Yaaqobi 1:1 - Kafa Linguistics Project

¹ Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

Yaaqobi 1:1 ပူးပေါင်းရင်းမြစ်များ

1 Taateenaꞌo 18:31

Aroochee Eliyaasi, “Ne shigo Israꞌeeli getteyemmone” iꞌi, Doono Yeeri gettiti Yaaqobi bushiisheenaꞌochi yoodee haddoommona, aaraa gutte xaqqoon deebiye.

Iziri 6:17

Ebi Yeerichi kechi diiree baarooba, balle wuron, gutte balle ogooge bagee baaddoonaa awudde balle gishiishi bagee baaddoonon giddiiheete; wotta Israꞌeelee yoodee haddoommon, axaaxee deejjoyich aaraa gutte emmishee baaddoon giddiiheete.

Asteeri 3:8

Ebich Hamaani taatoo Yekisesich ishichiye: “Ne taatee showee daggooch beeti woraafeenaꞌo bulliich shaceꞌi beeti, ikke ashi yaroo beetone. Ebi asheenaꞌochi sheeroo bare asheenaꞌo bullichi sheeroyee baritone. Boonoshiyoo taatoochi sheeroyich deꞌa getaani asheenaꞌone. Ebi asheenaꞌon cikkii qayo taatoyich gaaweto toonoone.

Keyo 24:4

Aroochee Muusi Doono Yeeri gettito bullin kooriye. Biyoo dechara maaddoona tiyiye; guudi baatooch deejjee gudoon shuunehe; aaraa gutte Israꞌeelee yoodeenaꞌo haddoona aaraa gutte xaqqee giimbeenaꞌon xogii neechiye.

Keyo 28:21

Ebi aaraa gutte xaqqo boonoshi ikkikkoo toommooch, ikke Israꞌeelee yoodee shigo tuniitaa, aaraa gutte Israꞌeelee yoodeenaꞌochi shigo maatemoochoommon qiiceeto tunebe.

Keyo 39:14

Ebi aaraa gutte xaqqeenaꞌo aaraa gutte Israꞌeelee yoodeenaꞌoochee ikkikke yoodee shigo boonoshi ikkikkoo toommooch maatemoochoommon qiiceetone.

Hiziqeeli 12:15

“Aageteenaꞌo daggooch boonoshin ta shaciyooba, showee toommoochoo boonoshin ta yoohiyooba, Doono Yeeri ta tunoon ariyemminaꞌone.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Maatiyoosi 10:3

Filipphoosi, Baritelemoosi, Toomaasi, gabiyee guudo Maatiyoosi, Ilfiyoosichi bushoo Yaaqobi, Taadiyoosi,

Maatiyoosi 13:55

Hini uro anaaxoochi bushoo toone? Bi indee Maariyami tooneene? Bi maneenaꞌo Yaaqobi, Yooseefi, Simooninaa Yihudina tooneenaꞌone?

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Maariqoosi 3:18

Indiriyaasi, Filipphoosi, Baritelemoosi, Maatiyoosi, Toomaasi, Ilfiyoosichi bushoo Yaaqobi, Taadiyoosi, bi aagetoyich qanaateebeeti Simooni,

Luqaasi 6:15

Maatiyoosi, Toomaasi, Ilfiyoosichi bushoo Yaaqobi, bi aagetoyich qanaatecho getteebeeti Simooni,

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 7:35

Ebich Ayihudee ukkireenaꞌo boonoshinaa boonoshina “No biin daneyaachemmoyich, hini uro amooch hammane bi ii beeto? No macceenaꞌo shaceꞌi beeti Giriikeenaꞌochi katemeenaꞌooch hamiree Giriikee asheenaꞌoyich dojjoyich tunehe?

Mishiraachechinaꞌo 1:13

Katemooch shaggiꞌi, boonoshi beeti, kechi toommeexi kexooch kechiyeete. Boonoshiyoo Pheexiroosi, Yowannisi, Yaaqobi, Indiriyaasi, Filipphoosi, Toomaasi, Baritelemoosi, Maatiyoosi, Ilfiyoosichi bushoo Yaaqobi, bi aagetoyich qanaatechi Simooni, Yaaqobichi bushoo Yihudi, eboshine.

Mishiraachechinaꞌo 12:17

Tunetaa Pheexiroosi kishee malletoona yibbaateyaahote iꞌi tiyii, Doono cuyee kexoochee aabichiꞌi biin bi kichito gaata boonoshich gettiye. “Ebin Yaaqobinaa bare kittinnee maneenaꞌonoyich getote” iꞌi boonoshich gettiichii, aroochee kechii bare xaaꞌooch hammiye.

