Yaaqobi 1:4 - Kafa Linguistics Project

⁴ Ittoshich shappiti mooyo amolla aalli, shappaalli ceeno ittoshi tunemmoyich haaꞌiyoo bi shuunoo bullin shuunebe.

Yaaqobi 1:4 ပူးပေါင်းရင်းမြစ်များ

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Shoddo 37:7

Doono Yeeri aafooch cikkiree beebe; haaꞌiyoona biin quyebe. Gondoon gabiibeeti ashich, mooyo kaamoona ippeyaahine.

Shoddo 40:1

Haaꞌiyoona Doono Yeerin quyoye; biyoo ta waan gaꞌee, ta cookoon waayehe.

Shaahiyoo 4:8

Biin oogiibe; neen oogiyemmone; manjii yeshe; oogoon neech deebemmone.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Maatiyoosi 10:22

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone.

Maatiyoosi 19:20

Gurimaashoo wochiꞌi, “Ebi bullin ceechito taane. Ebiyee baroo ta shappiiti mooyo amoone?” iye.

Maatiyoosi 5:48

Illa shimaayeexi ittoshi Nihoo Yeeri deꞌo bi tunetoommon, ittoshiyoo wotta deꞌoon tunebote” iye.

Maariqoosi 10:21

Yesuusiyoo hini are uroon ciinniꞌi biin shunniye. “Illa ikke mooyo neech shappitone; hamiree neech beeto bullin kemiree iriteetinaꞌoyich imbe; neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 18:22

Yesuusi ebin waayeꞌi, “Batt ikke mooyo neech shappitone: Hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 21:19

Kuppheꞌi ittoshi neexegaata, bulli yemeenee kashoon danemmo ittoshine” iye.

Luqaasi 8:15

Wotta qeemi showooch holliti yaroomminaꞌo geto, ibere gaawe mulloona Yeerichi qaaroon waayeꞌi ceechiibeeti asheenaꞌo getone; haaꞌiiꞌi aafoon aafee beetinaꞌone” iye.

Yowannisi 17:23

Hini oogee yiiroon ta immeto, ‘Tawoo boonoshina ta tunoona, newoo taanna ne tunoona bulli ikkoo tunebeete’ getoyichiye. Ebina taan wochaa ne deejjoon, taanoo ne shunnetoommon boonoshin ne shunon alemo ariyemmone.

1 Qorontoosi 2:6

Kiristoosi toommooch mullee tooꞌiyoona kupphetinaꞌo daggoochaa no yibbaataabeeto, ibere shalligoonalli, hini showeexi ashi shalligoon woyee boonoshi oogoochee kindemmi hini showee iraasheenaꞌochi shalligoon toonoone.

Galaati 6:9

Ebich gaawe shuunoon shuunoyich beenaayone. Taahoo no qayigaata, qecci goorooba qeccemmo noone.

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

1 Tasaloonqi 5:23

Diggee Nuggishoo bi qelloona ittoshi hullimalloon yaafibe; ittoshi ayaano, ittoshi kashoonaa meenona no Doono Yesuus Kiristoosi wottee waahooba ikke bachaallo tune quyeeree beebe.

2 Ximootiyoosi 3:17

Ebina Yeerich maddeebeeti asho deꞌe shuunoo bullin shuunoyich bedditonaa qannitonon tunemmone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

2 Pheexiroosi 1:9

Ebi mooyinaꞌo biich aalli asho, katinooch beeti mooyinaꞌon baach ciinniibeeto woyee aaf doogoone; ebiyee aafi bi axaaxoochee bi xalloon battetone.