Yaaꞌoo 9:21 - Kafa Linguistics Project

²¹ wotta ashoon wuxoon woyee iicoon (qaaxoon) woyee shunee mamon woyee gaayon qajjiꞌi axaaxee gommoochee Yeer waan wotteyaaneenaꞌone.

Yaaꞌoo 9:21 ပူးပေါင်းရင်းမြစ်များ

Isiyaasi 47:12

“Ne bushittinoochee tiijjaꞌa shuunaabee ne echeti, iicoonaa meeti qaaxoonon shuunoona kupphebe; diqqich neech kaamoon qayaachemmone; diqqich ne etteenaꞌon shatiyoo qayaachemmi neene.

Isiyaasi 47:9

Ikke areddoon qillifee yexx bedaan beetaa, ebi gutte mooyinaꞌo ne toommooch shaggemminaꞌone. Bushiishee qitii ciiroonaa xuumee tunoona, diqqoona ne toommooch shaggemmone; meeti iicechinaa meeti qaaxechina ne tunetaanoona, ebi mooyo ceenoona ne toommooch shaggemmone.

Isiyaasi 57:3

“Hini qaaxechichi bushiisheenaꞌote, hini shunimaayoonaa yahechinochi yareenaꞌote, hach giddebote.

Daaneeli 11:33

“Asheenaꞌo daggooch beeti yiiteenaꞌo meetinaꞌoyich arichiyemminaꞌone. Giisheche aabee wottoon, boonoshi daggoochee ikkikkeenaꞌo ginoona koyaa qitemminaꞌone; qaaqqoonoo michaa qitemminaꞌone; boonoshi hajjiton bokkeree cuchemminaꞌone.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

2 Qorontoosi 12:21

Wochinnoon ittoshi waan ta waahooba, ta Nuggishoo ittoshi aafooch taan cooniyemmone iyaꞌa shattaabeeto taane; ebiyee aaf boonoshi shuuneti axaaxoochee, ebiyoo tiyaariibeeti mooyoochee, shunee mamoochee, yeelliibeeti kaayoocheenoo Yeer waan wotteyaani meetinaꞌochi naboona diqqich ayini eeppemmo taane iyaꞌa shattaabeeto taane.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Yaaꞌoo 13:13

Qaaqqoonolla shimaayoochee showooch asho bulli aafooch bi kindiimmi wottoon ogooge malleteenaꞌon bekkii beetone.

Yaaꞌoo 13:15

Wotta aafi cooxochi shahalloyich kashee hiinnoon bi immemmoyich hakkoo biich ichehe; ebiyoo ebi cooxochi shaahallo bi yibbaatemmoyich, wotta biich goyinneyaaneenaꞌo wuxeyemmoyich bi tuniyemmoyichiye.

Yaaꞌoo 13:7

Yaafeenaꞌona bi koyemmoyich, koyeshoo bi wochemmoyich biich daaggeehe; ashi yoodoonaa ashi yaroona, baribare noonoon yibbaateebeeti asheenaꞌonaa aageteenaꞌo bullinochi toommooch hakkoo biich ichehe.

Yaaꞌoo 14:8

Aree hillooch bare guttinnee maraakoo dabbiꞌi, “Aageteenaꞌo bulli mashiibeeti bi shunee mami woyinee uyoon uchemmoyich tuniiti ooge katemee Baablooni dihitiyoche; dihitiyoche!” iꞌi cookiye.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.

Yaaꞌoo 17:2

Showeexi taateenaꞌo biinna tookkii shuno maaheete; asho mashiibeeti uyoona bi mashoommon, showee toommooch beeti asheenaꞌo biinna tookkii shunee mamona masheheete” iꞌi gettiye.

Yaaꞌoo 17:4

Damere tahoonaa maddoonon tahee, aachoonaa aaxxe xaqqeenaꞌona, inqeenaꞌonoo shashitine; bi kishoonoo ciigiiti mooyonaa shunee bi mami eeꞌoona ceenniti aachee xoofoon yechetine.

Yaaꞌoo 17:5

Bi baroochoo aacheeti mooyon yechiti shigo: Ooge Katemee Baablooni, Yahechinaꞌonaa Showee Toommeexi Ciigeetinaꞌonochi Indee, getaa kooreetone.

Yaaꞌoo 18:3

Aageteenaꞌo bulli mashiibeeti bi shunee mami woyinee uyoon uchitinaꞌone; showeexi taateenaꞌo biinna tookkii shunoon maatinaꞌone; showeexi giixechinaꞌo mashaamiti bi beemoochee tiyitona gaanneheete” iye.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 9:20

Ebi naxeenaꞌona qitaanoon muricciti asheenaꞌo andoo boonoshi gonde shuunoon qajjiꞌi Yeer waan wotteyaaneenaꞌone; yinneenaꞌoyich goyinnoon, wotta aachoonaa birewoonoochee, gooshoochee, xaqqoonaa mixonoochee kishoona boonoshi shuuneti, ciinon woyee waayoon woyee shaꞌoon hakkaani, shahalloyich goyinnoon qayaaneenaꞌone;