Mishiraachechinaꞌo 15:13

Boonoshi yibbaatoon boonoshi ciichitoyee gubb, Yaaqobi tiyiꞌi ishichiye: “Ta maneenaꞌote! Elle waayebote!

Mishiraachechinaꞌo 15:23

Kooreeti koorichoon boonoshi kishoona daachiiheete; are koorichooch kooreeto ishichii beetone: “Mishiraachechonaa kittinnee guuphi geenoona tuneti ittoshi manoo no, Antsook, Sooriyee showoonaa Kiliqee showoonooch beeti Aagetee asho tuneti kittinnee maneenaꞌon diggoo ii beeto noone.

Mishiraachechinaꞌo 2:5

Arooba showee toommo bulliich beeti asheenaꞌo daggoochee Yeerich qeyiibeeti Ayihudeenaꞌo Yerusaalem wotteꞌi beeheete.

Mishiraachechinaꞌo 21:18

Dechara Phawuloosi noonna tookkii Yaaqob waan hammiye; kittinnee guuphi geeneenaꞌo bulliyoo arooch beetinaꞌone.

Mishiraachechinaꞌo 23:26

“Shatteeti iraashoo Filikisich bede. Iraashoocho, diggoo neech tunebe! “Hini uroon wuxiya Ayihudeenaꞌo yeshaa, Roomi showee asho bi tunoon ariiꞌa, ta naayinaꞌona tookkaa shaggaꞌa wodiihoye. Amee naboona boonoshi taggeto gaata ariiya qaawaꞌa, Ayihudee nallechinaꞌo aafooch giddiito taane. Boonoshi taggeto, ‘No sheeroon tiichitone’ getoyee damba hini uroon qitooch woyee cuyooch bechemmi taggoo aalloone. Ayihudeenaꞌo daggoochee ikkikkeenaꞌo hini uroon wuxoyich boonoshi koceyoon waayaꞌa, bekkech ebichi naboona ne waan daachiito taane. Taggetinaꞌo ne aafooch gidderee, taggebeete. Diggebe. “Taane Qelawudoos Lusiyoosi” ii beetone.

Mishiraachechinaꞌo 26:7

Aaraa gutte no yoodeenaꞌo xumoonaa areddoonon kuppheꞌi, Yeerich maddiibee hini gibeno ceennemmoyich quyee beetinaꞌone. Taatoo Agrippho, Ayihudeenaꞌo taan taggeebeeto, hini are gibenoyichiye.

Mishiraachechinaꞌo 8:1

Arooba Sawuli “Asheenaꞌo Isxifanoosin boonoshi wuxoo tatoone” itone. Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete.

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Galaati 1:19

Tunebaani no Doonochi manoo Yaaqobiyee damba mishiraachechinaꞌo daggoochee koninolla beegaano taane.

Galaati 2:12

Yaaqob waanee wocheeti asheenaꞌo bi waan womoyee shiichiꞌi Aageteenaꞌona tookkii maa beehe; tunetaa ebi wocheeti asheenaꞌo waahooba “Dokireyoo qaawiihe” ii beeti asheenaꞌon shattii gubb shokiꞌi, Aageteenaꞌo waanee bariye.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.

Yibbaatoo 32:26

Ittoshin koniyoona shalligaachemmoyich tuniiree, ciroona ittoshin aalliyesho taane;

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

2 Ximootiyoosi 4:21

Yooyo giyaan beetaa, ta waan ne woyemmoyich kupphebe. Ebuloosi, Phuudeesi, Linoosi, Qelawudinaa hiniich beeti kittinnee maneenaꞌo bullina neen diggii beetinaꞌone.

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:

1 Pheexiroosi 1:1

Yesuus Kiristoosichi mishiraachechi Pheexiroosi waanee, Faantoosee showooch, Galaatee showooch, Qephadooqee showooch, Isiyee showoonaa Bitaaniyee showoonooch beeti katemoo bulliich shiqqoo tunee shaceꞌi beeti, Yeerina kaacheti asheenaꞌoyich,

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yaaꞌoo 7:4

Malletoo geddeti asheenaꞌochi haddoon waayeho: Israꞌeeleenaꞌo boonoshi yoodi yoodoochee malletoo geddetinaꞌo balli aabbaa awudde humeenaꞌone.