Yaaꞌoo 8:5 - Kafa Linguistics Project

⁵ Aroyee gubb maraakoo ixaano shookkeebeeti qiicoon yechii, deejjee gudeexi qaaqqoochee ceennimmi wottoon geddiichii showooch duppiye; xeeyee qaaroonaa ooge qaaroona, xeeyee phaqqoonaa showee qewoona tunehe.

Yaaꞌoo 8:5 ပူးပေါင်းရင်းမြစ်များ

1 Taateenaꞌo 19:11

Doono Yeeriyoo, “Guudi toommooch keyiree, Doono Yeeri ta aafooch neexebe” iye. Aroochee Doono Yeeri beshehe. Doono Yeeri aafoochaa ooge giidechi yongo guudinaꞌon boriye; ogooge xaqqeenaꞌonoo shiqiye; tunebaani Doono Yeeri yongee daggooch aalloone. Yongee hillooch showoo qewehe; tunebaani Doono Yeeri showee qewee daggooch aalloone.

Shoddo 18:13

Doono Yeeri shimaayoochaa gigehe; Beshoo Yeeri bi qaaroon waayiihe.

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Isiyaasi 29:6

Beshe Mawe Doono Yeeri, gigoon, showee qewoon, ooge qaaroon, yubee yongoon, showee shuuroonaa ciroona aalliibeeti qaaqqoonon deejjiree neen wodiyemmone.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Isiyaasi 66:6

Katemoochaa cookee beeton waayebote. Yaafee kexoochaa cookee beeton waayebote. Ebiyoo Doono Yeeri boonoshi shuunetoommon bi etteenaꞌo toommooch bi shuunetoyich waayeebeeti qaaroone.

Erimiyaasi 51:11

“Ittoshi shangeenaꞌon hachibote; ittoshi gaacheenaꞌonoo qanniibote; Doono Yeerichi gaboo Baabloonin aalliyooch bi tunetoyich, Meedee taateenaꞌochi mulloon shuurikkitone; ebiyoo Doono Yeeri bi yaafee kechi nichoon kichemmo bi tunetoyichiye.

Leweenaꞌo 16:12

Doono Yeeri ta aafooch beeti deejjee gudoochee qaaqqee buno gedaa ceenniti, ixaano shookkeebeeti qiicoonaa gutte kopp bede qacini gaawe cinnechi ixaanoonon yeshiree, maccillaatee maac gibe.

Zakaariyaasi 14:5

Ittoshiyoo guudon gutta keexxiꞌi Atsel shaggiti bamboona woccemmo ittoshine. Yihudee taatoo Uziyaahi yemeenooba showoo qewetaa ittoshi wocoommon woccemmo ittoshine. Ta Nuggishoo Doono Yeeri woyemmone. Yaafeetinaꞌo bulliyoo biinna tookki woyemminaꞌone.

Maatiyoosi 24:7

Arooba ikke aageteexi asho bare aageteexi ashoona, ikke showeexi taatoo bare showeexi taatoona koyemmone; baribare xaaꞌoochoo shaacoo giyemmone; showee qewo tunemmone.

Luqaasi 12:49

Yesuusi daakkiꞌi ishichiye: “Showee toommooch qaaqqoon duppa waato taane; and kaateree bi aaxxemmoyich amoommon qaatii beetote!

Mishiraachechinaꞌo 16:26

Aroochee diqq cuyee kexo shuurimmi wottoon, oogeti showee qewo tunehe. Bekkech cuyee kechi kelleenaꞌo bulli qecheeheete; cuchetinaꞌo bullichi cuyo biishehe.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 4:5

Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.

Yaaꞌoo 6:12

Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.