Yaaꞌoo 3:19 - Kafa Linguistics Project

¹⁹ “Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.

Yaaꞌoo 3:19 ပူးပေါင်းရင်းမြစ်များ

2 Saameeli 7:14

Tawoo biich nihoo tunemmo taane; biyoo taach bushoon tunemmone. Gonde mooyon bi shuunehooba, nihoo bi bushoon sheeroommon, gumboona biin sheeremmo taane.

Iyoobi 5:17

“Yeeri sheeriibeeti asho diireetone; ebich Beshe Hakkechi Yeerichi sheeroon qallayiyaahine.

Shoddo 39:11

Ashoon bi axaaxoyich noggaa naxehine; bi shuni mooyon piloochoommon aalliihine; iberoochaa asho bulli hiinnoommone.

Shoddo 6:1

Doono Yeero, ne kaaroona taan sheeriyaahine; ne kaaree shiixxoonoo taan yexxaahine.

Shoddo 69:9

Ne kechi qanaato taan michiye; neen boonoshi naaggiibeeti naago ta toommooch kindiye.

Shoddo 94:10

Aageteenaꞌon sheeriibeeto, asheenaꞌoyich ariyoon dojjiibeeto, naxeyaachehe?

Shaahiyoo 15:10

Kaame gommoochee kechimmo oogeton sheereyemmone; sheeroon shixxii beetoo qitemmone.

Shaahiyoo 15:32

Sheeroon shixxiibeeto bi qelloon giishiihe; tunebaani sheeroon deqqiibeeto shalligoon danehe.

Shaahiyoo 22:15

Bushiishoochi mullooch tuushoo caaceetone; tunebaani sheeree gumbo ebin boonoshi waanee wokkiihe.

Isiyaasi 26:16

Doono Yeero, ne asheenaꞌo boonoshi xuuxehooba neen qaawiyeete; boonoshin ne sheeriyooboo shaashikkoona ne waan corootiyeete.

Erimiyaasi 10:24

Doono Yeero, taan sheeribe; tunebaani tatoona tunebe; ciroona taan ne aalliyaachemmoyich, kaaroona tunaaye.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 31:18

“Efreemi ayinoona ishichoon waayehoye: ‘Yookkeyaani bariyoochoommon taan sheerihine; tawoo sheerehoye; Doono Yeeri ne, ta Nuggishoo ne tunetoyich taan wochibe; tawoo wottemmo taane.

Erimiyaasi 7:28

Newoo boonoshich: ‘Boonoshi Nuggishoo Doono Yeerich deꞌa getaani, sheerenoo deꞌaani asheenaꞌo hinoshine; iberoo aalletone; boonoshi noonoocheenoo kuxetone.

Sofoniyaasi 3:2

Ebi asheenaꞌo getaa giyaaneenaꞌo, kaaree ciicenoo waayeyaaneenaꞌone. Doono Yeerin gibeneyaacheete; boonoshi Nuggishoo waanoo giddeyaacheete.

Maatiyoosi 25:7

“Areegaata gidiideenaꞌo tokketoochee tiyiꞌi boonoshi ceechoon qanniiheete.

Yowannisi 2:17

Bi dabbeenaꞌo “Ne kechi qanaato taan michemmone” getaa kooreyoon shalligiyeete.

Roomi 12:11

Ittoshi shuuneebeeti shuunoona kupphebotani beeneyaahote; qeeci mulloona Doonoyich maddebote.

1 Qorontoosi 11:32

Tunetaa yemeenee ciirooba, hini alemee asheenaꞌo toommooch bi nalliyooba, boonoshina tookkiree no toommooch bi nallaachemmoyich, and Doono Yesuusi no toommooch nalliibee sheerii beetone.

2 Qorontoosi 6:9

Aricheti asho tuneebee aricheyaanoommon tuniitaa ciicheto noone; qitito no shaahitaa kashoona beeto noone; duꞌehone, tunebaani qitaachone.

2 Qorontoosi 7:11

Ebi Yeerichi daaggoommon tuneti ayinoo am shaahe maac kuxo tunoon, xuꞌoochee xalloo ittoshi tunoon bekkiyoyich am shaahe qanaatoon, gonde moochi toommooch am shaahe kaaroon, am shaahe shaton, taach ittoshich beeti am shaahe sharaatoon, mulloochee tiyiti am shaahe qanaatoonaa xuꞌecho toommooch nalloonon ittoshi daggooch tuniite! Ebi mooyoyich bulli gommona xalloo ittoshi tunoon miixiito ittoshine.

Galaati 4:18

Gaawe gaboona bi tunegaata ebi qanaato gaawetone; tunebaani ebi bi tunemmo, bulli aaboonalli, ittoshina tookkaa ta beehooba baach toonoone.

Yibbaatoo 8:5

Asho bi bushoon bi sheeroommon ne Nuggishoo Doono Yeeri neen bi sheeroon batteyaahine.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaꞌoo 2:5

Illa amoochee ne dihito gaata gabibe; axaaxee gommoochee Yeer waan wottebe; aafi ne shuunoon tuniibe. Ebi tuno qayigaata, neech woyemmo taane; axaaxee gommoochee Yeer waan wottoon ne qayigaata, ne maqirajjoon bi xaaꞌoochee tiijjemmo taane.