Yaaꞌoo 4:2 - Kafa Linguistics Project

² Bekkech Yeerichi Ayaanee giidoo ta toommooch tunehe; arooba shimaajji taatee xaaꞌooch taatee qeenon, are qeechi toommoochoo koteton beeggeho.

Yaaꞌoo 4:2 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Isiyaasi 6:1

Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.

Erimiyaasi 17:12

No yaafee kexo beeti xaaꞌoo; wonnee tiijjiꞌi hashekkimiti guudi toommooch beeti oogee taatee qeenoommone.

Hiziqeeli 1:26

Boonoshiyee damba beeti gumoyee tookk sapiiroommi taatee qeechi shaahiyoo beetone; taatee qeechi toommoochoo ashoon shaahoo kotetone.

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Maatiyoosi 22:43

Yesuusiyoo “Ishigaata, Daawiti Yaafe Ayaano biich shalligichaa, ‘Doono’ iꞌi aakkiya ceeggiye? Daawiti ishichiꞌi gettitone:

Hibireena'o 8:1

No gettaabeeti mooyoochee aafechi mooyo ebine: Shimaayooch oogee yiirechi Yeerichi qannooch koteti, ebiyoommi qeeshee guudo nooch beetone.

Yaaꞌoo 1:10

Doonochi aabooba Yeerichi Ayaanee giidoo ta toommooch tunehe. Ta gubbaa tiree qaaroommi ooge qaaroon waayeho.

Yaaꞌoo 12:5

Aageteenaꞌo bullin xuuree gumboona hajjemmi anaami bushoon shiyahan; bushoonoo Yeerinaa Yeerichi taatee qeenona beetooch daammiyeete.

Yaaꞌoo 17:3

Yeerichi Ayaanee giidoo ta toommooch tunetaa, are maraakoo barahooch taan daammiye; Yeerin naaggiibeeti shigoona ceenniti ceelle cooxon yebbaꞌa beeti ikke ureen beeggeho; ebi cooxo shabaatte qellechonaa aashire qarechonane.

Yaaꞌoo 19:4

Hiyaa awudde geeneenaꞌonaa kashechi awudde halleenaꞌona boonoshi baroona guufeꞌi taatee qeenooch koteti Yeerich “Ameena; Haleluya!” iibee goyinneheete.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 21:10

Yeerichi Ayaanee giidoo ta toommooch tunetaa, are maraakoo oogeti genje guudi toommooch taan kichiye; Yeerichi oogee yiiroo beeti yaafe katemee Yerusaalemi shimaajj beeti Yeer waanee bi kindaa beetaa taach bekkiihe. Bi aaxxoo yasphiido getteebeeti ooge aaxxe xaqqoommi shaahaachaa, bi daggoona beshii bekkiibeeti burciqoommine.

Yaaꞌoo 21:5

Taatee qeenooch koteti Yeeri “Ebiyoche, bulli mooyon andiriyemmo taane” iye. Daakkiꞌinoo taach “Ebi qaaro gibeneetonaa iberoona bi tunetoyich kooribe” iye.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 4:10

hiyaa awudde geeneenaꞌo taatee qeenooch koteto aafooch baroona guufeꞌi bulli yemeenoon beeyechoyich goyinneebee, “No Doono, no Nuggishoocho! Bulli mooyon hallitine; ne daaggoonoo tunetone, halleetone. Ebich ‘Oogee yiirecho neene; oogoo neene; giidecho neene’ getteya beddehine” iibee boonoshi uketi gubbichoon kindii taatee qeenooch koteto aafooch kotiiheete.

Yaaꞌoo 4:5

Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.

Yaaꞌoo 4:9

Ebi kashechi awudde halleenaꞌo taatee qeenooch koteti, bulli yemeenoon beeyechoyich “Oogee yiirecho neene; oogoo neene; ne tuniito bullichoo galleteeto neene” boonoshi immona,

Yaaꞌoo 5:1

Aroyee gubb taatee qeechi toommooch kotetochi qanne kishooch maacinaa maachina kooreeti, qoddeti macaafoon beeggeho; aroo shabaatte maatemoona nashaa dooggitone.

Yaaꞌoo 5:13

Shimaayooch, showoochoo, showee dechoo, baharee toommoochoo beeti halleenaꞌo bulli, boonoshi daggoochoo beeti halleenaꞌo bulli “Taatee qeenooch kotetonaa Bagoonoyich galleto, oogo, oogee yiiroonaa giidoona bulli yemeenoon tunebe” boonoshi ii beetaa waayeho.

Yaaꞌoo 6:16

Geppeenaꞌonaa xaqqee guudinaꞌonon “No toommooch dihibote! Taatee qeenooch koteto aafoochee, Bagoochi kaaree shiixxoocheenoo noon aachibote!