Yaaqobi 3:13 - Kafa Linguistics Project

¹³ Ittoshi daggoochee ariyechonaa shalligechona konine? Shalligoonaa shiimoona deꞌe shuunoon shuunebee gaawe bi qocoona ebin bekkiibe.

Yaaqobi 3:13 ပူးပေါင်းရင်းမြစ်များ

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 107:43

Ariyecho tuneto bulli ebi mooyon gabibe; Doono Yeerichi shoodoon shalligibe.

Shoddo 122:8

Ta maneenaꞌonaa ta xibeenaꞌonochi naboyich, “Diggoo ne daggooch tunebe” gettemmo taane.

Shoddo 149:4

Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

Shoddo 25:9

Boonoshi qelloon giishii beetinaꞌon kaame gommona yaabiye; boonoshichoo bi gommon dojjiye.

Shoddo 45:4

Iberoyich, qellee giishiyoonaa cadiqoonoyich, ne oogee yiiroon taheree wudoon danoyich qaxiribe; ne qanne mochoo worganikkiti mooyon tuniibe.

Dojjecho 8:1

Shalligechi ashoon shaahoo hakkemmo konine? Moochi biishoon ariyemmo konine? Shalligoo ashi aafoon biriihe; ippoon are ashi aafoochee bajjiye.

Dojjecho 8:5

Taatoochi getoon ceechiibeeto gonde moochi daggooch bacceyaache; shalligechi asho deconaa gommonon arii beetone.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 60:6

Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Erimiyaasi 9:12

Ebin shalligoyich ariyechi asho konine? Ebin bi awaajjemmoyich, Doono Yeeri gettito konichiye? Asho besheyaachemmoyich showoo amoyich duubehe? Shuuꞌi showoochoommon amoyich shuuqqiye?

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Haddoo 12:3

Showee toommooch beeti asho bulliyee beshoon Muusi bi qelloon giishiibeeti ashoone.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Maatiyoosi 7:24

“Illa hini ta qaaroon waayeꞌi ceechiibeeto bulli, bi kexon manje xaqqee nashee toommooch haggiti mullechi uroommone.

1 Qorontoosi 6:5

Ittoshin yeelliyaache? Kittinneenaꞌo daggoochee tiyiti taggoon nallemmi ikke shalligechi asho aabichiꞌi ittoshi daggooch aallehe?

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 8:24

Ebich boonoshin ittoshi shunonaa ittoshi toommooch nooch beeti geecoona tato bi tunoon kittinnee guuphinaꞌo bullich bekkiibote.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Galaati 6:1

Ta maneenaꞌote! Ittoshi daggoochee ikkoo toommooch amee xuꞌolla bi danegaata, Yaafe Ayaanoona yaabeebeeti ittoshi ebiyoommi ashoon shiimoona kaachibote. Newoo wotta ebiyoommi mooyona geecheeree ne dihaachemmoyich ne qelloon ariibe.

Galaati 6:4

Tunebaani asho bi ikkikkoona bi shuuneti shuunoo amoommo gaata gabi ariibe; aroyee gubb bi shuunoo gaaweto tunoon bareenaꞌochi shuunoona tachaanoon bi shuuneebeeti shuunoona baach emiremmone.

Efesooni 4:2

Bulli aaboon qellee giishiyoona, shiimecho tunoona, haaꞌiyoona ittoshinaa ittoshina ikkoo baroon shunibee haaꞌiibote.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

1 Ximootiyoosi 4:12

Koniyoona ne bushittinoon hoxaaye; ne yibbaatoonaa ne qocoona, ashoon ne shunonaa Kiristoosi toommooch ne mullee tooꞌiyoona, ne xallittinoonoo, boonoshi mulloon Kiristoosi toommooch tooꞌii beetinaꞌoyich gaawe shaahiyoon tunebe.

1 Ximootiyoosi 6:11

Tunebaani haano Yeerichi ashoocho, ebi mooyo bulliichee wohe. Cadiqoon, Yeerin oogiibeeti beemon, Kiristoosi toommooch mullee tooꞌiyoona manjoon, maneenaꞌon shunon, haaꞌiyoon, shiimecho tunoonoo dabbiree yeshe.

2 Ximootiyoosi 2:25

Bi dojjiibeeti mooyon happiya qiiccee beetinaꞌon shiimoona dojjibee ciice. Diqq Yeeri iberoon boonoshi ariyemmoyich, axaaxee gommoocheenoo bi waan boonoshi wottemmoyich bi daaggigaata,

Titoosi 3:2

koninolla oonaaneenaꞌo, hayoochee wokkitinaꞌo, shiimechinaꞌo, asho bulli aafooch boonoshi qelloon giishii beetinaꞌo boonoshi tunemmoyich shalligichibe.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

Yaaqobi 2:18

Tunebaani ikke asho “Neech mullee tooꞌiyoo beetone; taachoo shuunoo beetone” ii beeti asho bi beegaata, tawoo biich, “Eke ne mullee tooꞌiyoon shuunoyee bariiree bekkiibe; tawoo ta mullee tooꞌiyoon shuunoona bekkiyemmo taane” gettemmo taane.

Yaaqobi 3:1

Ta maneenaꞌote! Dojjecho tuneti no toommooch beshe nalloo nalleyemmo bi tunoon ariibeeto ittoshine; ebich ittoshi daggoochee meetinaꞌo dojjechinaꞌo tunaayeete.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

1 Pheexiroosi 1:15

“Ta, yaafoo taane; ebich ittoshi yaafeeton tunebote” getaa Yaafe Macaafooch bi kooreetoyich, ittoshin ceeggiti Yeeri yaafoo bi tunetoommon, ittoshi wotta ittoshi beemi qoco bullina yaafeeton tunebote.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Pheexiroosi 3:4

Tunebaani Yeeri aafooch bi gatiyoo oogeton aaxxoo tuneti maacaa mashaamiti ashoon tunebote. Gaꞌi deꞌoonaa gaawe shuriyechonon tuneree aalleyaani malletoon qaawibote.