Yaaꞌoo 7:3 - Kafa Linguistics Project

³ “No Nuggishoochi guuninaꞌo barooch maatemoon no geddemmi wottoon, showee toommoochoo tuneba baharee toommoochoo, mixinaꞌochi achoochoo, shaggaahote” iye.

Yaaꞌoo 7:3 ပူးပေါင်းရင်းမြစ်များ

Keyo 12:13

Damoo ittoshi beeti kexon bariiꞌi, bekkiibeeti malletoo tunemmone. Tawoo damoon ta beegiyooba, ittoshin besheree hammemmo taane; Gibitseenaꞌon ta naxehooba, naxo ittoshi waan shagaachemmone.

Keyo 12:23

Doono Yeeri Gibitseenaꞌon wuxiya Gibitsee showoona beshemmone. Kellee dambee shagoonaa gutte qoomoonooch huutteti damoon beegiichi, are kexon besheree hammemmone. Biyoo wuxii aalliyechi maraakoo ittoshi kexooch giyiree, ittoshi gutenee bushiishoon bi wuxemmoyich daaggaachemmone.

Isiyaasi 27:8

Yeeri bi asheenaꞌon kecaa boonoshi hammemmoyich tuniyoona naxehe; aabi-keyo waanee giidechi yubee yongoochoommon boonoshin yookkiye.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Isiyaasi 65:8

Doono Yeeri ishichiye: “Woyinee qomboochee woyino danehooba, ‘Diiroo arooch bi beetoyich aalliyaahote’ bi getteeyoommon, tawoo ta guuninaꞌoyicha getiree boonoshi bullin aalliyaachemmo taane.

Hiziqeeli 9:4

“Yerusaalemi katemoona hambe; bi daggoochaa tuneti ciigiiti mooyoyich ayinii beetinaꞌonaa eeppii beetinaꞌonochi barooch malletoon gede” iye.

Hiziqeeli 9:6

Geenoon tuneba gurimaashoon, gidiideenaꞌon tuneba bushiisheenaꞌon, maacheenaꞌonoo wuxibote; tunebaani boonoshi toommooch malletoo geddetinaꞌochi achooch shaggaahote. Ta yaafee kexoochee wonnibote” iye. Ebich yaafee kechi aafooch beeti ogoogeenaꞌoochee tiijjiꞌi wuxooch giyiyeete.

Daaneeli 3:17

Taatoocho, aaxxeebeeti qaaqqee sheellooch no duppegaata, biich no goyinnaabeeti Nuggishoo noon wodiyoon hakkiye; ne kishoocheenoo noon wodiyemmone.

Daaneeli 3:26

Nabukadinatsoriyoo qaaqqee sheellee kellooch giddeꞌi, “Beshe Nuggishoo Yeeri guuno tuneti Sidiraaq, Misaaq, Abidinago! Waa keyote; hach wobote” iye. Boonoshiyoo kechiyeete.

Daaneeli 6:16

Ebich taatoo Daaneelin daahereenaꞌochi oppooch boonoshi duppemmoyich bi getaa, deebii duppii boonoshi beetaa, taatoo Daaneelich “Bulli aaboon biich ne goyinnaa maddeebeeti ne Nuggishoo neen wodiibe” iye.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Maatiyoosi 24:22

Ebi aabeenaꞌo qaminaan gaata, koniyoona wodoon hakkaacheshone; tunebaani kaachetinaꞌoyicha getaa ebi are aabeenaꞌo qaminnitinaꞌone.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 3:33

Bi miixee beeton iberiito, Yeeri iberoo bi tunoon miixetone.

Roomi 6:22

Tunebaani and axaaxee guuchittinoochee kechiꞌi Yeerich hajjeebeeti guuno tuneto ittoshine; Yeerich yaafeeti gaacecho ittoshine; ebiyoo ciiroochaa bulli yemeenee kashoochiye ittoshin bi shakkiyemmo.

Yaaꞌoo 13:16

Asheenaꞌo bullich, gishiisheenaꞌonaa ogoogeenaꞌonoyich, gaannechinaꞌonaa girechinaꞌonoyich, xalle yareenaꞌonaa guuchi yareenaꞌonoyich malletoo boonoshi qanne kishooch woyee boonoshi barooch giddoona geddiye.

Yaaꞌoo 13:17

Cooxochi shigo woyee bi shigee haddoo beeti ebi malletoo biich aalli asho koniyoona kemon woyee kemoon bi hakkaachemmoyich bajjiye.

Yaaꞌoo 14:1

Aroochee ciinneho; ebiyoche Bago Tsiyooni guudooch neexeꞌi beete; bi shigoonaa bi Nihoochi shigoona boonoshi barooch kooreeti balli aabbaa awudde hume asheenaꞌo biinna tookkii beetinaꞌone.

Yaaꞌoo 14:9

Bare keejjinnee maraakoo wotta dabbiꞌi oogeti qaaroona ishichiye: “Cooxonaa cooxon shaahiitaa shuuneetonoyich goyinnemmi, bi barooch woyee bi kishooch ebi cooxochi malletoo geddeyemmi asho koniyoona bi beegaata,

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

Yaaꞌoo 22:4

Bi aafoonoo beeggemminaꞌone; bi shigoo boonoshi barooch tunemmone.

Yaaꞌoo 6:6

Kashechi awudde halleenaꞌo daggoochee qaaro “Ikke diinaaroyich ikke kobbaye teepphoo, ikke diinaaroyich keejje kobbaye sheqoo tunebe; tunebaani zayitee mixonaa woyinee qomboonochi achooch shaggaahine” bi getaa waayeho.

Yaaꞌoo 7:1

Aroyee gubb showeechi awudde kelloona neexeti awudde maraakeenaꞌon beeggeho. Boonoshiyoo showee toommooch tuneba baharee toommooch, amee michi toommoochoo yongo yongeyaachemmoyich awudde kelloona yongeebeeti yongeenaꞌon yechii bajjiyeete.

Yaaꞌoo 7:2

Beeyechi Nuggishoo Yeerichi maatemoon yechiti bare maraakoo aabi-keyo waanee kechii bi beetaa beeggeho. Biyoo showoonaa baharee aaconochi toommooch gonde mooyon boonoshi tuniyemmoyich daaggeeti awudde maraakeenaꞌoyich oogeti qaaroona cookiꞌi,

Yaaꞌoo 9:4

“Yeerichi maatemo boonoshi barooch geddeyaani asheenaꞌoyee beshetaa, showooch beeti mocoo tuneba naaxiibeeti mooyo, mixo tuneba eboshichi achooch shaggaahote” getteehe.