Yaaꞌoo 8:12 - Kafa Linguistics Project

¹² Awuddinnee maraakoo tiroon huggiye; aabee keejje beereexi ikke beeroo, agenee keejje beereexi ikke beeroo, xojjeneenaꞌochi keejje beereexi ikke beeroo yexxehe; eboshichi keejje beereexi ikke beeroo manderehe; areddee keejje beereexi ikke beerooch, xumee keejje beereexi ikke beerooch bekko aallehe.

Yaaꞌoo 8:12 ပူးပေါင်းရင်းမြစ်များ

Isiyaasi 13:10

Shimaajji xojjeneenaꞌonaa guuphi xojjeneenaꞌona aaxxeyaachemminaꞌone; batt kechaabeeti aabe manderemmine; ageneyoo aaxxe bekkeyaachemmine.

Isiyaasi 24:23

Beshe Mawe Doono Yeeri Tsiyooni guudonaa Yerusaaleminoochaa taatemmo bi tunetoyich, agene manderemmine; aabeyoo aaxxeyaachemmine; bi asheenaꞌochi ukkireenaꞌo aafooch bi oogoon bekkiyemmone.

Erimiyaasi 4:23

Showee toommooch ciinneho; ebiyoche xafoonaa amaalli hulloonane; shimaayoon ciinneho; bekko arooch aalle.

Yoꞌeeli 2:10

Boonoshi aafaa showoo qewehe; shimaayoo shuuriye. Aabeenaa ageneena mandereheete; xojjeneenaꞌoo aaxxemmon qajjiyeete.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Yoꞌeeli 3:15

Aabeenaa ageneena manderemminaꞌone; xojjeneenaꞌoo aaxxeyaache gettemminaꞌone.

Amootsi 8:9

Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Maatiyoosi 27:45

Aree hillooch haree shiritte saatoochee tiijjiꞌi yiixiye saato beddimmi wottoon showoo bulli manderehe.

Maariqoosi 13:24

Wotta Yesuusi daakkiꞌi ishichiye: “Ebiyooba ebi are xuuxoyee gubb, ‘Aabe manderemmine; ageneyoo aaxxeyaachemmine;

Maariqoosi 15:33

Haree shiritte saatoochee tiijjiꞌi yiixiye saato beddimmi wottoon showoo bulli manderehe.

Luqaasi 21:25

Wotta Yesuusi daakkiꞌi ishichiye: “Are yemeeno ciirehooba aabeenaa ageneenochi toommooch, xojjeno toommoochoo malletoo bekkemmone. Showoo bulli toommoochoo baharoonaa aachi aayonochi cookoochee tiyitona aageteenaꞌo gaabbibee xuuxemminaꞌone.

Mishiraachechinaꞌo 2:20

Arooba oogeti magge mooyo halleyemmi, Doonochi aabo womoyee shiichi, aabe manderemmine; ageneyoo damoo tunemmine.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Yaaꞌoo 12:4

Bi ceeroona shimaajji xojjeneenaꞌo daggoochee keejje beereexi ikke beeroon geechii showooch kindiihe. Hini are dareboo ure bi shiyigaata shiijjemmi bushoon maaya iꞌi bi aafooch neexehe.

Yaaꞌoo 16:10

Uuchinnee maraakoo bi yechiti xoofoon cooxochi taatee qeechi toommooch ukkiye; ebi cooxochi taatittinee showoo manderehe; wotta asheenaꞌo oogeton boonoshi shooddetoyich boonoshi heciyoon shaaccii cokkeheete.

Yaaꞌoo 6:12

Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.

Yaaꞌoo 9:15

Asheenaꞌochi keejje beereexi ikke beeroon boonoshi wuxemmoyich, hini saatoyich, hini areddoyich, hini agenoyich, hini natoyichoo qanniꞌi beeti hini are awudde maraakeenaꞌo biicheheete.

Yaaꞌoo 9:18

Boonoshi kookkoochee kechiti qaaqqoona, cufoonaa waageroona, ebi keejje naxeenaꞌona asheenaꞌochi keejje beereexi ikke beeroo qitiye.