Yaaꞌoo 4:6 - Kafa Linguistics Project

⁶ Taatee qeechi aafoochoo biriloommi burciqee baharo beehe. Ebi daggooch beeti taatee qeechi guudoona, aafinaa gubbinoochaa dofee aafo boonoshich beeti kashechi awudde halleenaꞌo beeheete.

Yaaꞌoo 4:6 ပူးပေါင်းရင်းမြစ်များ

1 Taateenaꞌo 7:23

Aroochee Huraami ooge gamini goonoon gooshoochee shuunehe. Ebi goonoo guude gawo tuneechii hachi bi noonoochee okki bi noonooch beddaahaa aashire hiroo, bi neexo uuche hiroo, bi guude gawo shaashe hiroone.

Iyoobi 28:17

Aachoonaa xalle heeraawoona biinna tateyaache; xalle aachoochee shuuneeti shashoona shaddeyaache.

Keyo 38:8

Betsaleeli danee duukkaanee kellooch maddeebeeti genneenaꞌo deebiti, gooshee heeraawoochee machee aaco koteebeeti gafetoonaa bi kotoonon, shuunehe.

Hiziqeeli 10:12

Boonoshi gubbooch, kishooch, qoshooch, ebi awuddeenaꞌochi gengooch beddaahaa boonoshi achooch aafo ceennitone.

Hiziqeeli 10:14

Ebi kiruubeenaꞌo boonoshi ikkikkoyich awudd awudde shaahoo beetone; batti batticho bi shaahiibeeto kiruuboon, guttinnoo ashoon, keejjinnoo daaheroon, awuddinnoo booyon shaahoone.

Yaaꞌoo 14:3

Taatee qeechi aafoochaa, kashechi awudde halleenaꞌonaa geeneenaꞌonochi aafoochaanoo andire shoddoon shoddeheete. Hini showooch beeti asheenaꞌo daggoochee Yeeri biishee wodiiti ebi balli aabbaa awudde hume asheenaꞌoyee beshetaa, koniyoona hini shoddoon doyiꞌi shoddoon hakkaanoone.

Yaaꞌoo 15:2

Arooba qaaqqoona bacceeti burciqee baharoon shaahii beeton beeggeho; wotta cooxonaa ebi are cooxon shaahiitaa shuuneetonon, bi shigee haddoonoo kochii wochitinaꞌo Yeer waanee boonoshi deqqiti ooge ximboon yechiꞌi burciqee baharee toommooch boonoshi neexee beetaa beeggeho.

Yaaꞌoo 15:7

Kashechi awudde halleenaꞌo daggoochee ikkoo bulli yemeenoon beeyechi Yeerichi kaaree shiixxoo ceenniti shabaatte aachee xoofeenaꞌon shabaatte maraakeenaꞌoyich immiye.

Yaaꞌoo 19:4

Hiyaa awudde geeneenaꞌonaa kashechi awudde halleenaꞌona boonoshi baroona guufeꞌi taatee qeenooch koteti Yeerich “Ameena; Haleluya!” iibee goyinneheete.

Yaaꞌoo 21:18

Katemeechi uxeroo uxereeto yasphiido getteebeeti aaxxe xaqqoonaniye; katemeyoo burciqoommi xalle aachoona shuuneetine.

Yaaꞌoo 21:21

Katemee aaraa gutte kelleenaꞌo aaraa gutte inqeenaꞌone; ikke kello ikkikke inqoona shuuneetone. Katemee daggeexi gommo bi daggoona beshii bekkiibeeti burciqoommi xalle aachoona shuuneetone.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 4:4

Ebi are taatee qeechi guudoona bare hiyaa awudde taatee qeeninaꞌo beeheete; ebi qeeninaꞌo toommooch nacce tahoon taheꞌi boonoshi qellooch aachee gubbichoon uketi hiyaa awudde geeneenaꞌo koteꞌi beeheete.

Yaaꞌoo 5:11

Wochinnoon beeggeho; taatee qeechi guudoona beeti kashechi awudde halleenaꞌonaa geeneenaꞌonochi guudoona kiceeti wodde maraakeenaꞌochi qaaroon waayeho; boonoshiyoo haddaa ciyaani humaa xumeenaꞌone;

Yaaꞌoo 5:14

Kashechi awudde halleenaꞌoo “Ameena” iyeete; geeneenaꞌoo baroona guufeꞌi goyinneheete.

Yaaꞌoo 5:6

Taatee qeeno dagg beetaa, bi guudoona kashechi awudde halleenaꞌo beetaa, boonoshi guudoona geeneenaꞌo beeti gutte daggooch guureetoommi Bago neexeꞌi beeton beeggeho; shabaatte qaroonaa shabaatte aafoona biich beetone; ebi shabaatte aafo showoo bulliich wocheeti, Yeerich maddeebeeti shabaatte ayaaneenaꞌone.

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,

Yaaꞌoo 6:1

Bago shabaatte maatemoochee ikkinnoon bi gaxxaa beeggeho; kashechi awudde halleenaꞌo daggoochee ikkoo xeeyee qaaroommi qaaroona “Wobe!” bi getaa waayeho.

Yaaꞌoo 6:6

Kashechi awudde halleenaꞌo daggoochee qaaro “Ikke diinaaroyich ikke kobbaye teepphoo, ikke diinaaroyich keejje kobbaye sheqoo tunebe; tunebaani zayitee mixonaa woyinee qomboonochi achooch shaggaahine” bi getaa waayeho.

Yaaꞌoo 7:11

Maraakeenaꞌo bulliyoo taatee qeechi guudoona, geeneenaꞌonaa kashechi awudde halleenaꞌonochi guudoona neexee beeheete; taatee qeechi aafooch baroona guufeheete; Yeerichoo goyinneebee,

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.