Yaaqobi 1:19 - Kafa Linguistics Project

¹⁹ Ta shunnaabeeti ta maneenaꞌote! Ebin shalligibote. Asho bulli waayoyich afaafinecho, yibbaatoyich nibbecho, kaaroyichoo nibbecho tunebe.

Yaaqobi 1:19 ပူးပေါင်းရင်းမြစ်များ

Nehimi 8:18

Batti batti aaboochee tiijjiꞌi ciirooch beddaahaa, Iziri qemi qemona Yeerichi Sheeree Macaafoon shemmee beehe. Boonoshiyoo baaroon shabaatte qemi wottoon baariyeete; shimittinnee qemooba sheerooch bi getteetoommon, yaafeeti kiceyee aaboon tuniiheete.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Nehimi 9:3

Boonoshi beeti beetooch neexeꞌi boonoshi beetaa, boonoshi Nuggishoo Doono Yeerichi Sheeree Macaafo keejje saati bedoon boonoshich shemmeehe; wotta keejje saati bedoon boonoshi Nuggishoo Doono Yeerich boonoshi axaaxoon aanniꞌi goyinneheete.

Iyoobi 32:16

Boonoshi gettemmon mucceꞌi cikkii neexetinaꞌone; ishigaata, ta cikki quye beebote?

Shaahiyoo 10:19

Meeti yibbaatooch axaaxoo aalleyaache; tunebaani bi heciyoon quyeebeeto, aroo ariyechone.

Shaahiyoo 13:3

Bi noonoon quyemmo bi kashoon quyemmone; bi noonoon gawukkimmo aallemmone.

Shaahiyoo 14:17

Kaatee kaareebeeti asho, tuushe ashi shuunoon shuunehe; tunebaani ariyecho haaꞌiihe.

Shaahiyoo 14:29

Haaꞌiyecho goommii deqqiibeeti ashoone; tunebaani kaarecho bi tuushoon bekkiihe.

Shaahiyoo 15:18

Ippechi asho kaaroon booddiye; tunebaani haaꞌiyechi asho kaaroon aqqiihe.

Shaahiyoo 15:2

Mullechochi heciyoo ariyoo shunneyemmoyich tuniihe; tunebaani mullaalloochi noonoochee tuushoo kechiye.

Shaahiyoo 16:32

Ginee anaamoyee haaꞌiyechi asho gaawiye; katemoon kochii yechitoyee bi qelloon hajjito beshiye.

Shaahiyoo 17:14

Kaaro bi tiyiibeeto aaco bi gabbetoochee ufoommoniye; ebich kaaro tiyaan beetaa hayoon neechibe.

Shaahiyoo 17:27

Yibbaatoon woddiyaani asho ariyechone; magge shuriyechi asho gabechone.

Shaahiyoo 18:13

Waayeyaano beechii wochoo, tuusha haddiibeeti, yeelliiti mooyone.

Shaahiyoo 18:21

Qitoonaa wodoona heciyee kishoochiye; yibbaatoon shunniibeeto, bi yibbaatee aafoon maayemmone.

Shaahiyoo 19:11

Shalligoo ashoon haaꞌiyecho tuniihe; biin xuqqiton maaroo oogoon danoone.

Shaahiyoo 19:19

Ippechi asho bi shuunee gatiyoon qoccemmone; biin gaachaa ne wodiigaata, wochinnoon ebin tuniyoo neech echeyaache.

Shaahiyoo 21:23

Bi kookkoonaa bi heciyoonon quyeebeeto, iritoochee bi kashoon quyehe.

Shaahiyoo 25:28

Bi kaaroon aqqiyoon hakkaani asho, bi uxeroo tiisheti katemoommone.

Shaahiyoo 29:20

Bi yibbaatoona afaafineebeeti ashoon beeggaa beetine? Biyee tuushoyich gibeno beete.

Haddoo 22:27

Kureyoo Doono Yeerichi maraakoon beeggaꞌa, bekkech miqqahan. Balaamiyoo oogichii ippehe. Kureenoo bi gumboona mutehe.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maariqoosi 12:37

Illa Daawiti biin ‘Doono’ itone. Ishigaata, aabichiree Daawitichi bushoo tunehe?” iye. Ebin dofee asheenaꞌo bi waanee emiroona waayeheete.

