Yaaꞌoo 7:1 - Kafa Linguistics Project

¹ Aroyee gubb showeechi awudde kelloona neexeti awudde maraakeenaꞌon beeggeho. Boonoshiyoo showee toommooch tuneba baharee toommooch, amee michi toommoochoo yongo yongeyaachemmoyich awudde kelloona yongeebeeti yongeenaꞌon yechii bajjiyeete.

Yaaꞌoo 7:1 ပူးပေါင်းရင်းမြစ်များ

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 27:3

Doono Yeeri ta, quyecho taane; bulli aaboon aacon uchiyoye; koniyoona biin bi duubiyaachemmoyich, areddoonaa xumoonon quyehoye.

Isiyaasi 27:8

Yeeri bi asheenaꞌon kecaa boonoshi hammemmoyich tuniyoona naxehe; aabi-keyo waanee giidechi yubee yongoochoommon boonoshin yookkiye.

Erimiyaasi 49:36

Awudde shimaajji tuggoochee Elaami toommooch awudde yongeenaꞌon deebemmo taane; ebi awudde yongeenaꞌoochoo bi asheenaꞌon shaccemmo taane; Elaamee showoochee yookketinaꞌo shagaani aagetoo daneyaachemmone.

Hiziqeeli 37:9

Aroochee Yeeri taach ishichiye: “Ashi bushoocho, keemoon keembe; yongoyich keemoon keembe: ‘Nuggishoo Doono Yeeri ishichiye: Yongoocho, awudde kaattoochee wobe; ebi dubeneenaꞌo kashoona beeyemmoyich, eboshi toommooch yongebe’ gete” iye.

Hiziqeeli 7:2

“Hini ashi bushoocho, Nuggishoo Doono Yeeri Israꞌeelee showeechon ishichii beetone: Ciireexi aallo showee toommooch awudde tuggoona shaggitone.

Daaneeli 11:4

Tunebaani bi giidoo oogeꞌi bi beshiyooba, bi taatittino happeeree showee awudde kelloona qoodeyemmone. Ebi taatittino bi yaroyich besheyaachemmone; cammona waaxeree bareenaꞌoyich beshiitaa ichemmone. Eboshiyoo biichoommon giidechinaꞌo tuneyaachemminaꞌone.

Daaneeli 8:8

Ebi emmisho oogeti giidechon tunehe. Tunebaani bi giidoo oogee bi beshiyooba, ooge bi qaro tiishehe. Bi xaaꞌoochoo showee awudde kello waan bekkiibeeti, awudde ogooge qareenaꞌo kechiyeete.

Yoonaasi 1:4

Doono Yeeriyoo baharee toommooch giidechi yongoon deejjiye; giidechi aachi aayo baharee toommooch tiyiye; markaboo tiisheya beddiye.

Zakaariyaasi 6:1

Wochinnoon kaama ciinnaꞌa, awudde gaari gutte guudochi gutte daggoochee kechii boonoshi beetaa beeggeho. Guudinaꞌoo gooshee guudinaꞌone.

Zakaariyaasi 6:5

Maraakoo taach “Eboshi neexee boonoshi maddeebeeti, showoo bullichi Doono Yeeri aafoochee kechii waabeeti, shimaajji awudde yongeenaꞌone.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Maariqoosi 13:27

Tawoo maraakeenaꞌon wochemmo taane; boonoshiyoo hamiree awudde kelloona showee tuggoochee, shimaayee tuggoocheenoo Yeeri kaaccitinaꞌon kicemminaꞌone” iye.

Yaaꞌoo 20:8

Showee awudde kelloona beeti aageteenaꞌon, Googinaa Magooginon bi muriciyemmoyich ginee koyee xaaꞌooch kiciya kechemmone; boonoshi haddoo baharee gasheexi qacoommone.

Yaaꞌoo 6:6

Kashechi awudde halleenaꞌo daggoochee qaaro “Ikke diinaaroyich ikke kobbaye teepphoo, ikke diinaaroyich keejje kobbaye sheqoo tunebe; tunebaani zayitee mixonaa woyinee qomboonochi achooch shaggaahine” bi getaa waayeho.

Yaaꞌoo 7:3

“No Nuggishoochi guuninaꞌo barooch maatemoon no geddemmi wottoon, showee toommoochoo tuneba baharee toommoochoo, mixinaꞌochi achoochoo, shaggaahote” iye.

Yaaꞌoo 8:7

Batti batti maraakoo tiroon huggiye. Damoo bacceeti baderoonaa qaaqqoona tunehe; ebi aroo showooch duppehe; showee keejje beereexi ikke beeroo micciye; mixinaꞌochi keejje beereexi ikke beeroo micciye; cammiti mocoo bulliyoo miccii aallehe.

Yaaꞌoo 9:14

Tiroon yechiti shirittinnee maraakoyichoo “Ooge aaco Efiraaxis cucheti awudde maraakeenaꞌon biishe!” iye.

Yaaꞌoo 9:4

“Yeerichi maatemo boonoshi barooch geddeyaani asheenaꞌoyee beshetaa, showooch beeti mocoo tuneba naaxiibeeti mooyo, mixo tuneba eboshichi achooch shaggaahote” getteehe.