Yaaꞌoo 6:17 - Kafa Linguistics Project

¹⁷ Shattii giiriiti boonoshi kaaree shiixxee aabo waatone; konine neexoon hakkemmo?” iyeete.

Yaaꞌoo 6:17 ပူးပေါင်းရင်းမြစ်များ

Shoddo 110:5

Doono ne qannoochiye; bi kaaree aabooba taateenaꞌon buriccemmone.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 76:7

Doono Yeero, oogeton shattiito neene; ne kaarehooba, ne aafooch neexoon hakkemmo konine?

Isiyaasi 63:4

Nichoo kichee aaboon maacceto taane; ta biishemmi aabo shaggitone.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Yoꞌeeli 1:15

Beshe Hakkechi Yeeri aalliyoon deebemmi, Doono Yeerichi aabo shaggitone. Ebi aaboyich woowo!

Yoꞌeeli 2:1

Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Milikiyaasi 3:2

Tunebaani aroo xuuroon wociibeeti qaaqqoommo, tahoon machii xalliibeeti saamunoommo bi tunetoyich, woyemmi aaboon haaꞌiyoon hakkemmo konine? Bi bekkehoobochi neexoon hakkemmo konine?

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.

Yaaꞌoo 11:18

Aageteenaꞌoo oogichii kaareheete; tunebaani ne kaaroo kindiye; qititinaꞌo toommooch ne nallemmi yemeeno shaggitone; neech maddeebeeti ne keemechinaꞌonaa ne shigoon oogiibeeti yaafeenaꞌonoyich, gishiisheenaꞌonaa ogoogeenaꞌonoyich, boonoshi shuunee gatiyoon ne qoccemmi, showoon aalliyechinaꞌon ne aalliyemmi, yemeeno shaggitone” iyeete.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.

1 Saameeli 6:20

Ebina Beet Shemeeshi asheenaꞌo “Ebi Yaafe Nuggishoo Doono Yeeri aafooch neexoon hakkemmo, konine? No waanee bi wokkemmoyich, taabootoon koni waaniye no daachiyemmo?” iyeete.