Yaaꞌoo 4:5 - Kafa Linguistics Project

⁵ Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.

Yaaꞌoo 4:5 ပူးပေါင်းရင်းမြစ်များ

Halloo 15:7

Aroochee Doono Yeeri Abraamich “Hini showoon ne woraashemmoyich neech imma, Kalideenaꞌo showooch beeti Uuri katemoochee neen kichiti Doono Yeeri taane” iye.

2 Kiinoo 4:20

shiichiꞌi getteetoommon, Yaafe Xaaꞌeexi Yaafee ciinooch aaxxemmi xalle aachoochee shuuneeti, maqirajjoonaa bi ceecheenaꞌona,

Shoddo 68:35

Israꞌeelee Nuggishoo bi yaafee kexoochaa oogichii shattii beetone; hakkoonaa giidoonon bi asheenaꞌoyich immii beetone. Yeeri galleteebe!

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Keyo 20:18

Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete.

Keyo 25:37

“Aroochee shabaatte ceecheenaꞌon shuuneree, maqirajjee ciinooch beeti xaaꞌooch boonoshi aaxxe bekkemmoyich, maqirajjooch kotiibe.

Keyo 37:23

Aroochee maqirajjoyich shabaatte ceecheenaꞌon, wotta qafeteenaꞌonaa ciitoo kiceyemmi yalle gafeteenaꞌonon xalle aachoochee shuunehe.

Hiziqeeli 1:13

Kashechi halleenaꞌo daggooch aaxxee gecheti qaaqqoommi mooyo, wotta boonoshi daggooch okk hach xeelliibee conjiibeeti conjoommi mooyo beetone; qaaqqoo tobbimoone; xeeyoo aroochee xeejjii beehe.

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Zakaariyaasi 4:2

Aroocheenoo taan “Amooniye ne ciinnaabeeto?” iye. Tawoo “Bi hullimallo aachoo tuneti maqirajjooniye ta ciinnaabeeto; zayitee qullo bi toommooch beetone; shabaatte ceecheenaꞌoo biich beetinaꞌone; ceecheenaꞌo boonoshi ikkikkoyich woshiqoo giyemmi shabaatte aaheenaꞌo beetinaꞌone.

Maatiyoosi 25:1

Daakkiꞌi Yesuusi ishichiye: “Ashi Bushoo woyemmi aabooba shimaajji taatittine ebin shaahemmine: Aashire gidiideenaꞌo boonoshi ceechoon ceechiꞌi woꞌee kenoon giijjiya kechiyeete.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Mishiraachechinaꞌo 2:3

Qaaqqee aaxxee nalloommon qoodeeꞌi, boonoshi bulli toommooch kindoon beeggiyeete.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 10:3

Daaheroochoommon oogeti qaaroona ciddiye; bi ciddimmona, shabaatte xeeyo xeejjiye.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 3:1

“Sarideesi kittinnee guuphi maraakoyich ishichi kooribe: Yeerich maddeebeeti shabaatte ayaaneenaꞌon hajjii beetonaa shabaatte xojjeneenaꞌon bi kishoona yechitona ishichiye: Ne shuuneti shuunoon ariibeeto taane; kashechone getteebeeto neene; tunebaani qitito neene.

Yaaꞌoo 5:6

Taatee qeeno dagg beetaa, bi guudoona kashechi awudde halleenaꞌo beetaa, boonoshi guudoona geeneenaꞌo beeti gutte daggooch guureetoommi Bago neexeꞌi beeton beeggeho; shabaatte qaroonaa shabaatte aafoona biich beetone; ebi shabaatte aafo showoo bulliich wocheeti, Yeerich maddeebeeti shabaatte ayaaneenaꞌone.

Yaaꞌoo 8:5

Aroyee gubb maraakoo ixaano shookkeebeeti qiicoon yechii, deejjee gudeexi qaaqqoochee ceennimmi wottoon geddiichii showooch duppiye; xeeyee qaaroonaa ooge qaaroona, xeeyee phaqqoonaa showee qewoona tunehe.