Yaaqobi 2:14 - Kafa Linguistics Project

¹⁴ Ta maneenaꞌote! “Ta mulloon Kiristoosi toommooch tooꞌiito taane” ii beeti asho, deꞌe shuunoona bekkiyaano bi tunegaata, amoon biich gaaccehe? Ebiyoommi mullee tooꞌiyoo biin wodiyehe?

Yaaqobi 2:14 ပူးပေါင်းရင်းမြစ်များ

Erimiyaasi 7:8

“ ‘Ebiyoche gaacaalli duube qaaroon gibeneto ittoshine.

Maatiyoosi 5:20

Andoo ellebote! Ittoshi cadiqittino Muusichi Sheeree dojjechinaꞌonaa Fariseenaꞌonochi cadiqittinoyee beshoo bi qayigaata, shimaajji taatittineech ciroona giyaachemmo ittoshine” iye.

Luqaasi 3:11

Yowannisi wochiꞌi, “Gutte tahecho tubbetoyich ikkoon imbe. Maayecho maayaalloyich imbe” ii beehe.

Luqaasi 6:49

Wotta hini ta qaaroon waayeꞌi ceechaano, oppoon genjiiꞌi iiyaanoon, cikkii toommooch bi kexon haggiti uroommone. Ambamboo waahooba, aaco are kexon bi xuqqimmona, bekkech are kexo gugummii dihiye” iye.

Mishiraachechinaꞌo 15:9

Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.

Mishiraachechinaꞌo 8:13

Simooniyoo wotta bi mulloon Yesuusi toommooch tooꞌiiꞌi aacona afaalleehe. Filipphoosi hammimmooch dabbiibee bi tuniibeeti malletoonaa gaakkechi mooyonon beeggiꞌi worganee beehe.

Mishiraachechinaꞌo 8:21

Ne mullo Yeeri aafooch kaamoo toonoone; ebich hini shuunee gogecho tunoon hakkaachine.

Roomi 2:25

Muusichi Sheeroon ceechaa ne quyegaata, ne dokireyoo gaacechone; tunebaani Muusichi Sheerooch kooreeton ne shaaddegaata, dokireyaani ashoommon tuneto neene.

1 Qorontoosi 15:2

Ebi ittoshich ta getteti mishiraachee qaaroon manjiiꞌi ittoshi yeshigaata, biinna wodemmo ittoshine. Ebi toonee gaata, Kiristoosi toommooch ittoshi mullee tooꞌiyoo duuboone.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Ximootiyoosi 1:5

Ebin neech ta gettaabeeto, “Noonnaa noonna shunebone” getoyichiye. Ebi shuno bi danemmo xalle mulloonaa gaawe gaboona, Kiristoosi toommooch mulloon ibere tooꞌiyoonane.

1 Ximootiyoosi 4:8

Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 11:17

Yeeri “Abrahami eke taach bi qemon beegona” iꞌi, “Ikke ne bushoon taach deejjoon tuniiree deejjibe” bi iyooba, Abrahami Yeeri toommooch mulloon tooꞌiyoona “Yisaaqichi shiijjeroona ceekkemmo neene” iꞌi Yeeri gibenikkiti ebi are ikke bi bushoon Yeerich giddiihe.

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

Yaaqobi 1:16

Ta shunnaabeeti ta maneenaꞌote! dawusheyaahote.

Yaaqobi 2:16

ittoshi daggoochee ikkoo boonoshich qaawii beeton imon qajjiichii, “Diggoona hambote; ittoshi tahetaa qeece; maaree miyote” bi getigaata, amoon gaaccehe?

Yaaqobi 2:18

Tunebaani ikke asho “Neech mullee tooꞌiyoo beetone; taachoo shuunoo beetone” ii beeti asho bi beegaata, tawoo biich, “Eke ne mullee tooꞌiyoon shuunoyee bariiree bekkiibe; tawoo ta mullee tooꞌiyoon shuunoona bekkiyemmo taane” gettemmo taane.

Yaaqobi 2:26

Kashoyee bariti meeno qitito bi tunoommon, ebiyoommon wotta shuunee toommooch heeyaani mullee tooꞌiyoo qititone.

2 Pheexiroosi 1:5

Ebich kuppheree shuunebee Kiristoosi toommooch ittoshi mullee tooꞌiyee toommooch deꞌittinoon, deꞌittinee toommooch ariyoon,