Yaaꞌoo 3:8 - Kafa Linguistics Project

⁸ Ne shuunoon ariibeeto taane; ne hakkoo amoommon giishecho bi tunetaanoona, neech ta dojjiti qaaroon quyeto neene; ta shigoonoo nookkeyaano neene. Ebich koniyoona hicon hakkaani kelloon neech qechito taane.

Yaaꞌoo 3:8 ပူးပေါင်းရင်းမြစ်များ

Shaahiyoo 30:9

Ebiyoo miyi neen ta nookkeyaachemmoyich, “Doono Yeeri konine?” ta getaachemmoyich, woyee gire ta gaayaachemmoyich, ta Nuggishoo ne shigoon ta naakkiyaachemmoyichiye.

Daaneeli 11:34

Boonoshiyoo qitibee giisheche gaachoon danemminaꞌone. Dawushechi meeti asheenaꞌo boonoshina tookki ikkottemminaꞌone.

Luqaasi 12:9

Ashi aafoochaa taacho bi tunoon nookkee beeto, Yeerichi maraakeenaꞌo aafoochaa nookkeyemmone.

Yowannisi 15:20

‘Guuno bi doonoyee beshaanoone’ iyaꞌa ittoshich ta getteton batteyaahote. Taan boonoshi duꞌiigaata, ittoshin wotta duꞌiyemminaꞌone. Ta getteti qaaroon boonoshi ceechigaata, ittoshi gettemmi qaaroon wotta ceechemminaꞌone.

Yowannisi 17:6

“Hini alemee daggoochee taach ne immeti asheenaꞌoyich ne shigoon arichiito taane. Boonoshi neechinaꞌone; newoo taach immehine; boonoshiyoo ne getteti qaaroon ceechitinaꞌone.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

1 Qorontoosi 16:9

Ta yagemmo, mashaamiti shuunoon ta shuunemmoyich gamini kelloon Yeeri taach qechitoyichiye; wotta taach tollo tuneti meeti asheenaꞌo beetinaꞌone.

2 Qorontoosi 2:12

Kiristoosichi mishiraachee qaaroon getoyich Xiroꞌadi katemooch ta shaggehooba, biich ta shuunemmoyich Doono Yesuusi kelloon qechiteenona,

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Qolaasiyaasi 4:3

Yeerichi qaaroon ta getti naboonane and cuyee kexooch cuchaꞌa ta beeto; ebich ittoshi corootii beegaata, Kiristoosichi qaaree maacee mooyon gaxxi no gettemmi bi qaaree kelloon Yeeri qechemmoyich, noochoo corootibote.

1 Ximootiyoosi 5:8

Tunebaani koniyoona bi xibeenaꞌon, ebiyee beshoon bi kechi asheenaꞌon degaano bi tunegaata, Kiristoosichi toommooch mullee tooꞌiyoon qajjiti, mulloon tooꞌiyaani ashoyee beshoon gonde uroone.

2 Ximootiyoosi 4:7

Gaaweti qiiccoon qiicceto taane; ciirooch beddaahaa dihaanoon wocceto taane; Kiristoosi toommooch mullee tooꞌiyee doyoonoo manjiiꞌa quyeto taane.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 2:2

Ne shuunoonaa ne aayonon, ne haaꞌiyoonoo ariibeeto taane; gondeenaꞌon haaꞌiyaache ne getonaa ebiyoommon wotta mishiraachechinaꞌo tuneyaanoon ‘Mishiraachecho noone’ ii beetinaꞌon boshaa kichaꞌa koote dojjechinaꞌo boonoshi tunoon ne danoonon ariibeeto taane.

Yaaꞌoo 22:7

Yesuusi “Ebiyoche, kaateree woyemmo taane; hini macaafooch kooreeti keemee qaaroon quyee beetinaꞌo diireetinaꞌone” iye.

Yaaꞌoo 3:1

“Sarideesi kittinnee guuphi maraakoyich ishichi kooribe: Yeerich maddeebeeti shabaatte ayaaneenaꞌon hajjii beetonaa shabaatte xojjeneenaꞌon bi kishoona yechitona ishichiye: Ne shuuneti shuunoon ariibeeto taane; kashechone getteebeeto neene; tunebaani qitito neene.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

Yaaꞌoo 3:15

Ne shuunoon ariibeeto taane; aqqoo woyee gaamoo toono neene; aqqoo woyee gaamoo ne tuneto gaata, gaaweshone.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye: