Yaaꞌoo 6:15 - Kafa Linguistics Project

¹⁵ Showee toommeexi taateenaꞌo, woraaferasheenaꞌo, ginee iraasheenaꞌo, gaannechinaꞌo, giidechinaꞌo, guuchi yareenaꞌonaa xalle yareenaꞌo bullinoo gofoonaa xaqqee guudi gogginonooch aasheheete.

Yaaꞌoo 6:15 ပူးပေါင်းရင်းမြစ်များ

Halloo 3:8

Showoo xumemmona, Nuggishoo Doono Yeeri becheeti michi daggooch shaꞌeebeeti, bi shaꞌee qaaroon waayeheete. Ebich Addaaminaa bi mecheena Nuggishoo Doono Yeeri aafoochee becheeti michi daggooch aasheheete.

Shoddo 76:12

Yeeri geecechi iraasheenaꞌon giishiihe; showee toommeexi taateenaꞌo biin shattiyeete.

Isiyaasi 2:10

Doono Yeerichi shattiyoonaa bi oogee yiiroonoochee tiyitona xaqqee gofooch, showee daggooch aashebote.

Isiyaasi 2:19

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gogginonaa showee oppoonooch giyemminaꞌone.

Isiyaasi 2:21

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gofoonaa gogginonooch giyemminaꞌone.

Isiyaasi 42:22

Tunebaani hini asheenaꞌo bokkee bosheeꞌi, oppee maacooch hichetinaꞌone; cuyee kexoochoo aacheetinaꞌone; olleetinaꞌone; boonoshin wodiyemmo aalloone; kechetinaꞌone; “Wochibote” ito koniyoona aalloone.

Mikiyaasi 7:17

Dingeroochoommon, showoona yuummiibeeti mooyinaꞌochoommonoo buttoon baaxxemminaꞌone. Qewebee boonoshi mishigoochee keyi woyemminaꞌone. Shatona no Nuggishoo Doono Yeeri ne waan wottemminaꞌone; neenoo shati beeyemminaꞌone.

Hibireena'o 11:38

Cadiqeenaꞌo boonoshi tunetoyich, boonoshi daggooch beemoyich hini alemee asheenaꞌo bedditinaꞌo tuneꞌi daneyaaneenaꞌone; ebich boonoshiyee bariꞌi oppoonaa kubbeexi gofoonooch qeyiibee, barahoonaa geppee toommonooch yallyallimii beeheete.

Yaaꞌoo 18:23

Bekkiibeeti ceechoo ebiyee bekk ne daggooch ciroona aaxxe bekkeyaachemmone; woꞌee kenoochi qaaroonaa woꞌechi qaaroona ebiyee bekk ciroona ne waanee waayeyaachemmone; ebi tuneto, ne giixechinaꞌo showeexi ogoogeenaꞌo boonoshi tunetoyichiye; iicaabee (qaaxaabee) aageteenaꞌo bullin ne muricciitoyichiye” iye.

Woraaferasheenaꞌo 6:2

Miidiyameenaꞌo boonoshiyee beshiꞌi sharitoyich, Israꞌeeleenaꞌo geppooch beeti xaqqee gogginooch, xaqqee gofoonaa mishigoonooch boonoshi aashemmi xaaꞌoon qanniiheete.

1 Saameeli 13:6

Israꞌeeleenaꞌo boonoshi etteenaꞌo kupphiiꞌi boonoshi ginee naayinaꞌon kochitoyich, boonoshich mooyo maggoo bi tunoon ariiheete. Ebich boonoshi daggoochee xaqqee gofooch, kuchooch, xaqqee daggooch, xaqqee gogginonaa oppoonooch aasheheete.