Yaaqobi 3:1 - Kafa Linguistics Project

¹ Ta maneenaꞌote! Dojjecho tuneti no toommooch beshe nalloo nalleyemmo bi tunoon ariibeeto ittoshine; ebich ittoshi daggoochee meetinaꞌo dojjechinaꞌo tunaayeete.

Yaaqobi 3:1 ပူးပေါင်းရင်းမြစ်များ

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Milikiyaasi 2:12

Ebin tuniibeeti asho, Beshe Mawe Doono Yeerich deejjoon bi giddiiteenolla Doono Yeeri Yaaqobichi shiijjereenaꞌo daggoochee biin kichi yoohe.

Maatiyoosi 10:24

“Dabbito biin dabbiitoyee, guuno bi doonoyee beshaanoone.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Maatiyoosi 23:14

[Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Xuumeenaꞌo kexon tiichiibee ittoshi shuunoon qeroyich corootoon geechii genjiihote. Ebich Yeeri beshe shattii giiriiti nalloon ittoshi toommooch kindiyemmone.]

Maatiyoosi 9:11

Ikkikke Fariseenaꞌo ebin beeggiꞌi bi dabbeenaꞌon “Ittoshi dojjecho gabiyee guudeenaꞌonaa axaaxechinaꞌona tookkii ikkooch bi maabeeto amoyichiye?” iꞌi echeheete.

Luqaasi 16:2

Hini are gaannechi uroo are gijje yeshoon ceekkiiꞌi, ‘Hini ta waayaabeeti ne mooyo amoone? Giyii kechiibeeti ta gijjoon ne kooriti mazgaboon taach imbe; illa ebiyee bekk ta gijje yesho tunoon hakkaachine’ iye.

Luqaasi 6:37

“Ashi gondoon hadiyaahote; Yeeri ittoshi gondoon haddaachemmone. Ashi toommooch nalliyaahote; Yeeri ittoshi toommooch nallaachemmone. Ashi xuꞌoon maaribote; Yeeri ittoshi xuꞌoon maaremmone.

Yowannisi 3:10

Yesuusi wochiꞌi ishichiye: “Ne, Israꞌeeleenaꞌo daggooch ooge dojjecho tunaa beechaa, ebin ariyaachine?

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

1 Qorontoosi 12:28

Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

1 Ximootiyoosi 1:7

Boonoshiyoo Muusichi Sheeree dojjechinaꞌo tunoon shunniibee, boonoshi yibbaatee beeton woyee aafoon kuppheꞌi ashich boonoshi gettiibeeti mooyon shalligaaneenaꞌone.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:11

Ebichoo ceegee bechecho, mishiraachechonaa Yeerichi qaaree dojjechona ta tunemmoyich Yeeri taan kaaccitone.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

Yaaqobi 1:16

Ta shunnaabeeti ta maneenaꞌote! dawusheyaahote.

Yaaqobi 1:19

Ta shunnaabeeti ta maneenaꞌote! Ebin shalligibote. Asho bulli waayoyich afaafinecho, yibbaatoyich nibbecho, kaaroyichoo nibbecho tunebe.

Yaaqobi 3:10

Ikke noonoochee naadoonaa ufona kechiye. Ta maneenaꞌote! Ebi tun bedaani mooyone.

1 Pheexiroosi 5:3

Kittinnee guuphinaꞌoyich gaawe shaahiyoon tuneree bekkebotalli, boonoshin giidoona hajjiyaahote.