Maariqoosi 2:2

Bekkech waa, kexonaa maaxonooch ceenniꞌi kiceeheete; Yeerichi qaaroon Yesuusi boonoshich gettiye.

Luqaasi 15:1

Gabiyee guudeenaꞌonaa axaaxechinaꞌonochi daggoochee meetinaꞌo “Yesuusi gettimmon waayebone” iibee bi waan waa beeheete.

Luqaasi 19:48

Tunetaa dofee asho bulli ottiꞌi bi gettiibeeti mooyon boonoshi ellee beetoyich, boonoshi hallemmi mooyon mucceheete.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 10:33

Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Mishiraachechinaꞌo 2:42

Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete.

Efesooni 4:26

Ittoshi kaare gaatoona, ebi ittoshi kaaro axaaxooch ittoshin bechiibeeto tunaaye; ittoshi kaaree daggooch aabo giyaaye.

Efesooni 4:31

Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

Qolaasiyaasi 3:15

Kiristoosichi diggoo ittoshi mullooch taatebe; ikke ashittinoochoommon ittoshi ceekketo ebi diggoyichiye; Yeerinoo galleteebeeto tunebote.

Qolaasiyaasi 3:8

Tunebaani and wotta kaaroonaa ippoonon, gonde mooyon, naagoonoo, yeelliibeeti yibbaatoonoo, eboshi bullin wokkiibote.

1 Tasaloonqi 2:13

Wotta kuxaanoon Yeerin no galletaabeeti bare mooyo beete: No waanee ittoshi waayeti Yeerichi qaaroon ittoshi iberiihooba, ittoshi mulloon Yesuusi toommooch tooꞌiiti ittoshi waanaa shuuneebeeti ebi qaaroon ittoshi iberiito, Yeerichi qaaroommonalli ashi qaaroommon toonoone; iberoochaa Yeerichi qaaroone.

Yaaqobi 1:16

Ta shunnaabeeti ta maneenaꞌote! dawusheyaahote.

Yaaqobi 1:2

Ta maneenaꞌote! Baribare iritoo ittoshi toommooch bi shagiyooba, Kiristoosi toommooch mulloon tooꞌiyoona ittoshi manjoo haaꞌiyoon immiibeeto bi tunoon ariiree, ebiyoommi iritoon ceeni emiroommon shaahiree ciinote.

Yaaqobi 1:26

“Yeerich goyinnaabeeto taane” ii beeti asho bi heciyoon quyo bi qayigaata, bi goyinno duuboone; bi qellooniye bi dawushii beeto.

Yaaqobi 2:1

Ta maneenaꞌote! Oogee yiirecho tuneti no Doono Yesuus Kiristoosi toommooch mulloon tooꞌiito ittoshine; ebich ashoon barbariiree heppiyaahote.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaqobi 3:10

Ikke noonoochee naadoonaa ufona kechiye. Ta maneenaꞌote! Ebi tun bedaani mooyone.

Yaaqobi 4:11

Ta maneenaꞌote! Ittoshinaa ittoshina ooneyaahote; bi manoon oonniibeeto, bi oonniibeeto sheerooniye; bi manoo toommooch nallii beetoo, bi nalliibeeto sheeree toommoochiye. Wotta sheeree toommooch ne nalligaata, nallee gabberooch koteto nealli, sheeroon quyeebeeto toono neene.

Yaaqobi 5:12

Ta maneenaꞌote! Bulliyee beshoon ebin gabibote: Shimaayoona tuneba showoona, amee mooyonolla wogeyaahote. Yeeri ittoshi toommooch bi nallaachemmoyich, ittoshi yibbaatoo eeha geto bi tunegaata, eeha baach getote. Toonoone geto bi tunegaata, toonoone baach getote.

Yaaqobi 5:19

Ta maneenaꞌote! Ittoshi daggoochee koniyoona iberee gommoochee bi muricaa, ikkoo biin bi wochigaata,

1 Yowannisi 2:21

Iberoon ittoshi arii beetonaa ibere mooyoochee amee koote mooyolla danee bi qayon ittoshi arii beetonoyichalli, “Iberoon ariyaachote” iyaꞌa ittoshich kooraano taane.