Yaaqobi 2:19 - Kafa Linguistics Project

¹⁹ Yeeri ikkoo bi tunoon iberiibeeto neene; gaawiye! Yinneenaꞌolla wotta ebiyoommon iberii beetinaꞌone; qeweenoo beetinaꞌone.

Yaaqobi 2:19 ပူးပေါင်းရင်းမြစ်များ

Isiyaasi 43:10

“Nuggishoo ta tunoon shalligiree, taan ittoshi ariyemmonaa ittoshi gibenemmonoyich, ta kaacceti ta guuno, ta miixoo ittoshine” iye Doono Yeeri. “Tayee aaf nuggishoo aalloone; tayee gubboo beetaachemmone.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 44:8

Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.

Isiyaasi 45:6

Ebiyoo aabi-keyoochee aabi-gimooch beddaahaa beeti asheenaꞌo, Doono Yeeri ta baach tunoon, tayee bare nuggishoo aallo bi tunoonoo, boonoshi ariyemmoyichiye.

Isiyaasi 46:9

Wonna besheti mooyon gabibote; Nuggishoo taane; tayee baroo aalloone; Nuggishoo taane; taanoo shaahemmo aalloone.

Yoonaasi 4:4

Doono Yeeriyoo “Ebich kaar beddenne?” iye.

Yoonaasi 4:9

Tunebaani Yeeri Yoonaasich, “Ebi botoyich kaar beddenne?” iye. Biyoo “Iberoon qitooch beddaahaa kaar beddoye” iye.

Zakaariyaasi 14:9

Doono Yeeri showoo bulli toommooch taatemmone. Ebiyooba Nuggishoo, Doono Yeeri baach, ceekkemmoo, bi shigo baach tunemmone.

Maatiyoosi 8:29

Boonoshiyoo bekkech bunneꞌi, “Yeerichi Bushoocho, no mooyooch neen amo geddiye? Nallaa galloo waataan beetaa noon xuuxiiya hiniich waanne?” iibee cookiyeete.

Maariqoosi 1:24

Biyoo “Naazireetechi Yesuuso, no mooyooch neen amo geddiye? Noon goochiiya waanne? Koni ne gaata ariibeeto taane; Yeerichi yaafoo neene” iꞌi cookiye.

Maariqoosi 12:29

Yesuusi wochiꞌi ishichiye: “Bulliyee beshe sheeroo ‘Israꞌeeleenaꞌote, waayebote! Yeeri no Nuggishoo ikke Nuggishoone.

Maariqoosi 5:7

Arooba Yesuusi “Hini yinnoocho, uro toommoochee tibe” iye. Ebich uro oogichii cookiꞌi, “Beshe Nuggishoo Yeerichi Bushoo Yesuuso, ta mooyooch neen amo geddiye? ‘Taan yulliyaahine’ iyaꞌa Yeerina neen yecheto taane” iye.

Maariqoosi 7:9

Daakkiꞌi ishichiye: “Ittoshi doyoon ceechoyich Yeerichi sheeroon qeexxee kiin bechaachote.

Luqaasi 4:34

“Woowo! Naazireetechi Yesuuso, no mooyooch neen amo geddiye? Noon goochiiya waanne? Koni ne gaata ariyaabeeto taane; Yeerichi Yaafoo neene” iye.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Mishiraachechinaꞌo 16:17

Areyoo Phawuloosinaa noonnon dabbaabee, “Hini asheenaꞌo ittoshi wodemmi gommon ittoshich gettiibeeti Beshe Nuggishoo Yeerichi guuninaꞌone” iibee cookaa beehan.

Mishiraachechinaꞌo 19:15

Tunebaani yinno boonoshich wochiꞌi, “[Iberoon] Yesuusin ariibeeto taane; Phawuloosinoo tuushaano taane; ittoshiyochi koni ittoshine?” iye.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

Roomi 3:30

Ebiyoo dokireeti Ayihudeenaꞌon Kiristoosi toommooch mulloon tooꞌiyoona, dokireyaani Aageteenaꞌonoo Kiristoosi toommooch mulloon tooꞌiyoona cadiqiibeeti ikke Nuggishoo baach beetoyichiye.

1 Qorontoosi 8:4

Illa and shahalloyich deejjeeti deejjoon mamichon bi tunegaata, shahalloo koote nuggishoo bi tunoonaa ikke Yeeriyee damba bare nuggishoo aallo bi tunoonon ariibeeto noone.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

Galaati 3:20

Shoobbecho guttoochi qoodoyichalli, ikkoochi qoodoyich baach neexeyaache; tunebaani Yeeri ikkoone.

Yibbaatoo 6:4

“Israꞌeelo, elle waayebe. No Nuggishoo Doono Yeeri ikke Nuggishoone.

1 Ximootiyoosi 2:5

Ikke Yeeriyee damba bare nuggishoo aalloone; wotta Yeerinaa ashoonochi gutte daggooch beeti ikke shoobbechoyee damba bare shoobbecho aalloone; biyoo asho tuneti Kiristoos Yesuusine.

Yaaqobi 2:8

Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.