Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaaꞌoo 4:10 - Kafa Linguistics Project

10-11 hiyaa awudde geeneenaꞌo taatee qeenooch koteto aafooch baroona guufeꞌi bulli yemeenoon beeyechoyich goyinneebee, “No Doono, no Nuggishoocho! Bulli mooyon hallitine; ne daaggoonoo tunetone, halleetone. Ebich ‘Oogee yiirecho neene; oogoo neene; giidecho neene’ getteya beddehine” iibee boonoshi uketi gubbichoon kindii taatee qeenooch koteto aafooch kotiiheete.

အခန်းကိုကြည့်ပါ။ ကော်ပီ




Yaaꞌoo 4:10
28 ပူးပေါင်းရင်းမြစ်များ  

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.


Israꞌeelee asho bulli qaaqqoo kindoon, Doono Yeerichi oogee yiiroo yaafee kechi toommooch bi beemonoo beeggiꞌi, baroona showooch guufeechii, “Doono Yeeri deꞌoone; bulli yemeenoon shoodechone” iibee goyinneheete; galleteenoo iyeete.


Iyoobiyoo kotoochee tiyiye; bi tahoon keexxiye; bi qelloon cakkehe; showooch baroona guufeꞌinoo goyinnehe.


Nooch tuneyaanoon, Doono Yeero, nooch tuneyaanoon, ne shoodoonaa ne gibeneyoonoyich, ne shigoyich oogo tunebe.


Yeeri aageteenaꞌo toommooch taatehe; yaafe bi taatee qeenooch kotehe.


Taateenaꞌo bulli biich goyinnebeete; aagetoo bulli biich maddebe.


Ittoshi waataa yitiree biich goyinnebone; noon halliti Doono Yeeri aafooch gutenebone.


Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.


Aacoyee tookk beeti, muttee tuppoochee shippeti tahoon taheti ebi maraakoo bi gutte kishoon shimaayooch tiijjiꞌi, “Ebi keejje nattaa qatooch ceennemmone. Yaafeeti asheenaꞌochi giidoo ciirehooba, ebi mooyo bulli ceennemmone” iꞌi, bulli yemeenoon beeyecho tuneti Yeerichi shigoon ceeggii bi wogaa beetaa waayeho.


Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.


Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.


Boonoshiyoo aroochaa biich goyinneechii, woddoon emiriibee Yerusaalem wotteheete.


Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.


Beeyechi Nuggishoo Yeeri ta tunoona, ta kishoon tiijjaa wogehoye.


Shimaayoonaa bi daggooch beetinaꞌonon, showoonaa bi daggooch beetinaꞌonon, baharoonaa bi daggooch beetinaꞌonon halliti, bulli yemeenoon beeyechona wogeꞌi, “Yeeri tuniiya bi gabiton ceechoyich yagaachemmone;


Yeeri aafooch boonoshi qeeni qeenooch koteti hiyaa awudde geeneenaꞌo baroona guufeꞌi Yeerich goyinneebee,


Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.


Kashechi awudde halleenaꞌo daggoochee ikkoo bulli yemeenoon beeyechi Yeerichi kaaree shiixxoo ceenniti shabaatte aachee xoofeenaꞌon shabaatte maraakeenaꞌoyich immiye.


Hiyaa awudde geeneenaꞌonaa kashechi awudde halleenaꞌona boonoshi baroona guufeꞌi taatee qeenooch koteti Yeerich “Ameena; Haleluya!” iibee goyinneheete.


Bekkech Yeerichi Ayaanee giidoo ta toommooch tunehe; arooba shimaajji taatee xaaꞌooch taatee qeenon, are qeechi toommoochoo koteton beeggeho.


Ebi are taatee qeechi guudoona bare hiyaa awudde taatee qeeninaꞌo beeheete; ebi qeeninaꞌo toommooch nacce tahoon taheꞌi boonoshi qellooch aachee gubbichoon uketi hiyaa awudde geeneenaꞌo koteꞌi beeheete.


Ebi kashechi awudde halleenaꞌo taatee qeenooch koteti, bulli yemeenoon beeyechoyich “Oogee yiirecho neene; oogoo neene; ne tuniito bullichoo galleteeto neene” boonoshi immona,


Kashechi awudde halleenaꞌoo “Ameena” iyeete; geeneenaꞌoo baroona guufeꞌi goyinneheete.


Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,


Maraakeenaꞌo bulliyoo taatee qeechi guudoona, geeneenaꞌonaa kashechi awudde halleenaꞌonochi guudoona neexee beeheete; taatee qeechi aafooch baroona guufeheete; Yeerichoo goyinneebee,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