Yaaqobi 1:26 - Kafa Linguistics Project

²⁶ “Yeerich goyinnaabeeto taane” ii beeti asho bi heciyoon quyo bi qayigaata, bi goyinno duuboone; bi qellooniye bi dawushii beeto.

Yaaqobi 1:26 ပူးပေါင်းရင်းမြစ်များ

Iyoobi 15:13

Yeeri toommooch kaaraꞌa, ebiyoommi gonde mooyon ne noonoochee kichihine.

Iyoobi 30:11

Yeeri ta ginee yaaboon tiichiꞌi taan bi giishiitoyich, lugaamoo aapphiti hareshoochoommon ta toommooch capheheete.

Shoddo 141:3

Doono Yeero, ta noonooch quyechon kotiibe; ta noonee kelloon quyebe.

Shoddo 32:9

Lugaamoonaa shachoonon gedo qayigaata ittoshi waan katinaani, shalligaalli hareshoommonaa biceroommonon tuneyaahote” iye.

Shoddo 34:13

Ne heciyoon gondoochee, ne noonoon dawushoochee quyebe.

Shaahiyoo 10:19

Meeti yibbaatooch axaaxoo aalleyaache; tunebaani bi heciyoon quyeebeeto, aroo ariyechone.

Shaahiyoo 10:31

Cadiqeenaꞌochi heciyoochee shalligoo kechiye; tunebaani xumme moochechi heciyoo kuchemmone.

Shaahiyoo 14:12

Ashich kaamoo shaahiibeeti boocho beete; tunebaani ciiroochaa qitooch bechii beetone.

Shaahiyoo 15:2

Mullechochi heciyoo ariyoo shunneyemmoyich tuniihe; tunebaani mullaalloochi noonoochee tuushoo kechiye.

Shaahiyoo 16:10

Doono Yeerichi nalloo taatoochi noonooch beetone; ebich bi noonoo nalloochaa muricaache.

Shaahiyoo 16:25

Ashich kaamoo shaahiibeeti boocho beete; tunebaani ciiroochaa qitooch daammii beetone.

Shaahiyoo 19:1

Bi heciyoon guttiibeeti mullaalli ashoyee, oonneyaani beemon beeti girecho gaawiye.

Shaahiyoo 21:26

Heeyo bullin qaatiye; tunebaani cadiqo immiichii wotteyaache.

Isiyaasi 1:13

Gaacaalli ittoshi buuroon ebiyee bekk deebaahote; ixaanoo taan tiyaarii beetone; batti agenee keyi ittoshi baaroon, ittoshi shambetoon; ittoshi iitoonaa xuꞌoona ceenniti ittoshi kiceyoonon haaꞌiyoon hakkaache.

Isiyaasi 44:20

Tulloon baaxxiye; muricechi bi mullo biin muriciitone; bi qelloon wodiyoon woyee “Ebi ta qanne kishooch beeto koote mooyo toone?” geton hakkaache.

Milikiyaasi 3:14

“Ta toommooch ittoshi yibbaateto, ‘Doono Yeerich maddoo gaacaalloone; bi getoon waayo woyee no axaaxoyich Beshe Mawe Doono Yeeri aafooch muusheneꞌi shaꞌo amoon nooch gaaccehe?

Luqaasi 8:18

Illa aabichiree ittoshi waayemmo gaata, ittoshi qelloon ariibote! Beetoyich daakkaa ichemmone; tunebaani amolla aallo waanee biich beeti shaahiibeeti giishechewolla tiijjeyemmine” iye.

1 Qorontoosi 15:15

Nowoo wotta “Kiristoosin Yeeri qitoochee tiijjitone” iyaꞌa Yeerichon no miixetoyich, kootoon miixee beeton tunetonalli amoone! Illa qititinaꞌo tiyaachemminaꞌo tunegaata, Kiristoosin Yeeri qitoochee tiijjaanoone getone.

1 Qorontoosi 15:2

Ebi ittoshich ta getteti mishiraachee qaaroon manjiiꞌi ittoshi yeshigaata, biinna wodemmo ittoshine. Ebi toonee gaata, Kiristoosi toommooch ittoshi mullee tooꞌiyoo duuboone.

1 Qorontoosi 3:18

Koniyoona bi qelloon dachaaye. Ittoshi daggoochee koniyoona hini showee toommeexi asheenaꞌochi gaboommon “Shalligecho taane” iꞌi bi gabigaata, shalligechon bi tunemmoyich, tuushoon shaahiree bekkebe.

Galaati 2:6

Ebi are kittinnee guuphinaꞌon yaabii qeejjii beeton shaahiꞌi bekkee beetinaꞌo, koni boonoshi tunetaanoona aaxxiyaano taane; Yeeri ashoon heppaache; eboshi taach boonoshi giddiiti dallaawe mooyo aalloone.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Galaati 3:4

Ebi shaahe duꞌoon beeggiibee ittoshi echeto duubooniye? Halla iberoon duubooniye?

Galaati 6:3

Ikke asho bareenaꞌoyee beshaanoon beebee bi qelloon beshoon shaahiꞌi bi ciinigaata, bi qellooniye bi dawushii beeto.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Efesooni 5:4

Ittoshich bi tuniiti mooyo bullich Yeerin galletebotalli, ittoshich tate shuunoo tuneyaani, yeelliibeeti mooyon, bache yibbaatoon woyee gonde naacoon tuniyaahote.

Yibbaatoo 11:16

Bare nuggisheenaꞌoyich ittoshi goyinne maddemmoyich, ittoshi mullo ittoshin bi geechaachemmoyich ittoshi qelloon ariibote!

Qolaasiyaasi 4:6

Boonoshi ikkikkoyich aabichiree tatoona ittoshi wochemmo gaata ittoshi ariyemmoyich, ittoshi yibbaatoo bulli aaboon kiihochoommon nooccii beetonaa emirikkii beetona tunebe.

Yaaqobi 1:19

Ta shunnaabeeti ta maneenaꞌote! Ebin shalligibote. Asho bulli waayoyich afaafinecho, yibbaatoyich nibbecho, kaaroyichoo nibbecho tunebe.

Yaaqobi 1:22

Ittoshi waayeebeeti Yeerichi qaaroon shuunee toommooch heechiibotalli, ittoshi qelloon wochi dawushibee waayee beeton baach tuneyaahote.

Yaaqobi 2:20

Hini mullaalloocho! Mullee tooꞌiyoo shuunaalloon duubo bi tunoon ariyoon qaawaa beetine?

1 Pheexiroosi 3:10

Yaafe Macaafooch bi kooreetoommon, “Emiree kashoona beemon shunniibeeto, bi beeti yemeenooch gaawe mooyon beegoyich qaawiibeeti asho, bi heciyoona gondoon, bi noonoonoo dawushee yibbaatoon, yibbaataaye.