Yaaqobi 1:12 - Kafa Linguistics Project

¹² Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 1:12 ပူးပေါင်းရင်းမြစ်များ

Halloo 22:1

Ebi mooyinaꞌo tunetoyee gubb, Yeeri Abrahamin biich deꞌa bi getonaa getti bi qayonon beegga qaawiye. Ebich “Abrahamo!” ii ceeggiye. Abrahamiyoo eekkehe.

Nehimi 1:5

Tawoo ishichiyo: “Shimaajji Nuggishoo Doono Yeero, neen shunnii beetinaꞌonaa ne getoon quyee beetinaꞌonoyich ne giyeti wogoon ceechaabeeti, kuxeyaani ne shunoonoo bekkiyaabeeti, oogoonaa shattiitona tuneti Nuggishoocho,

Iyoobi 2:10

Biyoo wochiꞌi, “Ne yibbaatoo mullaalli maacheenaꞌochi yibbaatoommone. Yeer waanee deꞌe mooyon deqqeto noone; ishigaata, magge mooyon deꞌaache getona?” iye. Ebi bulli daggooch Iyoobichi noonoochee gonde mooyo keyaanoone.

Iyoobi 5:17

“Yeeri sheeriibeeti asho diireetone; ebich Beshe Hakkechi Yeerichi sheeroon qallayiyaahine.

Shoddo 11:5

Doono Yeeri cadiqe ashoonaa gonde ashoonon phiree beeggii beetone; tunebaani xuꞌoon shunnii beeton shixxiye.

Shoddo 119:67

Taan ne sheeraani beehooba muriccaa beehoye; tunebaani and ne qaaroon quyaabeeto taane.

Shoddo 119:71

Ne qociyoon ta doyemmoyich bi tunetoyich, taan ne sheerito taach gaaweto tunetone.

Shoddo 119:75

Doono Yeero, ne dayinneto tato bi tunoon ariyaabeeto taane; taan ne sheerito gibeneeto ne tunetoyichiye.

Shoddo 5:11

Tunebaani ne shoobooch giyitinaꞌo bulli emiribeete; bulli aabooch emiroona shoddebeete; ne shigoon shunnii beetinaꞌo neenna oogichi boonoshi emiremmoyich, ne boonoshich deebo tunebe.

Shoddo 94:12

Doono Yeero, ne sheeraabeeto, ne sheeroon ne dojjaabeeti asho, diireetone.

Keyo 20:6

Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.

Shaahiyoo 17:3

Aachoonaa birewoonon qaaqqoo haattiye; Doono Yeeri ashi mulloon haattiye.

Isiyaasi 64:4

Wonnee tiijjiꞌi, neen gibenee beetinaꞌoyich ne tuniiti ebiyoommi mooyon tuniiti nuggishoo, neyee besh baroo waayeyaanoone; bi waamona waayeto, bi aafoonoo beeggito aalloone.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Maatiyoosi 10:22

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Luqaasi 6:22

Asheenaꞌo Ashi Bushoo naboyich ittoshin shixxiteenoo, boonoshi shiqqiiteenoo, boonoshi naaggiteenoo, ittoshi shigoon tiijjoo ciigeꞌi boonoshi sheeneteenoo, diireeto ittoshine.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

1 Qorontoosi 2:9

Tunebaani ishichaa bi kooreetoommon, “Koniyoona bi aafoona beeggii bi ariyaanoon, bi waamona waayee bi ariyaanoon, tunemmone iꞌi bi mulloona cir bi shalligaanoon, Yeeri biin shunnii beetinaꞌoyich am shaahe meeti mooyoniye bi qanniito.”

1 Qorontoosi 8:3

tunebaani koniyoona Yeerin bi shunigaata, are uro Yeerina arichetone.

1 Qorontoosi 9:25

Wotta qiiccebone iꞌi qiiccoyich tiyiibeeto bulli, bulli mooyona bi ashittinoon manjiiꞌi kupphiihe. Eboshi qiicceebeeto, aallemmi naadee gubbichoon danoyichiye; tunebaani no qiiccaabeeto, aalleyaani gubbichoon danoyichiye.

Yibbaatoo 13:3

ebi keemecho woyee gumi gummecho gettii beeton waayeyaahine. Ittoshi Nuggishoo Doono Yeeri ebi are uroona bi shuuneebeeto, ceeni ittoshi mulloonaa ceeni ittoshi kashoona biin ittoshi shunon beegoyicha iꞌiniye.

Yibbaatoo 7:9

Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

2 Ximootiyoosi 2:15

Iberee mishiraachee qaaroon tachiꞌi gettiibeeti, bi shuuneti shuunoona yeelleyaani shuunechon tuneree, Yeer waanee galletoon danoyich kupphebe.

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Hibireena'o 10:32

Tunebaani mishiraachee qaaree bekko ittoshich bekketoyee gubb, xuuxo tunetaa oogeti qiiccoona haaꞌiibee ittoshi beshiiti wonnee yemeenoon gabibote.

Hibireena'o 11:17

Yeeri “Abrahami eke taach bi qemon beegona” iꞌi, “Ikke ne bushoon taach deejjoon tuniiree deejjibe” bi iyooba, Abrahami Yeeri toommooch mulloon tooꞌiyoona “Yisaaqichi shiijjeroona ceekkemmo neene” iꞌi Yeeri gibenikkiti ebi are ikke bi bushoon Yeerich giddiihe.

Hibireena'o 12:5

Yeeriyoo bi hajjee bushiishoommon tuniiꞌi ittoshina tookkii bi yibbaateebeeti ciicoon batteyaahote: “Ta bushoochoo, Doono Yeeri bi shunnii beeton sheerii beetone; ‘Ta bushoone’ bi iton yexxii beetone. Ebich Doono Yeerichi sheeroon hoxeyaahine; kaaree ciiccii bi beehooba, taahiyaahine” itone.

Hibireena'o 6:15

Ebich Abrahami haaꞌiiꞌi ebi gibeno biich ceenaa danoon hakkitone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaqobi 5:11

Haaꞌiyoona manjitinaꞌon diireetinaꞌone ii beeto noone. Iyoobichi haaꞌiyoon waayeto ittoshine; wotta ciiroochaa Doono Yeeri biich tuniiton beeggito ittoshine; Doono Yeeri oogeti deꞌoonaa ariqqechonane.

1 Pheexiroosi 3:14

Tunebaani cadiqee shuunoon ittoshi shuunetoyich ittoshin xuuxoon boonoshi bekkiigaata, diireeto ittoshine. Asheenaꞌochi miichoon shattaahote; keqqiyaahote.

1 Pheexiroosi 4:13

Tunebaani bi oogee yiiroo gaxxeehooba oogichi ittoshi emiremmoyich, and kiristoosichi xuuxee qoodeyecho ittoshi tunetoyich emiribote.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Pheexiroosi 5:4

Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 3:19

“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.