Yaaqobi 1:21 - Kafa Linguistics Project

²¹ Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

Yaaqobi 1:21 ပူးပေါင်းရင်းမြစ်များ

Shoddo 25:9

Boonoshi qelloon giishii beetinaꞌon kaame gommona yaabiye; boonoshichoo bi gommon dojjiye.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Hiziqeeli 18:31

Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Yowannisi 6:63

Kashoon immiibeeto Yeerichi Ayaanoone; ashi giidoo amoonolla hallaache. Ta ittoshich getteti qaaro ayaanoonaa kashoonane.

Yowannisi 6:68

Simoon Pheexiroosi wochiꞌi, “Ta Doonocho, koni waaniye no hammemmo? Bulli yemeenee kashee qaaro ne waaniye bi beeto.

Mishiraachechinaꞌo 10:33

Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.

Mishiraachechinaꞌo 13:26

“Andoo hini Abrahamichi yaroo tuneti ta maneenaꞌote, wotta no daggooch beeti, Yeerich hajjeebeeti Aageteenaꞌote, Yeeri hini no wodemmi qaaroon nooch deejjitone.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 11:17

Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene.

Roomi 6:17

Tunebaani shiichiꞌi axaaxoyich hajjeebeeti guuno ittoshi tunetaanoona, ittoshich icheti doyoochee daneti iberoyich mulloochee tiijjiꞌi ittoshi deꞌa itoyich, axaaxee guuchittinoochee kechiꞌi cadiqoyich ittoshi hajjeetoyich, Yeerich galleto bede.

1 Qorontoosi 15:2

Ebi ittoshich ta getteti mishiraachee qaaroon manjiiꞌi ittoshi yeshigaata, biinna wodemmo ittoshine. Ebi toonee gaata, Kiristoosi toommooch ittoshi mullee tooꞌiyoo duuboone.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Efesooni 1:13

Ittoshiyoo wotta iberee qaaroon, ebiyoo ittoshi woditi mishiraachee qaaroon, waayeꞌi ittoshi mulloon Kiristoosi toommooch ittoshi tooꞌiitaa, Yeeri bi gibenikkiti Yaafe Ayaanoona biicho ittoshi tunee xiishee maatemoon ittoshi toommooch geddiye.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Efesooni 5:4

Ittoshich bi tuniiti mooyo bullich Yeerin galletebotalli, ittoshich tate shuunoo tuneyaani, yeelliibeeti mooyon, bache yibbaatoon woyee gonde naacoon tuniyaahote.

1 Tasaloonqi 1:5

Ittoshi waan no waahooba mishiraachee qaaroon ittoshich no getteto, xiishaꞌa no iberiyoon bekkiyoonaa Yaafe Ayaanee giidoona no shuunoonalli, noonoona baach toonoone. Ittoshina tookkaa no beehooba, ittoshich gabaabee aabichaꞌa no beeto gaata ariibeeto ittoshine.

1 Tasaloonqi 2:13

Wotta kuxaanoon Yeerin no galletaabeeti bare mooyo beete: No waanee ittoshi waayeti Yeerichi qaaroon ittoshi iberiihooba, ittoshi mulloon Yesuusi toommooch tooꞌiiti ittoshi waanaa shuuneebeeti ebi qaaroon ittoshi iberiito, Yeerichi qaaroommonalli ashi qaaroommon toonoone; iberoochaa Yeerichi qaaroone.

Titoosi 2:11

Ebiyoo, asho bullin wodiyoon hakkemmi Yeerichi wojjoo bi gaxxeetoyichiye.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Hibireena'o 4:2

Israꞌeeleenaꞌo barahooch boonoshi beehooba mishiraachee qaaro boonoshich getteetoommon, noochoo getteetone; tunebaani Yeeri toommooch mulloon tooꞌiyaaneenaꞌo boonoshi tunetoyich, boonoshi waayeti qaaro amoonolla boonoshich gaacaanoone.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

Yaaqobi 5:20

axaaxechon muriccii bi hammiti gommoochee wochiibeeto, bi kashoon qitoochee wodiibeeto bi tunoon, wotta bi shuuneti wodde axaaxoyich maaroon bi daniyoon ariibe.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 1:9

Ittoshi emiriibeeto, Yeeri ittoshin wodii bi beetoyichiye; ebiyoo ittoshi mulloon bi toommooch ittoshi tooꞌitoyichiye.

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.