Yaaqobi 2:9 - Kafa Linguistics Project

⁹ Tunebaani ashi aafoon ciinniꞌi ittoshi heppi gaata, axaaxoon shuuneebeeto ittoshine; “Sheeroon shaaddeto ittoshine” getaa sheeroona ittibateyemmo ittoshine.

Yaaqobi 2:9 ပူးပေါင်းရင်းမြစ်များ

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Yowannisi 16:8

Aroo waaree, alemoon axaaxeechon, cadiqeechonaa nalleechonon boonoshin ittibatemmone.

Yowannisi 8:46

Ittoshi daggoochee taan ‘Axaaxoon shuuneto neene’ gettemmo aabine? Iberoon gettaabeeto ta tunegaata, ittoshiyochi amoyich taan iberiyaachote?

Yowannisi 8:9

Boonoshiyoo ishin waayeꞌi geeneenaꞌoochee tiijjiꞌi ikkikkeebee bulli kechiyeete. Yesuusi arooch bi ikkeeto echehe; ureyoo arooch neexaa beehan.

Mishiraachechinaꞌo 10:34

Aree hillooch Pheexiroosi yibbaateya tiyiꞌi, “Iberoone; Yeeri ashoon beshaa shappiiꞌi heppee bi qayon ta mulloona ariito taane;

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

1 Qorontoosi 14:24

Ebiyee boonoshi bulli keemoon keemmii boonoshi beetaa, boonoshi beetooch Kiristoosi toommooch mulloon tooꞌiyaani woyee ariyaani asho bi giyigaata, boonoshi bulli gettiibeeti qaaro bi maacoon michemmone; bi waayeti mooyo bulli biin ittibatemmone.

Galaati 2:19

Kashechon tuneree Yeerich ta beeyemmoyich, sheeroo waanaa sheeroyich qitito taane. Kiristoosina tookkaa yooddeto taane.

Yibbaatoo 1:17

Dabiiree nalliyaahote. Gaannechonaa girechonon tachi ciinote. Dayinneto Yeericho bi tunetoyich, ashi aafoon ciini shattaahote. Ittoshich maggemmi mooyon taach ittoshi deebaa, ta aroon nallemmo taane’ iyaꞌa gettoye.

1 Yowannisi 3:4

Axaaxee shuuno sheeroon shaaddo bi tunetoyich, axaaxoon shuuneebeeto bulli Yeerichi sheeroon shaaddee beetone.