Yaaqobi 2:8 - Kafa Linguistics Project

⁸ Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.

Yaaqobi 2:8 ပူးပေါင်းရင်းမြစ်များ

1 Taateenaꞌo 8:18

Doono Yeeriyoo ta nihoo Daawitich ishichiye: ‘Ta shigoyich kexon hagga ne mulloona gabito neene; ebin ne gaboo gaawe mooyone.

2 Taateenaꞌo 7:9

Ebiyee gubb, boonoshinaa boonoshina, “No tuniito, gaawe mooyo toonoone. Hanaach gaawe mishiraachee aaboone. Nowoo cikkito noone. Harimmi wottoon no yagigaata, sheereyemmo noone. Ebich wobote, hambone. Hamiree taatoochi kechi asheenaꞌoyich getone” iyeete.

Leweenaꞌo 19:18

“ ‘Ne asheenaꞌo daggoochee koni toommoochona nichoon kichiyaahine. Mooyon shaaccaahine. Neenoommi ne manoon neenna tachiree shune. Ta, Doono Yeeri taane.

Leweenaꞌo 19:34

Ebi shiqqoon showee bushoon shaahiiree ciinote. Ittoshin ittoshi shunoommon, biin shunote. Gibits shiqqoo tuneꞌi ittoshi kotoon batteyaahote. Ta, ittoshi Nuggishoo Doono Yeeri taane.

Yoonaasi 4:4

Doono Yeeriyoo “Ebich kaar beddenne?” iye.

Yoonaasi 4:9

Tunebaani Yeeri Yoonaasich, “Ebi botoyich kaar beddenne?” iye. Biyoo “Iberoon qitooch beddaahaa kaar beddoye” iye.

Maatiyoosi 22:39

Ebin shaahiibeeti guttinnee sheeroo ‘Neenoommi ne manoon neenna tachiree shune’ ii beetone.

Maatiyoosi 25:21

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

Maatiyoosi 25:23

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

Maatiyoosi 7:12

Ebich ‘Asho taach tuniibe’ iꞌi ittoshi shunniibeeto bullin, ittoshiyoo wotta ebiyoommon bare ashich tuniibote. Ebin tuniyoona Muusichi Sheeroonaa keemechinaꞌona dojjiton ceechemmo ittoshine” iye.

Roomi 13:10

Ashoon shunniibeeto bi manoon xuꞌaache. Ebich ashoon shuno sheeroo bullin ceechoone.

Galaati 5:14

Ebiyoo, sheeroo bulli ikke qaaroona tacceto bi tunetoyichiye; ebiyoo “Neenoommi ne manoon neenna tachiree shune” ii beetonane.

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.

Filipphisiyoosi 4:14

Tunetaa ta iritoon qoodeyoona taan ittoshi gaachetoyich gaawichito ittoshine.

1 Tasaloonqi 4:9

Ittoshinaa ittoshina shuneechon ittoshi qelloona Yeer waanee ariito ittoshine; ebich manaamanoochoommon ittoshi shunemmoyich koniyoona ittoshich koorii arichiyoo qaawiyaache.

Yaaqobi 1:25

Tunebaani axaaxoochee biishee beeti, shappaalli ceeni sheeroon ciinniꞌi are sheeroona manjiibeeti, waayeenoo batteyaanoon shuunee toommooch heechiibeeti asho, bi shuuneebeeti shuunoona diireyemmone.

Yaaqobi 2:12

Axaaxoyich hajjeyoochee kichiibeeti sheeroona Yeeri nallemmi asheenaꞌochoommon getote; ebiyoommon shuunebote.

Yaaqobi 2:19

Yeeri ikkoo bi tunoon iberiibeeto neene; gaawiye! Yinneenaꞌolla wotta ebiyoommon iberii beetinaꞌone; qeweenoo beetinaꞌone.

Yaaqobi 4:11

Ta maneenaꞌote! Ittoshinaa ittoshina ooneyaahote; bi manoon oonniibeeto, bi oonniibeeto sheerooniye; bi manoo toommooch nallii beetoo, bi nalliibeeto sheeree toommoochiye. Wotta sheeree toommooch ne nalligaata, nallee gabberooch koteto nealli, sheeroon quyeebeeto toono neene.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.