Yaaꞌoo 9:11 - Kafa Linguistics Project

¹¹ Boonoshichoo taatoo beetone; are taatoo oppee hoonee maraakoone; bi shigoo Hibiree noonoona Abaadooni, Giriikee noonoona Apholiyooni getteehe.

Yaaꞌoo 9:11 ပူးပေါင်းရင်းမြစ်များ

Iyoobi 26:6

Siꞌoolo Yeerich xalla bekkee beetone; aallee xaaꞌoo bi aafoochee qereeto toonoone.

Iyoobi 28:22

Aallee xaaꞌoonaa qitoona, ‘No waamona baachiye no waayeto’ gettemminaꞌone.

Iyoobi 31:12

Ebi aroo, michii aalliibeeti qaaqqoon taach tuneshone; ta yaaphoonoo aalliyeshone.

Shoddo 88:11

Ne shoodo maashoochaa ne gibeneyoo aallee xaaꞌoochaa, getteeyehe?

Shaahiyoo 15:11

Siꞌooloonaa aallee xaaꞌoona Doono Yeeri aafooch bekkeebeeto bi tunegaata, ashi bushiisheenaꞌo mullo am shaahoon bekkehe!

Luqaasi 8:31

Wotta yinneenaꞌo “ ‘Ciiraalli hoonooch hamiree gibote’ getiree noon yookkaahine” iꞌi qolleheete.

Yowannisi 12:31

And hini alemee toommooch nalloo kindiya bedditone; and hini alemoon hajjiibeeti taatoo maach yookkeyemmone.

Yowannisi 14:30

Hini alemoon hajjiibeeti taatoo waabeeto bi tunetoyich, ebiyee gubb, ittoshina tookki woddii yibbaateyaachemmo taane. Tunetaa aroo taan hajjoon hakkaachemmone.

Yowannisi 16:11

Nalleechonoo, alemoon hajjiibeeto toommooch nalloo kinditoyichiye.

Yowannisi 5:2

Yerusaalem, Bageenaꞌochi Kellee gaꞌooch Hibiree noonoona Beetisayidi getteebeeti ikke kote aaco beehe; uuche bashoo (yambaaro) bi guudoona beehe.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 16:16

Hini are yinneenaꞌo showee toommeexi taateenaꞌon Hibiree noonoona Arimagedooni getteebeeti xaaꞌooch kiciyeete.