Yaaꞌoo 7:2 - Kafa Linguistics Project

² Beeyechi Nuggishoo Yeerichi maatemoon yechiti bare maraakoo aabi-keyo waanee kechii bi beetaa beeggeho. Biyoo showoonaa baharee aaconochi toommooch gonde mooyon boonoshi tuniyemmoyich daaggeeti awudde maraakeenaꞌoyich oogeti qaaroona cookiꞌi,

Yaaꞌoo 7:2 ပူးပေါင်းရင်းမြစ်များ

2 Taateenaꞌo 19:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naago bullin ne Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

Solomooni 8:6

Maatemoochoommon ne mullooch, ne mochoochoo taan kotiibe. Shunoo qitoommi kuppho bi tunetoyich, bi qanaatoo maashoommi maacmanjoo bi tunetoyich, qaaqqee aaxxoommon, giidechi conjoommonoo aaxxee beetone.

Isiyaasi 41:2

“Aabi-keyo waanee ikkoon tiijjito, bi hammito bulliichaa wudoon daniito konine? Aageteenaꞌon bi aafooch beshiiꞌi immiye; taateenaꞌoo biich hajjeyemmoyich tuniihe; bi goraadoona boonoshin quttoon tuniihe; bi maꞌoonoo yongo daammiibeeti maaxxoon tuniihe.

Hiziqeeli 9:4

“Yerusaalemi katemoona hambe; bi daggoochaa tuneti ciigiiti mooyoyich ayinii beetinaꞌonaa eeppii beetinaꞌonochi barooch malletoon gede” iye.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Maatiyoosi 16:16

Simoon Pheexiroosi tiyiꞌi, “Ne Kiristoosi, beeyechi Yeerichi Bushoo neene” iye.

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

Efesooni 1:13

Ittoshiyoo wotta iberee qaaroon, ebiyoo ittoshi woditi mishiraachee qaaroon, waayeꞌi ittoshi mulloon Kiristoosi toommooch ittoshi tooꞌiitaa, Yeeri bi gibenikkiti Yaafe Ayaanoona biicho ittoshi tunee xiishee maatemoon ittoshi toommooch geddiye.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Yibbaatoo 5:26

Meeno taheti ashi daggoochee qaaqqee daggoochaa tuneꞌi beeyechi Nuggishoo Yeeri yibbaatetaa no waayoommon waayeechii, kashoona beemon hakkito, konine?

1 Tasaloonqi 1:9

Ittoshi waan no waahooba, aabichiꞌi noon ittoshi iibbiito gaata hini are asheenaꞌo bulli gettii beetinaꞌone; wotta beeyechonaa ibere Nuggishoonoyich ittoshi maddemmoyich, qitoochee bi tiijjiti bi Bushoo, aroo woyemmi kaaree shiixxoochee noon wodiyemmi Yesuusi, shimaayoochee bi womon ittoshi quyemmoyich, shahalloyich goyinnoochee Yeer waan aabichiꞌi ittoshi wotteto gaata gettii beetinaꞌone.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Yaaꞌoo 1:3

Ebi mooyinaꞌo ceennemmi yemeeno katinnitone; ebich hini keemee qaaroon shemmee beeto, waayee beetinaꞌonaa kooreeton quyee beetinaꞌona diireetinaꞌone.

Yaaꞌoo 10:1

Aroyee gubb bare giidechi maraakoo quboon taheꞌi, shimaayoochee kindii bi beetaa beeggeho; bi shimbooch ximbittoo beetone; bi aafoochaa aabeechoommon aaxxee beetone; bi baatoo qaaqqee aaxxee conjoommone.

Yaaꞌoo 10:4

Shabaatte xeeyo xeejjimmona, ta waayeti mooyon kooriya iyo; tunebaani shimaayoochee “Shabaatte xeeyo xeeyaa getteeti mooyon maatemoona hicalli kooriyaahine” immi qaaroon waayeho.

Yaaꞌoo 16:12

Shirittinnee maraakoo bi yechiti xoofoon ooge aaco Efiraaxisi toommooch ukkiye; aabi-keyo waanee woyemmi taateenaꞌoyich gommo qannemmoyich aaco tahiye.

Yaaꞌoo 5:2

Ikke giidechi maraakoo oogeti qaaroona “Qoddeti macaafoon yaggoyich, maatemeenaꞌon gaxxoyichoo bedo konine?” ii bi awaajjii beetaa beeggeho.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.

Yaaꞌoo 9:14

Tiroon yechiti shirittinnee maraakoyichoo “Ooge aaco Efiraaxis cucheti awudde maraakeenaꞌon biishe!” iye.

Yaaꞌoo 9:4

“Yeerichi maatemo boonoshi barooch geddeyaani asheenaꞌoyee beshetaa, showooch beeti mocoo tuneba naaxiibeeti mooyo, mixo tuneba eboshichi achooch shaggaahote” getteehe.

1 Saameeli 17:26

Daawitiyoo bi gaꞌooch neexeebeeti asheenaꞌon “Ebi Filsixeemoon wuxiꞌi ebi shaahe yeelloon Israꞌeeleenaꞌo toommoochee wokkiimmoyich, amoone ichemmo? Wotta Beeyechi Nuggishoo Yeerichi ginee naayinaꞌon bi miichemmoyich, ebi dokireyaani Filsixeemo, halla konine?” iꞌi echehe.

1 Saameeli 17:36

Ne guuno ta, daaheroonaa diiboonon wuxito taane. Ebi dokireyaani Filsixeemo beeyechi Nuggishoo Yeerichi ginee naayinaꞌon bi miichetoyich, biyoo boonoshi qitoommon qitemmone.