Yaaꞌoo 6:8 - Kafa Linguistics Project

⁸ Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.

Yaaꞌoo 6:8 ပူးပေါင်းရင်းမြစ်များ

Shaahiyoo 5:5

Bi baateenaꞌo qitooch kindii beetinaꞌone; bi shaaddeenaꞌo shiwerooch daammii beetinaꞌone.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Erimiyaasi 16:16

Doono Yeeri ishichiye: “Meeti haashe yesheenaꞌon deejjemmo taane; boonoshiyoo boonoshin yechemminaꞌone; aroyee gubboo meeti aaddeenaꞌon deejjemmo taane; boonoshiyoo guudo bulliichee, geppoo bulliichee, xaqqee gaaho bulliichee boonoshin dabbe yechemminaꞌone.

Erimiyaasi 16:4

Gonde biiyoona qitemminaꞌone. Boonoshich eeppeyaachemmone; dukkeyaachemminaꞌone; showee toommooch guudoochoommon qixeyemminaꞌone; goraadoona, shaacoonoo aallemminaꞌone; boonoshi dubeno shimaajji gaceenaꞌonaa kubbi cooxinaꞌonoyich maayo tunemmone.

Erimiyaasi 24:10

Boonoshinaa boonoshi qaabbechinaꞌonoyich ta immeti showoochee boonoshi aallemmi wottoon boonoshi daggooch goraadoon, shaacoonaa biiyoonon deejjemmo taane” iye.

Erimiyaasi 29:17

Beshe Mawe Doono Yeeri ishichiye: “Boonoshi toommooch goraadoon, shaacoonaa biiyoonon deejjemmo taane; bi gondoochee tiyitona mamoyich hakkeyaani gonde balaasoommon boonoshin tuniyemmo taane.

Erimiyaasi 43:11

Waaree Gibitsee showoon yexxemmone; qitooch maachetinaꞌon qitooch, kecceyooch maachetinaꞌon kecooch, goraadoyich maachetinaꞌon goraadooch beshiiree immemmone.

Hiziqeeli 29:5

Neennaa ne aaceexi haasheenaꞌo bullinon barahooch yugemmo taane; ne meeshoo gaddoochani bi echemmo duukkeyaachemmo neene; shimaajji gaceenaꞌonaa kubbi cooxinaꞌonoyich maayoon tuniiree neen immemmo taane.

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hosee'i 13:14

Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.

Imbaaqoomi 2:5

Gaanno ashoon dawushii beetone. Woddelleenaꞌo geecechinaꞌonaa kotee kasheyaaneenaꞌonane. Boonoshiyoo maashoommi woddelleenaꞌone; qitoochoommon beddiye geton ariyaaneenaꞌone. Aagetee asheenaꞌo bullin boonoshi waan kiciyeete; asheenaꞌo bullinoo keccii daammiyeete.

Zakaariyaasi 6:3

keejjinnee gaari geecheebeeto nacce haresheenaꞌona, wotta awuddinnee gaari geecheebeeto baandere haresheenaꞌonane; bulliyona giidechinaꞌone.

Maatiyoosi 11:23

Hini Qifirinaahe! Shimaayooch beddaahaa ciixenne? Tunebaani kindiiree Siꞌoolooch duppeyemmi neene. Ne daggooch bekketi gaakkechi shuunoo Sodoomi daggooch bi bekketo gaata, hanaach beddaahaa are katemee beeyeshine.

Maatiyoosi 24:7

Arooba ikke aageteexi asho bare aageteexi ashoona, ikke showeexi taatoo bare showeexi taatoona koyemmone; baribare xaaꞌoochoo shaacoo giyemmone; showee qewo tunemmone.

1 Qorontoosi 15:55

Ebiyoommon wotta, “Qitoocho, wudoon ne danemmi giidoo, neech aaye? Qitoocho, ashoon ne duppaabeeti gayo, aaye?” getteetone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 12:4

Bi ceeroona shimaajji xojjeneenaꞌo daggoochee keejje beereexi ikke beeroon geechii showooch kindiihe. Hini are dareboo ure bi shiyigaata shiijjemmi bushoon maaya iꞌi bi aafooch neexehe.

Yaaꞌoo 9:15

Asheenaꞌochi keejje beereexi ikke beeroon boonoshi wuxemmoyich, hini saatoyich, hini areddoyich, hini agenoyich, hini natoyichoo qanniꞌi beeti hini are awudde maraakeenaꞌo biicheheete.

Yaaꞌoo 9:18

Boonoshi kookkoochee kechiti qaaqqoona, cufoonaa waageroona, ebi keejje naxeenaꞌona asheenaꞌochi keejje beereexi ikke beeroo qitiye.