Yaaꞌoo 7:12 - Kafa Linguistics Project

¹² “Ameena, galleto, oogee yiiroo, shalligoo, naadoo, oogo, giidoonaa hakkoona bulli yemeenoon no Nuggishoyich tunebe. Ameena” iyeete.

Yaaꞌoo 7:12 ပူးပေါင်းရင်းမြစ်များ

Nehimi 12:46

Wonna Daawitinaa Asaafinochi yemeenooboo, Yeerin shoddoona oogiyoonaa galletoonoyich, shoddechinaꞌochi ukkireenaꞌo beetinaꞌone.

Nehimi 12:8

Leweenaꞌoo, Yaasi, Biinuyi, Qadimeeli, Sherebiyi, Yihudi, wotta galletee shoddoon shoddechinaꞌochi ukkireenaꞌo tuneti Mataniyinaa bi maneenaꞌonane.

Shoddo 100:4

Galletebee bi kelleenaꞌona gibote; galletebeeshoo bi addibaabooch gibote; galletoonoo biich imbote; bi shigoonoo naadibote.

Shoddo 106:48

Bulli yemeenoochee bulli yemeenooch, Israꞌeelee Nuggishoo Doono Yeeri diireebe! Asheenaꞌo bulliyoo, “Ameena” geteete. Doono Yeeri galleteebe!

Shoddo 107:22

Galletee deejjoon biich giddiibeete; bi shuunoonoo emirikkiibeeti shoddoona geteete.

Shoddo 116:17

Galletee deejjoon neech deejjemmo taane; Doono Yeerichi shigoon ceeggemmo taane.

Shoddo 147:7

Doono Yeerich galletee shoddoon shoddebote; no Nuggishoyich ooge ximboon yexote.

Shoddo 41:13

Bulli aaboochee bulli aabooch, Israꞌeelee Nuggishoo Doono Yeeri diireebe! Ameena, ameena.

Shoddo 50:14

Galletee deejjoon Yeerich giddiibe; Beshoo Yeerich ne tiikkeshoon imbe.

Shoddo 72:19

Ooge bi shigo bulli yemeenoon diireebe! Bi oogee yiiroo showoo bulliich ceene. Ameena, ameena.

Shoddo 89:52

Doono Yeeri bulli yemeenoon diireebe! Ameena, ameena.

Shoddo 95:2

Galletoona bi aafooch giddebone; galletee shoddoona biich ililibone.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Yoonaasi 2:9

Tunebaani ta, neen shoddoona galletebee, neech deejjoon giddiyemmo taane; neech ta mookketi mookkoonoo ceechemmo taane. Wodoo waabeeto, Doono Yeeri ne waaneeniye” iye.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Roomi 11:36

Bulli mooyo halleeto bi waanee, biinna, biichiye. Biichoo bulli yemeenoon oogee yiiroo tunebe! Ameena.

1 Qorontoosi 14:16

Ebi toono gaata, ne ayaano ikkeetona Yeerin ne galletegaata, ne gettaabeeto biich giyaani kittinnoyich bi tuusheetoyich, Yeerin ne galletaabeeti galletoyich ameena bi gettemmo aabichireeshiye?

2 Qorontoosi 4:15

Ebi bulli bi tuneto, ittoshicha getenane; ebiyoo Yeerichi wojjoo beshaa beshe wodde asheenaꞌoyich bi shagaa, Yeerichi oogee yiiroyich tunemmi galleto woddemmoyichiye.

Qolaasiyaasi 2:7

biinna cammon awure eeniree, ittoshi doyitoommon bi toommooch mullee tooꞌiyoona manjibote; Yeerich galletoon woddiiree imbote.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

Yihudi 1:25

bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 19:4

Hiyaa awudde geeneenaꞌonaa kashechi awudde halleenaꞌona boonoshi baroona guufeꞌi taatee qeenooch koteti Yeerich “Ameena; Haleluya!” iibee goyinneheete.