Yaaꞌoo 4:1 - Kafa Linguistics Project

¹ Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.

Yaaꞌoo 4:1 ပူးပေါင်းရင်းမြစ်များ

Keyo 1:1

Boonoshi kechi asheenaꞌon yechiꞌi Yaaqobina tookkii Gibits hammiti Israꞌeelichi bushiishoo shigo ebine:

Keyo 19:24

Doono Yeeriyoo Muusich ishichiye: “Kindiree, Haroonin yeshi damba keye. Tunebaani qeesheenaꞌonaa asheenaꞌona Doono Yeeri ta waan womoyich guudi gaadoon beshaayeete. Boonoshi beshegaata, boonoshin naxemmo taane” iye.

Keyo 24:12

Aroochee Doono Yeeri Muusich ishichiye: “Guudi toommooch ta waan wobe. Hiniichoo yagibe. Tawoo Israꞌeeleenaꞌon ne dojjemmi sheeroonaa geteenaꞌonon ta kooriti yalle xaqqeenaꞌon neech immemmo taane” iye.

Shaahiyoo 25:7

Iraashoo aafoochaa ne giishoyee, “Hach damba wobe” ne getteyoo gaawiye. Ne aafoona ne beeggeti mooyon,

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Maatiyoosi 3:16

Yesuusi aacona bi afaalleetoyee gubb, bekkech aacoochee kechiye; areegaata shimaayoo [biichoo] qecheehe; aroochee Yeerichi Ayaano bi ashittinee halloo uggechoommon tuneꞌi, bi toommooch kindii kotoon beeggiye.

Maariqoosi 1:10

Bekkech Yesuusi aacoochee bi kechimmona, shimaayoo qecheeꞌi Yaafe Ayaano bi ashittinee halloo uggechoommon tuneꞌi Yesuusi toommooch bi kindoon Yowannisi beeggiye.

Yowannisi 16:13

Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.

Mishiraachechinaꞌo 10:11

Are yaaꞌoona shimaayoo qecheetaa, oogeti naxaloon shaahiibeeti mooyona awudde caappoona yecheeti qiico showooch kindiye.

Mishiraachechinaꞌo 7:56

Aroochee “Ebiyoche, shimaayoo qecheeꞌi Ashi Bushoo Yeerichi qanne badd neexeebeeto taach bekkeebeete” iye.

Yaaꞌoo 1:10

Doonochi aabooba Yeerichi Ayaanee giidoo ta toommooch tunehe. Ta gubbaa tiree qaaroommi ooge qaaroon waayeho.

Yaaꞌoo 1:12

Taach gettiibeeti qaaro konicho gaata beegga, gubb wottaa ciinno; gubb ciinnaꞌa, aachoochee shuuneeti shabaatte maqirajjoon beeggeho.

Yaaꞌoo 1:19

“Illa ne beeggeton, ebiyoo and tunee beetonaa ebiyee gubb tunemmi mooyonon kooribe.

Yaaꞌoo 11:12

Arooba hini are keemechinaꞌo “Hach keyote” immi ooge qaaroon shimaayoochee waayeheete; boonoshi shixechinaꞌo ciinnii beetaa, quboona shimaajj kechiyeete.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 16:17

Shabaattinnee maraakoo bi yechiti xoofoon yongee toommooch ukkiye; yaafee kechi maac beeti taatee qeenoochaa “Mooyo bulli ceennite” immi ooge qaaro waayeehe.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 22:6

Ebi are maraakoo taach “Neech getteeti mooyinaꞌo gibeneetinaꞌonaa ibereenaꞌonane; bi Ayaanoon bi keemechinaꞌoyich immiti Doono Yeeri katini aabee daggooch tunemmi mooyon bi maddechinaꞌoyich bekkiiya iꞌi bi maraakoon wochee deejjiye” iye.