi 1:3

Ebi shaahoon ta duꞌemmoyich amoyich tuniinne? Ebi shaahe gonde mooyo tunee beetaa aabichaꞌa cikkii qajjenne? Ashoon aalliyoonaa xuꞌoona ta guudoona tunee beetone; bulli xaaꞌooch kaaroonaa yexoona tiyii beetone.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Mishiraachechinaꞌo 13:45

Tunetaa hini kiceeti dofee asheenaꞌon Ayihudeenaꞌo beeggiꞌi oogichii qanaateheete; naageebee, “Phawuloosi gettiti qaaro tato toonoone” iyeete.

Mishiraachechinaꞌo 26:9

“Ta, ta qelloona ‘Asheenaꞌo Naazireetechi Yesuusichi shigoon boonoshi ceegaachemmoyich, taach bi hakkeemmi wottoon qiiccemmo taane’ iyaꞌa gabaa beehoye.

Mishiraachechinaꞌo 5:17

Arooba qeeshee guudoonaa biinna tookkii beeti Saduuqee guuphi asheenaꞌo bullina oogeti qanaatoona mishiraachechinaꞌo toommooch tiyiyeete.

Mishiraachechinaꞌo 7:9

“Hini no qaabbechinaꞌo boonoshi manoo Yooseefina qanaateꞌi Gibits hammiibeeti giixechinaꞌoyich biin kemmiyeete. Tunebaani Yeeri biinna tookkii tunehe;

Roomi 1:29

Axaaxoona, xuꞌoona, hiriggoona, gondo bullinoo ceenniyeete; qanaato, ashoon wuxoo, kaaro, dawushoo, baroon gondiyoo boonoshi mullooch ceenniye. Ashi shigoon gondii beetinaꞌo,

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

Roomi 2:17

Ayihudo ne getteegaata, Muusichi Sheeroona ne degee gaata, Yeerinoo ne geeci gaata,

Roomi 2:8

Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

1 Qorontoosi 13:4

Shunecho bulli mooyon haaꞌiihe; ashoyichoo deehe. Shunecho qanaateyaache. Shunecho naadeyaache; geecaache;

1 Qorontoosi 5:2

Ishigaata, aabichiꞌi geeciyote? Ebich ayina bedaachote? Ebiyoommi shuunoon shuuneti uroon ittoshi daggoochee kichibote.

1 Qorontoosi 5:6

Ittoshi geecoo tato toonoone. Giisheche bukee shittoo dofee bukoon koofiibeeto bi tunoon ariyaachote?

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Galaati 5:26

Noonnaa noonna qemeteyoonaa qanaatoona beebee duuboon geecaayone.

Galaati 6:13

Ebi meechi doyoyich deꞌa ito ittoshi tunoona boonoshi geecemmoyich, ittoshi dokireyoon shunniyeetani, ebi are dokireetinaꞌolla boonoshi qelloona sheeroon ceechii quyeyaaneenaꞌone.

Filipphisiyoosi 1:15

Ikkikkeenaꞌo ta toommooch qanaatoonaa taan shixonoochee tiyitona gettii beetinaꞌone; bareenaꞌoo wotta shunniꞌi gaawe gaboona Kiristoosichi mishiraachee qaaroon gettii beetinaꞌone.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

1 Ximootiyoosi 6:4

geecoo biin nafiitone; amoonolla shalligaani tuushoone. Biiyechochoommon kittinnittinee doyoon qallayoyich taggoonaa hayoononiye bi qaatiibeeto. Ebi mooyinaꞌoochee qanaato, kaaro, naago, biinnaa biinna mateyoo,

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

Yaaqobi 3:16

Qanaatoonaa beshi bekkeya getona beeti xaaꞌooch, aroochoo wotta hukkoonaa gonde shuunoo bullina beetone.

Yaaqobi 5:19

Ta maneenaꞌote! Ittoshi daggoochee koniyoona iberee gommoochee bi muricaa, ikkoo biin bi wochigaata,