Yaaꞌoo 7:16 - Kafa Linguistics Project

¹⁶ Illa ebiyee bekk shaaceyaachemminaꞌone; ebiyee gubb shacheweyaachemminaꞌone; aabo boonoshin yexaachemmone; gaamoo amolla boonoshin michaachemmone.

Yaaꞌoo 7:16 ပူးပေါင်းရင်းမြစ်များ

Shoddo 121:5

Doono Yeeri ne qiddoone; Doono Yeeri ne qanne baddaa neen yiiremmone.

Shoddo 121:6

Aabo areddoon neen michaachemmone; ageno xumoon ne toommooch iritoon bechaachemmone.

Shoddo 143:6

Ta kishoon ne waan yaggiyoye; shuuꞌi showoo amiyon qaatoommon ta kashe neen qaatiyane.

Shoddo 42:2

Ta kashe Yeerin, beeyechi Nuggishoon shachewehane; hamiree Yeeri aafoon ta beeggemmo aatane?

Shoddo 63:1

Yeero, ne ta Nuggishoo neene; neen oogichaꞌa qaawaabeeto taane; aachaalli shuuꞌi showoochaa, ta kashe neen qaatiyane; ta meenoo neen sharaatehe.

Solomooni 1:6

Aabo ta malletoon aaꞌiitaa ta aaqqetoyich, taan manjii ciinnaahote. Ta indee shiyeti ta maneenaꞌo taan kaareheete; woyinee quyechin taan tuniiheete; tunebaani ta, ta hajjee woyinee qomboon quyeyaanee taane.

Isiyaasi 25:4

Girechoyich deeboon, shiqqoyichoo bi xuuxee aabooba deebon, aachi aayoochee bi wodemmi xaaꞌoon, aaboyich yiiroon, tuneto neene; maacmanjeenaꞌochi kaaree cufoo, kechi duuhoon qicciibeeti aachi aayoommon,

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 65:13

Ebich Nuggishoo Doono Yeeri ishichiye: “Ta guuninaꞌo maayemminaꞌone; tunebaani ittoshi shaacemmo ittoshine; ta guuninaꞌo uchemminaꞌone; tunebaani ittoshi shachewemmo ittoshine; ta guuninaꞌo emiremminaꞌone, tunebaani ittoshi yeellemmo ittoshine;

Yoonaasi 4:8

Aabe kechemmona, Yeeri aabi-keyo waanee gaame yongoon deejjiye. Aabeyoo Yoonaasichi shimboon michaa kashooch qeechehe. Ebich qitiya qaatiꞌi, “Beemoyee qitoo taach gaawiye” iye.

Maatiyoosi 13:21

Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Maatiyoosi 13:6

tunetaa aabe michimmona shoolliye; cammon awuro bi qajjitoyich, shuuqqiye.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Maariqoosi 4:17

Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Maariqoosi 4:6

Tunetaa aabo michimmona shoolliye; cammon awuro bi qajjitoyich shuuqqiye.

Luqaasi 1:53

Shaacetinaꞌonoo deꞌe mooyona michiitone; gaannechinaꞌonoo shokke kishoon echiitone.

Luqaasi 6:21

And shaacee beetinaꞌote, diireeto ittoshine; michemmo ittoshine. And eeppii beetinaꞌote, diireeto ittoshine; miiccemmo ittoshine.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yaaqobi 1:11

Aabeyoo oogeti gaamoona keyiree mocoon shoolliyemmine; mocee bungoo oojjemmone; bi malletee gaawoo aallemmone; ebiyoommon gaannecho shuunee toommooch beebee aallemmone.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.