Yaaꞌoo 5:5 - Kafa Linguistics Project

⁵ Arooba geeneenaꞌo daggoochee ikkoo taach ishichiye: “Qaye, eeppaahine. Ebiyoche, Yihudi yoodoochee tuneti daaheroo, biyoo Daawitichi colloonaa yaroona tuneto bi shixechinaꞌon kochii wochitone; ebich qoddeti macaafoon yaggoyich, shabaatte maatemeenaꞌon gaxxoyichoo beddito tuneꞌi danetone” iye.

Yaaꞌoo 5:5 ပူးပေါင်းရင်းမြစ်များ

1 Taateenaꞌo 10:20

Shiritte daqqooch, bi ikkikkoona yoochinaa qanninooch, ikkikke daaheree misilo neexetone. Ebiyoommi taatee qeeno amee taatee showoocholla ciroona shuunee ariyaanoone.

2 Kiinoo 9:18

Taatee qeenooch kecheebeeti shiritte daqqeenaꞌo beetinaꞌone; taatee qeenona tookkii yeshiitaa aachoochee shuuneeti, baatoo kashemmi mooyo beetone; ebi qeechi okkinaa hachinooch kishee degeenaꞌo beetinaꞌone. Ebi degeenaꞌochi gaꞌooch gutte daaheree misilo neexeꞌi beetone.

Iyoobi 41:15

Bi gubbooch beeti gooqqo, ikkooch qeenneti gaachoommone; xappeeto bi tunetoyich, xaqqoommi kupphoone.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Erimiyaasi 31:16

Doono Yeeri ishichiye: “Eefoochee ne qaaroon acimoochee ne aafoon quyebe; ne aayo duube echeyaachemmone” iye Doono Yeeri. “Ne bushiisheenaꞌo ettoochi showoochee wotteree woyemminaꞌone.

Daaneeli 7:16

Arooch neexee beetinaꞌoochee ikkoo waan giddaꞌa, ebi bullin biishiree taach bi gettemmoyich echeho. Biyoo ebi mooyon biichiꞌi taach arichiihe. Biyoo ishichiye:

Haddoo 24:9

Daaheroochoommon miqqetone; daaherechoommonoo showooch qeyitone; biin shuurikkemmo, konine? “Neen diirimmo bulli diireeto tunebe; neen uppimmo bulli uppeto tunebe” iye.

Luqaasi 23:28

Yesuusi gubb wottee ciinniꞌi boonoshich ishichiye: “Hini Yerusaalemi genneenaꞌote, ittoshi qelloyich, ittoshi bushiishoyichoo eefotalli, taach eeppaahote.

Luqaasi 7:13

Doono Yesuusiyoo ureen ciinniꞌi ayiniye; biinoo eeppaahine iꞌi goggiihe.

Yowannisi 20:13

Boonoshiyoo “Haane, amoyichiye ne eeppaabeeto?” iyeete. Areyoo “Ta Doonon daammitinaꞌone; amooch boonoshi geddito gaata ariyaane taane” iyan.

Roomi 1:3

Ebi mishiraachoo Daawiti yaroochee meenona shiijjeti, yaafittinee Ayaanoona qitoochee bi timona Yeerichi Bushoo bi tuno ooge giidoona bekketi, Yeerichi Bushoo no Doono Yesuus Kiristoosichone.

Roomi 15:12

Wochinnoon wotta keemechi Isiyaasi, “Iseyi yaroo woyemmone; Aageteenaꞌonoo hajjiya tiyemmone; boonoshiyoo biin gibenemminaꞌone” iye.

Hibireena'o 7:14

No Doono Yesuusi Yihudi yoodoochee bi shiijjo arichetone; tunebaani Muusi qeeshoo tuneechon ebi yoodoochee bi gettiti mooyo aalloone.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 4:10

hiyaa awudde geeneenaꞌo taatee qeenooch koteto aafooch baroona guufeꞌi bulli yemeenoon beeyechoyich goyinneebee, “No Doono, no Nuggishoocho! Bulli mooyon hallitine; ne daaggoonoo tunetone, halleetone. Ebich ‘Oogee yiirecho neene; oogoo neene; giidecho neene’ getteya beddehine” iibee boonoshi uketi gubbichoon kindii taatee qeenooch koteto aafooch kotiiheete.

Yaaꞌoo 4:4

Ebi are taatee qeechi guudoona bare hiyaa awudde taatee qeeninaꞌo beeheete; ebi qeeninaꞌo toommooch nacce tahoon taheꞌi boonoshi qellooch aachee gubbichoon uketi hiyaa awudde geeneenaꞌo koteꞌi beeheete.

Yaaꞌoo 5:4

Ebi macaafoon gaxxii yaggoonaa bi daggooch beeton beꞌonoyich beddito koniyoona dano qajjitoyich, oogeton eeppeho.

Yaaꞌoo 6:1

Bago shabaatte maatemoochee ikkinnoon bi gaxxaa beeggeho; kashechi awudde halleenaꞌo daggoochee ikkoo xeeyee qaaroommi qaaroona “Wobe!” bi getaa waayeho.

Yaaꞌoo 7:13

Geeneenaꞌo daggoochee ikkoo tiyiꞌi, “Nacce tahoon taheti eboshi ameexinaꞌone? Amoochee waatinaꞌone?” iꞌi taan echehe.