Yaaꞌoo 6:4 - Kafa Linguistics Project

⁴ Bare hareshoo kechiye; biyoo ceelloone; aroon yebbetoyich, asheenaꞌo boonoshinaa boonoshina ikkoo baroon wuxemmonaa diggoon showee toommoochee bi aalliyemmonoyich hakkoo ichehe; wotta ooge goraado biich ichehe.

Yaaꞌoo 6:4 ပူးပေါင်းရင်းမြစ်များ

Shoddo 17:13

Doono Yeero, tiyi boonoshina koyeree, koyi wochibe; gondeenaꞌo kishoochee ne goraadoona ta kasheen wodiibe.

Daaneeli 5:19

Ebi shaahe oogoon biich bi immitoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biin shattiꞌi qewetinaꞌone. Wuxiya bi qaawiton wuxii, wodiiya bi qaawitonoo wodii beehe. Oogiiya bi qaawiton oogii, giishiiya bi qaawitonoo giishii beehe.

Zakaariyaasi 1:8

“Ikke asho ceelle hareshoon yebbeꞌi bi beetaa xumi yaaꞌoon beeggeho. Biyoo bambooch, hadaasee michi daggooch neexeꞌiniye bi beeto. Bi gubb ceelle hareshoo, daashe hareshoonaa nacce hareshoona beetone.

Zakaariyaasi 6:2

Batti batti gaari geecheebeeto ceelle haresheenaꞌona, guttinnee gaari geecheebeeto aaꞌi haresheenaꞌona,

Maatiyoosi 10:34

“Ta waato, showee toommooch diggoon deeboyich ittoshich shaahaaye; ta waato ginoonalli diggoon deeboyich toonoone.

Maatiyoosi 24:6

Ginee koyoonaa ginee woroonon waayemmo ittoshine; tunetaa keqqiyaahote. Ebi tuno echeyaachemmone. Tunebaani yemeenee ciiro battiye.

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Yaaꞌoo 12:3

Bare worganikkiti mooyo shimaayooch bekkehe; shabaatte qelloonaa aashire qaroona, bi qellee haddoonoo shabaatte gubbichoo beeti ooge ceelle dareboo beehe.

Yaaꞌoo 13:10

Kecee hamoyich daaggeeto koniyoona bi beegaata, kecceeꞌi hamo echeyaani mooyone; goraadoona bi qitemmoyich daaggeeto koniyoona bi beegaata, goraadoona qitemmone. Yaafeenaꞌochi gibeneyoonaa haaꞌiyoona bi qaaweebeeto ebiyoobane.

Yaaꞌoo 17:3

Yeerichi Ayaanee giidoo ta toommooch tunetaa, are maraakoo barahooch taan daammiye; Yeerin naaggiibeeti shigoona ceenniti ceelle cooxon yebbaꞌa beeti ikke ureen beeggeho; ebi cooxo shabaatte qellechonaa aashire qarechonane.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.