Yaaꞌoo 6:9 - Kafa Linguistics Project

⁹ Bago uuchinnee maatemoon bi gaxximmona, Yeerichi qaaroon boonoshi gettitoyich, gibeneeto tuneꞌi boonoshi miixetoyichoo wuxeeti asheenaꞌochi kasho deejjee gudee dechiich beeton beeggeho.

Yaaꞌoo 6:9 ပူးပေါင်းရင်းမြစ်များ

Halloo 4:10

Doono Yeeriyoo biich ishichiye: “Ebi ne halliti mooyo amoone? Ne manoo damee qaaro showoochaa ta waan cookii beetone.

Keyo 29:12

Wurochi damoochee daamiree, ne yapheroona deejjee gudee qareenaꞌooch huute. Echeti damoon deejjee gudee baatooch ukkibe.

Leweenaꞌo 4:7

Wotta are damoochee daamiree danee duukkaanee daggooch, Doono Yeeri ta aafooch beeti, gaawe cinnechi ixaano geddeebeeti deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

2 Qorontoosi 5:8

Gibenaꞌa, hini beeyi kexo tuneti no meenoochee bariꞌi Doono Yesuus Kiristoosina tookkii beemon shunnaabeeto noone.

Filipphisiyoosi 1:23

Ebi gutte mooyona shaammehoye; hamma Kiristoosina tookkiree beeya sharaatehoye; ebiyoo bulliyee beshaa beshe gaawetone.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

2 Ximootiyoosi 1:8

Illa no Doonochi qaaroon miixoyich woyee bi mishiraachee qaaroon ta getona cucheti ta naboyich yeelleyaahine. Tunebaani Yeer waanee danemmi giidoona kuppheree taanna tookki xuuxoon beege.

2 Ximootiyoosi 4:6

Uyee deejjoochoommon ta kasho deejjeya ii beetone; Yeer waan ta hammemmi aabo katinnitone.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,

Yaaꞌoo 1:2

Yowannisiyoo Yeerichi qaaroonaa Yesuus Kiristoosi miixeti iberoonochon bi beeggito bullin miixetone.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 14:18

Qaaqqoon quyeebeeti bare maraakoo deejjee gudoochee kechiꞌi, aci magaadoon yechiti maraakoyich “Woyinee qombee aafee yuunjeenaꞌo gaangii kachitinaꞌone; ebich aci ne magaadoon showooch daachiiree woyinee qombee aafeenaꞌon kuxe” iꞌi oogeti qaaroona ceeggiye.

Yaaꞌoo 16:7

Deejjee gudoochaa “Eeha, iberoone; Beshe Hakkechi Nuggishoo Doono Yeero, ne nalliti nalloo iberoonaa cadiqoonane” immi qaaroon waayeho.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.

Yaaꞌoo 9:13

Shirittinnee maraakoo tiroon huggiye; Yeeri aafooch beeti, aachoochee shuuneeti deejjee gudee awudde qareenaꞌoochee qaaroon waayeho.