Yaaꞌoo 3:2 - Kafa Linguistics Project

² Ne shuunoo ta Nuggishoo aafooch ceenniꞌi bi bekketaa beegaano taane. Qaallibe! Qitiya ii beeti, echeti mooyinaꞌon andiriibe.

Yaaꞌoo 3:2 ပူးပေါင်းရင်းမြစ်များ

1 Taateenaꞌo 11:4

Solomooni geenehooba, bi mecheenaꞌo bi mulloon, bare nuggisheenaꞌo waan wochiyeete. Solomooni, bi nihoo Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 15:3

Biyoo bi nihoo shuuneti axaaxoo bullin shuunehe. Bi qaabbechi Daawitichoommon, bi mullo bi Nuggishoo Doono Yeerich gibeneeto tuneyaanoone.

2 Kiinoo 25:2

Amasiyaasi Doono Yeeri aafooch kaame mooyon tuniihe; tunebaani bi ceeni mulloona toonoone.

Iyoobi 16:5

Ta yibbaatoona ittoshin goggiyoon hakkesho taane; ta gettaabeeti mooyona qaaqqoochee ittoshin kashiyoon hakkesho taane.

Isiyaasi 35:3

Taahiti mocheenaꞌon kupphiibote; qeweti guteneenaꞌon manjiibote.

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Isiyaasi 57:12

Cadiqe ne shuunoo gettee beeton gaxxi bekkiyemmo taane; tunebaani neech gaacaachemminaꞌone.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Daaneeli 5:27

‘TEQEELI’ geto, ‘Machoona qocaa kettoo tunaꞌa daneto neene’ getone.

Zakaariyaasi 11:16

Ta bageenaꞌon qiddemmon hini showooch tiijjemmo taane. Biyoo aalletoyich aaxxiyaachemmone; shaceton qaawaachemmone. Baata tiisheenaꞌon shepphe wodiyaachemmone; wodoonoo shiimeyaachemmone. Tunebaani awujjitochi meenon maayemmone; bi shanekkoonoo qecciqeccaayemmone.

Maatiyoosi 23:5

“Boonoshi shuunoo bullin asho beeggemmoyich baach shuuneheete. Ebich boonoshi baroonaa boonoshi kishoonooch boonoshi cuyeebeeti xifetoon gamichiyeete; boonoshi qoreddee caappoon genjiiheete;

Maatiyoosi 25:13

“Illa Ashi Bushoo woyemmi aaboonaa saatoonon ariyaano ittoshine; ebich qanniree quyebote” iye.

Maatiyoosi 25:7

“Areegaata gidiideenaꞌo tokketoochee tiyiꞌi boonoshi ceechoon qanniiheete.

Mishiraachechinaꞌo 18:23

Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.

Yibbaatoo 3:28

Ebi ne beeggeti showoon boonoshi woraashemmoyich, Israꞌeeleenaꞌo aafooch shiichiree Yoordaanoosin boonoshi kimmemmoyich tuniyemmo Yaasine. Ebich bi kupphemmonaa bi manjemmonoyich biin gaachebe. Bi tuniyemmi mooyonoo biich gete’ iye.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 2:4

“Tunebaani neen ta ittibatemmi mooyo beetone: Ebiyee aafi ne shunoon qajjeto neene.

Yaaꞌoo 3:1

“Sarideesi kittinnee guuphi maraakoyich ishichi kooribe: Yeerich maddeebeeti shabaatte ayaaneenaꞌon hajjii beetonaa shabaatte xojjeneenaꞌon bi kishoona yechitona ishichiye: Ne shuuneti shuunoon ariibeeto taane; kashechone getteebeeto neene; tunebaani qitito neene.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.