Yaaꞌoo 3:18 - Kafa Linguistics Project

¹⁸ Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.

Yaaꞌoo 3:18 ပူးပေါင်းရင်းမြစ်များ

Shoddo 107:11

Ebiyoo Doono Yeerichi qaaree toommooch boonoshi tiyitoyich, Beshoo Yeerichi ciicoon boonoshi qallayitoyichiye.

Shoddo 16:7

Taan ciicciti Doono Yeerin galletehoye; xumoonona ta mullo taan dojjii beetone.

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shoddo 73:24

Ne ciicoona taan yaabihine; ciiroochaa, oogoona taan daammemmo neene.

Shaahiyoo 1:25

ta ciico bullin ittoshi qallayitoyich, ta sheeroon deꞌo ittoshi qajjitoyich,

Shaahiyoo 1:30

ta ciicoon deꞌo boonoshi qajjitoyich, ta sheeroon boonoshi hoxetoyich,

Shaahiyoo 19:20

Ciicoon ellebe; getoon waayebe; gubbich shalligoon danemmo neene.

Shaahiyoo 23:23

Iberoon kemeballi kemmaahine; shalligoon, gaawe ciicoonaa gabii deꞌonon kemebe.

Dojjecho 8:2

Yeeri biich wogoon bi giyitoyich, taatoochi getoon ne ceechemmoyich neech gettehoye.

Isiyaasi 47:3

Ne achoo xalla bekkemmone; ne ashittino gaxxeyemmone; nichoon kichemmo taane; koninolla echiyaachemmo taane” iye.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Erimiyaasi 13:26

Ta qelloona ta, ne tahoon gallemmo taane; ne achoo bekkemmone.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Mikiyaasi 1:11

Shafiir beeti asheenaꞌo shokke qeddoon tune yeellebee kecaa hammemminaꞌone. Tsanaan beeti asheenaꞌo katemoyee maach keyon hakkaachemminaꞌone. Beet Etseli katemoo eeppi toommooch bi beetoyich, ittoshi dege wodemmi xaaꞌoo arooch daneyaachemmone.

Naahoomi 3:5

Beshe Mawe Doono Yeeri ishichiye: “Ittoshi toommooch tiyeto taane; ittoshi marixxoon kaama shootiree, aageteenaꞌo ittoshi achoon beeggemmoyich tuniyoona, ittoshin yeelliyemmo taane.

Milikiyaasi 3:3

Biyoo birewoon wociiꞌi xalliibeeti ashichoommon kotemmone. Lewichi yareenaꞌon aachoonaa birewoonochoommon wociiree xalliyemmone. Aroochee boonoshiyoo boonoshi giddiiya bede tate deejjoon Doono Yeerich giddiyemminaꞌone.

Maatiyoosi 13:44

“Wotta shimaajji taatittine ebiyoommine: Ikke uro goyee daggooch aacheeti aaxxe qiicoon danehe. Daneꞌi arooch wochii aachiye. Oogeton emiriibee hammii biich beeto bullin kemmiꞌi are goyoon kemehe.

Maatiyoosi 25:9

“Tunetaa mullechinaꞌo wochiꞌi, ‘Nooch beeti ceechee zayito noonnaa ittoshinoyich bedo bi qayigaatoche? Ebiyee hamiree kemmii beetinaꞌo waanee ittoshi qellich kemebote’ iyeete.

Luqaasi 12:21

“Bi qellich gijjoon kiciichii Yeeri aafoochaa girecho tuneti asho ebiyoommone” iye.

2 Qorontoosi 5:3

are shimaajji no kexon taheechi shokkaachoon tuneyaachone.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

1 Ximootiyoosi 6:18

Gaawe shuunoon shuunebee, deꞌe shuunee gaannechon tunebote. Ittoshich beetoochee qoodoyich qannibote; kishoon maggiiree imbote.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 19:8

Bagoochi woꞌechoo muttee tuppoochee cicii yokketaa shippeti, wacciibeeti xalle tahoon bi tahemmoyich ichehe” iye. Ebi are muttee tuppoochee cicii yokketaa shippeti taho yaafeenaꞌo shuuneti cadiqee shuunee shaahiyoone.

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

Yaaꞌoo 3:17

‘Gaannecho taane; bedditi gaanno taach beete; baroo amolla taach qaawiyaache’ ii beeto neene; tunebaani xuuxoona yexxeto, ayinikkito, girecho, wolloo, shokkaachoo ne tunoon ariyaano neene.

Yaaꞌoo 4:4

Ebi are taatee qeechi guudoona bare hiyaa awudde taatee qeeninaꞌo beeheete; ebi qeeninaꞌo toommooch nacce tahoon taheꞌi boonoshi qellooch aachee gubbichoon uketi hiyaa awudde geeneenaꞌo koteꞌi beeheete.

Yaaꞌoo 7:13

Geeneenaꞌo daggoochee ikkoo tiyiꞌi, “Nacce tahoon taheti eboshi ameexinaꞌone? Amoochee waatinaꞌone?” iꞌi taan echehe.